7th Pay Commission : सरकारी कर्मचाऱ्यांची एवढी पगारवाढ होणार? या दिवशी निर्णय होणार?

सरकारी कर्मचाऱ्यांची एवढी पगारवाढ होणार?   |  फोटो सौजन्य: Representative Image

7th Pay Commission : Central Government Employees May Get 4 Percent DA Hike on This Day : सरकारी कर्मचाऱ्यांची पगारवाढ होणार आहे. केंद्र सरकारचे कर्मचारी असाल तर या पगारवाढीचा फायदा मिळणार आहे. केंद्र सरकारच्या कर्मचाऱ्यांची पगारवाढ करण्याबाबतच्या प्रस्तावावर मार्च महिन्यात निर्णय होणार असल्याचे वृत्त आहे. मार्च महिन्यातील केंद्रीय मंत्रिमंडळाच्या बैठकीत निर्णय होणार असल्याचे समजते. । काम-धंदा

केंद्रीय कर्मचाऱ्यांचा डीए (Dearness allowance - DA / महागाई भत्ता) तसेच निवृत्त केंद्रीय कर्मचाऱ्यांचे पेन्शन (Pension / निवृत्ती वेतन) यात वाढ होण्याची शक्यता आहे. कोरोना संकटाचा काळ वगळता एरवी केंद्र सरकार डीए आणि पेन्शनवाढीबाबतचे निर्णय अनेकदा होळीच्या आधी घेते. यामुळे 1 मार्च 2023 रोजी होणार असलेल्या मंत्रिमंडळाच्या बैठकीत निर्णय होईल असा अंदाज आहे. अपेक्षेप्रमाणे निर्णय झाला तर डीए, पेन्शनवाढीमुळे सरकारी कर्मचाऱ्यांच्या पगारात वाढ होणार आहे. 

महागाईची स्थिती बघता केंद्रीय कर्मचाऱ्यांच्या डीएमध्ये 4 टक्क्यांची वाढ होईल आणि निवृत्ती केंद्रीय कर्मचाऱ्यांच्या पेन्शनमध्येही मोठी वाढ होईल असा अंदाज व्यक्त होत आहे. 

महागाई वाढत असल्यास डीए वाढतो. या निकषामुळे डीएमध्ये वाढ अपेक्षित आहे. किरकोळ महागाई सध्या 4.23 टक्के आहे. सरकारी पातळीवर डीए वाढवताना अनेकदा दशांश संख्येचा विचार होत नाही. यामुळे डीए 4 टक्के वाढेल असा अंदाज केंद्रीय कर्मचाऱ्यांच्या संघटनेचे प्रतिनिधी व्यक्त करत आहेत. 

सध्या केंद्रीय कर्मचाऱ्यांचा डीए 38 टक्के आहे. जर 4 टक्क्यांची वाढ झाली तर डीए 42 टक्के होणार आहे. 

बातमीची भावकी

PM Kisan Samman Nidhi : पीएम किसान योजनेच्या तेराव्या हप्त्याचे पैसे या दिवशी खात्यात जमा होणार

Reliance Industries : मुकेश अंबानींनी गुपचूप बंद केली ही सर्व्हिस, गाजावाजा करून केली होती सुरू

Petrol Pump Fraud : सावधान, पेट्रोल पंपावर सुरू आहे फसवणूक, नुकसान टाळण्यासाठी हा आहे उपाय

किती वाढू शकतो पगार?

जर एखाद्या केंद्रीय कर्मचाऱ्याचे मूळ वेतन सध्या 18 हजार रुपये प्रति महिना असेल, तर 38 टक्के डीए नुसार त्याला 6840 रुपये डीए मिळेल. डीए 4 टक्के वाढला तर 18 हजार प्रति महिना पगारावर 42 टक्क्यांप्रमाणे 7560 रुपये डीए मिळेल. 

1. मासिक महागाई भत्ता 38 टक्के : 18000 x 38/100  = 6840
2. सध्याच्या 38 टक्के महागाई भत्त्यानुसार वार्षिक पगार : 6840 x 12 =  82080
3. मासिक महागाई भत्ता 42 टक्के : 18000 x 42/100  = 7560
4. 42 टक्के महागाई भत्त्यानुसार वार्षिक पगार : 7560 x 12 = 90720