Cryptocurrency Prices | बिटकॉइनमध्ये तेजी, इथेरियमदेखील उसळला
Cryptocurrency | बिटकॉइनपाठोपाठ इथेरियममध्येदेखील तेजी आली आहे. इथेरियम ०.२ टक्क्यांनी वधारला आहे. तर कार्डेनोच्या किंमतीत ०.६ टक्के घसरण झाली आहे. अॅव्हालान्चमध्ये ३.०३ टक्के घसरण झाली असून पोल्कडॉटमध्ये ०.१४ टक्के घसरण झाली आहे. तर लाइटकॉइनदेखील मागील २४ तासात खाली आला आहे. तर दुसरीकडे टेथरच्या किंमतीत १.०७ टक्के वाढ झाली आहे. लुनामध्ये ३.७९ टक्के वाढ झाली आहे. त्याचबरोबर सोलानामध्ये मागील २४ तासात ४.०२ टक्के उसळी आली आहे.
क्रिप्टोकरन्सीमधील गुंतवणूक
थोडं पण कामाचं
- बिटकॉइनच्या किंमतीत झाली वाढ
- क्रिप्टोकरन्सीचे बाजारमूल्य वाढले
- क्रिप्टोकरन्सीकडे जगभरातून तरुणाई आकर्षित
Bitcoin Price | नवी दिल्ली: जागतिक क्रिप्टोकरन्सीच्या बाजारात बिटकॉइनच्या किंमतीत (Bitcoin price)वाढ नोंदवण्यात आली आहे. क्रिप्टोकरन्सीचे एकूण बाजारमूल्य (Crptocurrency Market Capitalisation)मागील २४ तासात ०.३९ टक्के घसरणीसह २.३७ ट्रिलियन डॉलरवर पोचले आहे. तर बिटकॉइनचा क्रिप्टोकरन्सीमधील वाटा ०.१२ टक्क्यांनी वाढून ४०.६९ टक्क्यांवर पोचला आहे. बाजारमूल्याच्या दृष्टीने बिटकॉइन (Bitcoin) ही जगातील सर्वात मोठी क्रिप्टोकरन्सी आहे. सध्या बिटकॉइन ५०,९४५.८८ डॉलरच्या पातळीवर व्यवहार करतो आहे. (Bitcoin price increases, trades on $ 50,945)
कार्डेनो, पोल्कडॉटमध्ये घसरण
बिटकॉइनपाठोपाठ इथेरियममध्येदेखील तेजी आली आहे. इथेरियम ०.२ टक्क्यांनी वधारला आहे. तर कार्डेनोच्या किंमतीत ०.६ टक्के घसरण झाली आहे. अॅव्हालान्चमध्ये ३.०३ टक्के घसरण झाली असून पोल्कडॉटमध्ये ०.१४ टक्के घसरण झाली आहे. तर लाइटकॉइनदेखील मागील २४ तासात खाली आला आहे. तर दुसरीकडे टेथरच्या किंमतीत १.०७ टक्के वाढ झाली आहे. लुनामध्ये ३.७९ टक्के वाढ झाली आहे. त्याचबरोबर सोलानामध्ये मागील २४ तासात ४.०२ टक्के उसळी आली आहे. एक्सआरपीच्या किंमतीत २४ तासात ३.९१ टक्के घसऱण झाली आहे.
क्रिप्टोकरन्सीचे बाजारमूल्य वाढले
सध्याच्या या हंगामात क्रिप्टोकरन्सीच्या बाजारात तेजी आली आहे. क्रिप्टोकरन्सीचे एकूण बाजारमूल्य १० टक्क्यांपेक्षा जास्तने वाढून २.५ ट्रिलियन डॉलरच्या पुढे गेले आहे. केंद्र सरकारने क्रिप्टोकरन्सी रेग्युलेशन ऑफ ऑफिशियल डिजिटल करन्सी बिल, २०२१ संसदेच्या हिवाळी अधिवेशनात सादर करण्याचे ठरवले होते. मात्र हे बिल संसदेत सादर झाले नाही. सरकारने यावर पुन्हा काम करण्याचा निर्णय घेतला आहे. क्रिप्टोकरन्सीमध्ये मागील काही वर्षात मोठी लोकप्रियता आली आहे. खासकरून तरुण याकडे आकर्षित होत आहेत. अर्थात यात खूप चढउतार असल्याने सावध राहण्याची आवश्यकता आहे.
बातमीची भावकी
क्रिप्टोकरन्सीवर सरकारचे धोरण
सध्या केंद्र सरकार क्रिप्टोकरन्सीवर नियंत्रण आणण्याचा प्रयत्न करते आहे. त्यासाठी एका विधेयकावर काम सुरू आहे. यामध्ये आरबीआयच्या कामाचादेखील समावेश आहे. सध्या भारतात क्रिप्टोकरन्सी आणि त्याच्या बाजारपेठेवर जोरदार चर्चा सुरू आहे. या प्रकारच्या क्षेत्राचे नियमन कसे करायचे याची चर्चा सुरू आहे.
मागील काही वर्षांपासून क्रिप्टोकरन्सी (Cryptocurrency) आणि डिजिटल करन्सी (Digital Currency) हा जगभरच चर्चेचा विषय झाला आहे. अनेक देश यावर काम करत आहेत. भारताच्या क्रिप्टोकरन्सीवर रिझर्व्ह बॅंक ऑफ इंडिया (RBI)दीर्घ काळापासून काम करते आहे. जगभरातील अनेक देशांच्या सेंट्रल बॅंका या दिशेने काम करत आहेत. चीन, युरोप आणि इंग्लंडच्या सेंट्रल बॅंका क्रिप्टोकरन्सीच्या विविध शक्यतांवर काम करत आहेत.
ब्लॉकचेन तंत्रज्ञानावर आधारित क्रिप्टोकरन्सीने जागतिक वित्तीय बाजारपेठेचा अंदाज चुकवला आहे. क्रिप्टोकरन्सीमध्ये चढउतार मोठ्या प्रमाणात असल्याने याबद्दल तज्ज्ञ सावध राहण्यास सांगत असले तरी दिवसेंदिवस क्रिप्टोकरन्सीचे विश्व झपाट्याने विस्तारते आहे. क्रिप्टोकरन्सीमधील जगभरातील गुंतवणुकीचे प्रमाण मोठ्या वेगाने वाढत चालले आहे.