New Income Tax Slabs and Rates in marathi: 7 लाख रुपयांपर्यंतचे उत्पन्न करमुक्त
Budget 2023 New Income Tax Slabs and Rates and tax calculation read in Marathi : केंद्रीय अर्थमंत्री निर्मला सीतारमण यांनी लोकसभेत बजेट 2023 सादर केले. या बजेटद्वारे मोदी सरकारने पगारदार मध्यमवर्गीयांना मोठा दिलासा दिला आहे.
7 लाख रुपयांपर्यंतचे उत्पन्न करमुक्त | फोटो सौजन्य: Representative Image
थोडं पण कामाचं
- 7 लाख रुपयांपर्यंतचे उत्पन्न करमुक्त
- वार्षिक उत्पन्न 9 लाख रुपये असल्यास 45 हजार रुपये कर भरावा लागेल
- वार्षिक उत्पन्न 3 लाखांपेक्षा जास्त आणि 6 लाखांपर्यंत असल्यास नव्या करप्रणालीनुसार 5 टक्के कर
New Income Tax Slabs and Rates and tax calculation read in Marathi : केंद्रीय अर्थमंत्री निर्मला सीतारमण यांनी लोकसभेत बजेट 2023 सादर केले. या बजेटद्वारे मोदी सरकारने पगारदार मध्यमवर्गीयांना मोठा दिलासा दिला आहे. अर्थमंत्र्यांनी 7 लाख रुपयांपर्यंतचे उत्पन्न करमुक्त केल्याचे जाहीर केले. तसेच अर्थमंत्र्यांनी नव्या करप्रणालीत अडीच लाखांऐवजी 3 लाख रुपयांपर्यंतच्या उत्पन्नाला करमुक्त केले आहे.
नव्या करप्रणालीनुसार 3 लाख रुपयांपर्यंतचे वार्षिक उत्पन्न करमुक्त असेल आणि गुंतवणूक केली तर आणखी कमाल 4 लाख रुपयांपर्यंतचे उत्पन्न करमुक्त होईल. या पद्धतीने नव्या करप्रणालीनुसार गुंतवणूक केल्यास 7 लाख रुपयांपर्यंतचे उत्पन्न करमुक्त होईल.
अशी आहे नवी आयकर रचना
- वार्षिक उत्पन्न 0 ते 3 लाख - शून्य कर
- वार्षिक उत्पन्न 3 ते 6 लाख - 5 टक्के कर
- वार्षिक उत्पन्न 6 ते 9 लाख - 10 टक्के कर
- वार्षिक उत्पन्न 9 ते 12 लाख - 15 टक्के कर
- वार्षिक उत्पन्न 12 ते 15 लाख - 20 टक्के कर
- वार्षिक उत्पन्न 15 लाख आणि त्यापेक्षा जास्त - 30 टक्के कर
आयकर स्लॅब आणि दर 2023 (जुने टॅक्स रिजीम )
जुन्या करप्रणाली अंतर्गत कर स्लॅब आणि दरांमध्ये कोणताही बदल झालेला नाही
- 2.5 लाखांपर्यंत वार्षिक उत्पन्न: शून्य कर
- 2.5-5 लाख रुपयांपर्यंत वार्षिक उत्पन्न: 5 टक्के कर
- वार्षिक उत्पन्न 5-10 लाखांपर्यंत: 20 टक्के कर
- 10-20 लाख रुपयांपर्यंतचे वार्षिक उत्पन्न: 30 टक्के कर
- 20 लाखांपेक्षा जास्त वार्षिक उत्पन्न: 30 टक्के कर
| कसा लागू होतो इन्कम टॅक्स | 5 लाखांवर झिरो टॅक्स | आता 7 लाखांवर झिरो टॅक्स |
| वार्षिक उत्पन्न | 6.50 लाख | 7.0 लाख |
| 80 सी अंतर्गत सूट | 1.50 लाख | 1.50 लाख |
| आयकरपात्र उत्पन्न | 5. लाख | 5.5 लाख |
| टॅक्स | 5 टक्के | 5 टक्के |
| टॅक्स स्लॅब | 2.5 लाखांपर्यंत शून्य टॅक्स | 3 लाखांपर्यंत शून्य टॅक्स |
| आयकरपात्र उत्पन्नावर कर | 12,500 रुपये | 12,500 रुपये |
| सेक्शन 87 (A) अंतर्गत रिबेट | 12,500 रुपये | 12,500 रुपये |
| नेट टॅक्स | 0 | 0 |
महत्त्वाचे मुद्दे
- अर्थमंत्र्यांच्या घोषणेनुसार वार्षिक उत्पन्न 9 लाख रुपये असल्यास नव्या करप्रणालीनुसार 45 हजार रुपये कर भरावा लागेल
- उच्च आयकर दर 42.5 टक्क्यांऐवजी 39 टक्के
- वार्षिक उत्पन्न 3 लाखांपेक्षा जास्त आणि 6 लाखांपर्यंत असल्यास नव्या करप्रणालीनुसार 5 टक्के कर लागू
बातमीची भावकी
