Indian Railways Rules: TTE ट्रेनमध्ये 'या' वेळी नाही तपासू शकत तुमचं तिकीट, जाणून घ्या काय आहेत नियम
रेल्वेचा प्रवास (Rail travel) करणाऱ्यांसाठी हा लेख खूप कामाचा आहे. भारतातील बहुतेक लोक रेल्वेने प्रवास करतात आणि त्यांचा प्रवास आरामदायी व्हावा अशी त्यांची इच्छा असते. मात्र ट्रेनमध्ये अनेकदा चुकीच्या वेळी तिकीट तपासणे, सीटबाबत प्रवाशांची (Passengers) होणारी गल्लत यामुळे लोकांना रेल्वे प्रवास त्रासाचा वाटत असतो.
TTE ट्रेनमध्ये 'या' वेळी नाही तपासू शकत तुमचं तिकीट | फोटो सौजन्य: BCCL
थोडं पण कामाचं
- टीटीईला सकाळी 6 ते रात्री 10 या वेळेतच तिकिटांची पडताळणी करावी लागते.
- रात्री 10 वाजेनंतर प्रवास करणाऱ्या प्रवाशांचे तिकीट तपासले जाईल.
- मधला (मीडल बर्थ) बर्थ वरुन प्रवास करणाऱ्या प्रवाशाला रात्री 10 वाजेपासून ते सकाळी 6 वाजेपर्यंत सीट घेता येईल.
Indian Railways Rules: नवी दिल्ली: रेल्वेचा प्रवास (Rail travel) करणाऱ्यांसाठी हा लेख खूप कामाचा आहे. भारतातील बहुतेक लोक रेल्वेने प्रवास करतात आणि त्यांचा प्रवास आरामदायी व्हावा अशी त्यांची इच्छा असते. मात्र ट्रेनमध्ये अनेकदा चुकीच्या वेळी तिकीट तपासणे, सीटबाबत प्रवाशांची (Passengers) होणारी गल्लत यामुळे लोकांना रेल्वे प्रवास त्रासाचा वाटत असतो. पण तुम्हाला माहिती आहे का की रेल्वेच्या नियमांनुसार तुमच्या संमतीशिवाय कोणीही तुम्हाला त्रास देऊ शकत नाही. रेल्वेच्या नियमानुसार रेल्वेचे तिकीट परीक्षक (Railway ticket examiner) म्हणजेच टीटीई झोपताना तुमचे तिकीट तपासू शकत नाहीत. चला तुम्हाला रेल्वेच्या या नियमांबद्दल आम्ही आज सांगणार आहोत.
TTE तिकीट तपासू शकत नाही
रेल्वे प्रवासादरम्यान, ट्रॅव्हल तिकीट परीक्षक (TTE) तिकीट तपासण्यासाठी येतात. अनेकवेळा असे देखील घडते की, टीटीई तुमचं तिकीट किंवा आयडी दाखवण्यासाठी तुम्हाला रात्री उशिरा उठवतो. पण, TTE देखील तुम्हाला रात्री 10 नंतर त्रास देऊ शकत नाही. म्हणजेच टीटीईला सकाळी 6 ते रात्री 10 या वेळेतच तिकिटांची पडताळणी करावी लागते. रात्री झोपल्यानंतर कोणत्याही प्रवाशाला त्रास होणार नाही. ही रेल्वे बोर्डाची मार्गदर्शक सूचना आहे.
बातमीची भावकी
हा नियम या प्रवाशांना लागू होणार नाही
मात्र, रेल्वे बोर्डानुसार रात्री १० नंतर प्रवास करणाऱ्या प्रवाशांना हा नियम लागू होणार नाही. म्हणजेच, जर तुम्ही रात्री 10 वाजल्यानंतर ट्रेनमध्ये बसलात, तर टीटीई तुमचे तिकीट आणि आयडी नक्कीच तपासू शकते.
मिडल बर्थवर झोपण्यासाठी काय नियम आहेत?
मधल्या बर्थवर झोपणाऱ्या प्रवाशांसाठीही रेल्वे बोर्डाने नियम केले आहेत. अनेक वेळा ट्रेन सुरू होताच प्रवासी बर्थ उघडतात. त्यामुळे लोअर बर्थ असलेल्या प्रवाशांना खूप त्रास होतो. पण रेल्वेच्या नियमांनुसार मधला बर्थ असलेला प्रवासी रात्री 10 ते सकाळी 6 या वेळेतच त्याच्या बर्थवर झोपू शकतो. म्हणजेच, जर एखाद्या प्रवाशाला रात्री 10 च्या आधी मधला बर्थ उघडणे थांबवायचे असेल तर तुम्ही त्याला थांबवू शकता. त्याच वेळी, सकाळी 6 नंतर बर्थ खाली करावा लागेल जेणेकरून इतर प्रवाशांना खालच्या बर्थवर बसता येईल. बर्‍याच वेळा खालच्या बर्थचे लोक रात्री उशिरापर्यंत जागे राहतात आणि मधल्या बर्थच्या लोकांना त्रास होतो, त्यामुळे तुम्ही नियमानुसार 10 वाजता तुमची सीट घेऊ शकता.