7th Pay Commission: दणदणीत वाढ! केंद्रीय कर्मचाऱ्यांचा 1 जुलैपासून वाढणार पगार, जाणून घ्या किती मिळणार फायदा

7th Pay Commission : अखेर केंद्रीय कर्मचाऱ्यांसाठी आनंदाची बातमी आली आहे, ज्याची ते आतुरतेने वाट पाहत होते. केंद्रीय कर्मचाऱ्यांचा महागाई भत्ता (Dearness Allowance)1 जुलैपासून वाढणार आहे. कर्मचाऱ्यांचा महागाई भत्ता आता थेट 38 टक्के असेल. या वाढीचा फायदा त्यांना पगारातील (Salary Hike) बंपर वाढीच्या रूपाने पाहायला मिळणार आहे. केंद्रीय कर्मचाऱ्यांचा पगार किती वाढणार ते जाणून घेऊया.

7th Pay Commission: Central government employees salary hike
7th Pay Commission: केंद्रीय कर्मचाऱ्यांच्या वेतनात वाढ 
थोडं पण कामाचं
  • केंद्रीय कर्मचाऱ्यांच्या वेतनात होणार जबरदस्त वाढ
  • कर्मचाऱ्यांचा महागाई भत्ता आता थेट 38 टक्के
  • पगारातील वाढ 1 जुलैपासून लागू

7th Pay Commission:नवी दिल्ली : अखेर केंद्रीय कर्मचाऱ्यांसाठी आनंदाची बातमी आली आहे, ज्याची ते आतुरतेने वाट पाहत होते. केंद्रीय कर्मचाऱ्यांचा महागाई भत्ता (Dearness Allowance)1 जुलैपासून वाढणार आहे. कर्मचाऱ्यांचा महागाई भत्ता आता थेट 38 टक्के असेल. या वाढीचा फायदा त्यांना पगारातील (Salary Hike) बंपर वाढीच्या रूपाने पाहायला मिळणार आहे. केंद्रीय कर्मचाऱ्यांच्या महागाई भत्त्यात (Dearness Allowance)वाढ करण्याची घोषणा सरकारने मार्चमध्ये केली होती. सरकारने 1 जानेवारीपासून महागाई भत्ता वाढवण्यासंदर्भातदेखील चर्चा केली. एप्रिल महिन्याच्या पगारासह तीन महिन्यांची थकबाकी देण्याचे अर्थ मंत्रालयाने सांगितले होते. आता जुलैमध्ये पुन्हा एकदा केंद्रीय कर्मचाऱ्यांच्या (Central Government Employees) महागाई भत्त्यात वाढ होणार आहे. केंद्रीय कर्मचाऱ्यांचा पगार किती वाढणार ते जाणून घेऊया. (Central government employees to get salary hike from 1st July as DA is hiked)

महागाई भत्ता वाढण्याची शक्यता

वाढत्या महागाईच्या पार्श्वभूमीवर जुलैमध्ये कर्मचाऱ्यांच्या महागाई भत्त्यात वाढ होऊ शकते. मार्चमध्ये आलेल्या अखिल भारतीय ग्राहक किंमत निर्देशांक (AICPI) वरून निर्णय घेण्यात आला आहे की जुलै-ऑगस्टमध्ये महागाई भत्ता 4% दराने वाढू शकतो.

अधिक वाचा : Gold-Silver Rate Today, 26 May 2022 : सोन्याच्या भावात किरकोळ घसरण, अमेरिकन फेडरल रिझर्व्हच्या आक्रमक धोरणामुळे सोन्याच्या भावात चढउतार, पाहा ताजा भाव

आकडे काय सांगतात?

महत्त्वाचे म्हणजे, जानेवारी आणि फेब्रुवारी 2022 साठी AICP निर्देशांकात घसरण झाली. एआयसीपी निर्देशांक जानेवारीमध्ये 125.1 वर होता, तो फेब्रुवारीमध्ये 125 वर होता, तर मार्चमध्ये तो 1 अंकाने वाढून 126 वर पोहोचला. एप्रिल-मे आणि जूनचे आकडे अजून यायचे आहेत. जर हा आकडा 126 च्या वर गेला तर सरकार डीए 4% ने वाढवू शकते.

पगार किती वाढणार?

जर सरकारने डीए 4% ने वाढवला तर केंद्रीय कर्मचाऱ्यांचा DA 34% वरून 38% होईल. आता जास्तीत जास्त आणि किमान मूळ वेतनात किती वाढ होईल ते पाहू.

अधिक वाचा : Edible Oil : मोठी बातमी ! महागाई रोखण्यासाठी सरकारने हटवले खाद्यतेलांवरील आयात शुल्क, खाद्यतेलाच्या किंमती घटण्याची शक्यता...

कमाल मूळ पगाराचे कॅल्क्युलेशन 

  1. - कर्मचार्‍यांचे मूळ वेतन म्हणजे बेसिक सॅलरी 56,900 रुपये
  2. -. नवीन महागाई भत्ता (38%) 21,622 रुपये/महिना
  3. - आतापर्यंत महागाई भत्ता (34%) 19,346 रुपये/महिना
  4. - किती महागाई भत्ता वाढला 21,622-19,346 = 2,276 रुपये/महिना
  5. - वार्षिक पगारात वाढ 2,276X12 = 27,312 रुपये

अधिक वाचा : एअरटेल, जिओ, व्हीआयचे प्लॅन महागणार

किमान मूळ पगाराचे कॅल्क्युलेशन 

  1. - कर्मचाऱ्याचे मूळ वेतन 18,000 रुपये
  2. - नवीन महागाई भत्ता (38%) 6840 रुपये/महिना
  3. - आतापर्यंत महागाई भत्ता (34%) 6120 रुपये/महिना
  4. - किती महागाई भत्ता वाढला 6840-6120 = 720 रुपये/महिना
  5. - वार्षिक पगारात वाढ 720 X12 = 8,640 रुपये
 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी