Fun Wellness Programme | ही कंपनी आपल्या कर्मचाऱ्यांना वजन कमी करण्यासाठी देणार बोनस...

Weight Loss : ऑनलाइन ब्रोकरेज फर्म असलेल्या झिरोधाचे सह-संस्थापक आणि सीईओ नितीन कामथ (Zerodha's CEO Nithin Kamath) यांनी त्यांच्या कर्मचाऱ्यांसाठी एक भन्नाट कार्यक्रम सुरू केला आहे. या कार्यक्रमाअंतर्गत झिरोधामधील (Zerodha) कर्मचाऱ्यांना वजन कमी करण्यासाठी बक्षीस दिले जाणार आहे. हे बक्षिस बोनसच्या रुपात दिले जाणार आहे.

Zerodha's fun wellness programme
झिरोधाच्या कर्मचाऱ्यांना वजन कमी करण्यासाठी मिळणार बोनस 
थोडं पण कामाचं
  • कामथ म्हणाले की, झिरोधा येथे 25 पेक्षा कमी बीएमआय असलेल्या कोणालाही अर्ध्या महिन्याचा पगार बोनस मिळेल.
  • सीईओच्या म्हणण्यानुसार झिरोधाच्या कर्मचाऱ्यांचा सरासरी बीएमआय २५.३ आहे.
  • कामथ यांच्या मते, दररोज 10,000 पावले चालणे हा एक चांगला पर्याय

Zerodha's fun wellness programme : नवी दिल्ली : ऑनलाइन ब्रोकरेज फर्म असलेल्या झिरोधाचे सह-संस्थापक आणि सीईओ नितीन कामथ (Zerodha's CEO Nithin Kamath) यांनी त्यांच्या कर्मचाऱ्यांसाठी एक भन्नाट कार्यक्रम सुरू केला आहे. आपल्या कंपनीतील कर्मचाऱ्यांनी तंदुरुस्त राहावे यासाठी प्रोत्साहन देण्यासाठी कामथ यांनी एक निरोगी असण्याचा कार्यक्रम (fun wellness programme)कंपनीत सुरू केला आहे. या कार्यक्रमाअंतर्गत झिरोधामधील (Zerodha) कर्मचाऱ्यांना वजन कमी करण्यासाठी बक्षीस दिले जाणार आहे. हे बक्षिस बोनसच्या रुपात दिले जाणार आहे. (Employees at Zerodha will be rewarded for losing weight, announcement by Zerodha's Nithin Kamath)

अधिक वाचा : LPG Price in India | भारतात एलपीजीची किंमत जगात 'सर्वाधिक' महागडी, पेट्रोलचे दर तिसऱ्या तर डिझेलचे दर आठव्या क्रमांकाने महागडे

झिरोधाचा वेलनेस प्रोग्रॅम

कामथ यांनी जाहीर केले केले की त्यांची कंपनी कर्मचार्‍यांना तंदुरुस्त राहण्यासाठी प्रोत्साहित करण्यासाठी "मजेदार निरोगीपण कार्यक्रम" सुरू करत आहे. या कार्यक्रमाचा एक भाग म्हणून झरोधा येथील कर्मचाऱ्यांना वजन कमी केल्याबद्दल बक्षीस दिले जाईल. 

बीएमआय कमी करण्याचे चॅलेंज

नितीन कामथ स्वत: तंदुरुस्त आणि उत्साही आहेत. यासंदर्भात ट्विट करत कामथ यांनी म्हटले आहे की, 25 पेक्षा कमी बीएमआय असलेल्या झिरोधा येथील कोणालाही अर्ध्या महिन्याच्या पगाराचा बोनस मिळेल. सीईओच्या म्हणण्यानुसार झिरोधाच्या कर्मचाऱ्यांचा सरासरी बीएमआय २५.३ आहे. त्यांनी आपल्या कर्मचार्‍यांना आव्हानही दिले की, जर ते ऑगस्टपर्यंत सरासरी BMI 24 च्या खाली आणू शकले, तर कंपनीतील प्रत्येकाला अर्ध्या महिन्याच्या पगाराचा बोनस मिळेल. 

अधिक वाचा : World Health Day 2022 Theme, Quotes: जागतिक आरोग्य दिन का साजरा केला जातो? तारखा, थीम, कोट्स आणि संदेश

कामथ यांनी त्यानंतरच्या ट्विटमध्ये आव्हानाचे मापदंड स्पष्ट केले. "@zerodhaonline वर, आम्ही एक मजेदार वेलनेस प्रोग्रॅम चालवत आहोत. आमच्या टीममधील कोणीही ज्याचा BMI 30 किंवा त्याहून अधिक आहे, त्याने वजन कमी केले किंवा सरासरी BMI मध्ये सर्वात जास्त बदल असलेली व्यक्ती विजेता असेल.

अधिक वाचा : RBI MPC | व्याजदरात बदल नाही...रिझर्व्ह बॅंकेकडून सलग 11व्यांदा रेपो दर 4 टक्केच

पायी चालण्याचा पर्याय

कामथ यांनी सर्वांना "निरोगी जागतिक दिन 1" च्या शुभेच्छाही दिल्या. यासंदर्भातील शेवटच्या ट्विटमध्ये कामथ म्हणाले की BMI हा आरोग्य आणि फिटनेसचा मागोवा घेण्याचा आदर्श मार्ग नसला तरी सुरुवात करण्याचा हा सर्वात सोपा मार्ग आहे.  "आरोग्य आणि जीवनातील इतर अनेक पैलूंचा सर्वात महत्वाचा भाग म्हणजे सुरुवात करणे," असे ते पुढे म्हणाले. कामथ यांनी त्यांच्या कर्मचाऱ्यांना असे आवाहन केले की जर त्यांना निरोगी व्हायचे असेल तर दररोज 10,000 पावले चालणे हा एक चांगला पर्याय आहे.

जगातील प्रत्येकजण त्याच्या आरोग्याबद्दल चिंतित आहे. प्रत्येकाला पूर्णपणे निरोगी राहण्याची इच्छा असते. या कारणास्तव दरवर्षी 7 एप्रिल रोजी जागतिक आरोग्य दिन साजरा केला जातो. जगातील प्रत्येक व्यक्तीला चांगल्या आरोग्य सुविधा मिळाव्यात आणि लोक आरोग्याबाबत जागरूक असावेत हा या दिवसाचा उद्देश आहे. याशिवाय जागतिक आरोग्य आणि त्याच्याशी संबंधित समस्यांचा विचार करता येईल, हाही हा दिवस साजरा करण्याचा उद्देश आहे. यासाठी जागतिक आरोग्य दिनानिमित्त जागतिक आरोग्य संघटनेतर्फे अनेक जनजागृती कार्यक्रमही आयोजित केले जातात. जेणेकरून लोक आरोग्याबाबत जागरूक होऊन गंभीर आजारांना आळा घालू शकतील.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी