EPFO Benefits | पीएफ अंतर्गत मिळतोय लाखो रुपयांपर्यंतचा फायदा, जाणून घ्या सर्व काही
EDLI Benefit : पीएफ कपात करणारी ईपीएफओ (EPFO) आपल्या पीएफ खातेधारकांना (PF Account Holders) नवनवीन सुविधा देत राहते, ज्याचा फायदाही मोठ्या प्रमाणावर होतो. ईपीएफओ आपल्या खातेधारकांसाठी एक मोठी सुविधा उपलब्ध करून देत आहे. सर्व सदस्यांसाठी ७ लाख रुपयांपर्यंतचा मोफत विमा (Insurance) उपलब्ध आहे. हा विमा ईडीएलआय (EDLI) म्हणजेच एम्प्लॉईज डिपॉझिट लिंक्ड इन्शुरन्स स्कीम अंतर्गत केला जातो.
ईपीएफओ अंतर्गत पीएफधारकांना विमा संरक्षण
थोडं पण कामाचं
- ईपीएफओकडून पीएफ खातेधाराकंना अनेक सुविधा
- पीएफखातेधारकांना मिळते कमाल ७ लाख रुपयांचे विमा संरक्षण
- ईडीएलआय (EDLI) म्हणजेच एम्प्लॉईज डिपॉझिट लिंक्ड इन्शुरन्स स्कीम अंतर्गत मिळतो विम्याचा लाभ
EDLI Scheme Benefit for PF account : नवी दिल्ली : सरकारी किंवा खासगी नोकरदारांसाठी आनंदाची बातमी आहे. कारण ही बातमी कर्मचाऱ्यांना खूप उपयोगी ठरणार आहे. पीएफ कपात करणारी ईपीएफओ (EPFO) आपल्या पीएफ खातेधारकांना (PF Account Holders) नवनवीन सुविधा देत राहते, ज्याचा फायदाही मोठ्या प्रमाणावर होतो. ईपीएफओ आपल्या खातेधारकांसाठी एक मोठी सुविधा उपलब्ध करून देत आहे. सर्व सदस्यांसाठी ७ लाख रुपयांपर्यंतचा मोफत विमा (Insurance) उपलब्ध आहे. हा विमा ईडीएलआय (EDLI) म्हणजेच एम्प्लॉईज डिपॉझिट लिंक्ड इन्शुरन्स स्कीम अंतर्गत केला जातो. (EPF account holders get benefits of Insurance, check details)
ईडीएलआय योजनेचा लाभ
प्रत्येक EPF खातेदाराला EDLI योजनेअंतर्गत समाविष्ट केले जाते. आजारपणामुळे, अपघाती मृत्यू किंवा कर्मचाऱ्याचा नैसर्गिक मृत्यू झाल्यास सदस्य कर्मचाऱ्याच्या नामनिर्देशित व्यक्तीच्या वतीने EDLI योजनेअंतर्गत दावा केला जाऊ शकतो. यामध्ये, कोरोनामुळे मृत्यू झाल्यासही दावा केला जाऊ शकतो. EDLI योजनेचे कवच मृत्यूच्या आधीच्या 12 महिन्यांच्या आत एकापेक्षा जास्त आस्थापनांमध्ये काम केलेल्या कर्मचाऱ्यांच्या पीडित कुटुंबासाठी देखील आहे.
पीएफ खातेधारकांना विम्याचा
त्याच वेळी, EDLI योजनेमध्ये, दाव्याचे पैसे एकरकमी दिले जातात. EDLI मध्ये कर्मचाऱ्याला कोणतीही रक्कम भरावी लागत नाही. योगदान फक्त कंपनीच्या वतीने केले जाते. योजनेंतर्गत नामनिर्देशन नसल्यास, कव्हरेजमधील मृत कर्मचाऱ्याची पत्नी, अविवाहित मुली आणि अल्पवयीन मुलगे लाभार्थी असतील. ज्या सदस्याचा मृत्यू झाला आहे तो EPF मध्ये सक्रिय योगदानकर्ता असणे म्हणजे पीएफ खाते अॅक्टिव्ह असणे आवश्यक आहे. सदस्याचा मृत्यू होईपर्यंत त्याच्या वतीने पीएफमध्ये योगदान चालू ठेवावे. EDLI योजनेत किमान विमा रक्कम 2.5 लाख रुपये आहे.
बातमीची भावकी
विमा संरक्षणाचे कॅल्क्युलेशन
त्याच वेळी, संघटित क्षेत्रात काम करणाऱ्या कर्मचाऱ्यांच्या मूळ पगाराच्या 12 टक्के + डीए कर्मचारी भविष्य निर्वाह निधी EPF मध्ये जातो. कंपनी/नियोक्ता द्वारे केवळ 12 टक्के योगदान दिले जाते, परंतु नियोक्त्याच्या 12 टक्के योगदानापैकी, 8.33 टक्के कर्मचारी पेन्शन योजना EPS आणि उर्वरित EPF मध्ये जाते. EDLI योजनेमध्ये, कर्मचाऱ्याला मिळालेल्या मागील 12 महिन्यांच्या मूळ वेतन + DA च्या आधारावर दावा मोजला जातो. ताज्या दुरुस्ती अंतर्गत, आता या विमा संरक्षणाचा दावा शेवटच्या मूळ वेतन + DA च्या 35 पट आहे, जो पूर्वी 30 पट होता. तसेच, आता कमाल १.७५ लाख रुपये बोनस असेल, जो आधी कमाल १.५० लाख रुपये होता.
ईपीएफ सदस्याचा अकाली मृत्यू झाल्यास, त्याचे नॉमिनी किंवा कायदेशीर वारस विमा संरक्षणासाठी दावा करू शकतात. दावा करणाऱ्या अल्पवयीन व्यक्तीचे वय 18 वर्षांपेक्षा कमी असल्यास, त्याचे पालक त्याच्या वतीने दावा करू शकतात. ईपीएफओने आपल्या बहुतांश सेवा आता ऑनलाइन स्वरुपात उपलब्ध करून दिल्या आहेत.