ALERT : इन्कम टॅक्स फाईल करण्याचा आज अखेरचा दिवस, 15 मिनिटांत असा भरा आयकर, अन्यथा पडेल दंड

इन्कम टॅक्स फाईल करण्याचा आज अखेरचा दिवस  |  फोटो सौजन्य: Times Now

Alert : गेल्या आर्थिक वर्षासाठी (Assessment Year) इन्कम टॅक्स फाईल (ITR File) करण्यासाठी आज म्हणजेच 31 जुलै हा अखेरचा दिवस (Last day) आहे. आजचा दिवस संपेपर्यंत इन्कम टॅक्स फाईल करता येणार आहे. ही मुदत वाढवली जाणार नाही, असं इन्कम टॅक्स विभागाकडून वारंवार सांगण्यात आलं आहे. मात्र तरीही अनेकांनी आपला आयकर फाईल करण्याची प्रक्रिया अद्याप पूर्ण केलेली नाही. 31 जुलैपर्यंत इन्कम टॅक्स फाईल केला नाही,  त्यापुढे या कामासाठी दंड भरावा लागणार आहे. त्यामुळे अजूनही वेळ गेलेली नाही. आज दिवसभरात कधीही तुम्ही इन्कम टॅक्स फाईल करू शकता. त्यासाठी आवश्यक असणारी सर्व कागदपत्रं आणि तपशील जवळ घेऊन तुम्ही लॉग-इन केलंत, तर काही मिनिटांतच ही प्रक्रिया तुम्ही पूर्ण करू शकाल. 

या कागदपत्रांची गरज

इन्कम टॅक्स फाईल करण्याची प्रक्रिया सुरू करण्यापूर्वी तुम्हाला काही महत्त्वाचे कागदपत्रं जवळ घेऊन बसणं सोयीचं जाईल. त्यामध्ये फॉर्म 16 किंवा फॉर्म 16A, 26AS मधील टीडीएसचे तपशील, ॲन्युअल इन्फर्मेशन स्टेटमेंट, कॅपिटल गेनबबातचं स्टेटमेंट ही कागदपत्रं आवश्यक आहेत. यापैकी जी कागदपत्रं लागू असतील, ती जवळ ठेवा. तुमचा आयकर फाईल करण्यासाठी आवश्यक असणारे सर्व तपशील त्यामध्ये असतात. त्याशिवाय तुमचं पॅन कार्ड, आधार कार्ड नंबर, गुंतवणुकीचे तपशील आणि बँक अकाउंट तपशील तुमच्यापाशी तयार ठेवा. ही सगळी तयारी झाली की मग इन्कम टॅक्स फाईल करण्याची प्रक्रिया सुरू करा.

अधिक वाचा - EPFO Update: लाखो पेन्शनधारकांसाठी मोठी बातमी, ईपीएफओ​​ने सुरू केली नवी सुविधा

स्वतः फाईल करा इन्कम टॅक्स

• सर्वप्रथम https://eportal.incometax.gov.in वर जा.
• तुमचा युजर आयडी भरा आणि कंटिन्यू बटन दाबा. (पॅन नंबर हाच युजर आयडी असतो)
• त्यानंतर तुमचा पासवर्ड टाकून लॉग इन करा
• लॉगइन केल्यावर नवं पेज उघडेल. त्यावरील ई-फाईल या ऑप्शनला क्लिक करा
• त्यानंतर ‘फाईल इन्कम टॅक्स रिटर्न’ हा पर्याय निवडा आणि असेसमेंट इयर सिलेक्ट करा
• मग ऑनलाईन हा पर्याय निवडा आणि पर्सनल या पर्यायावर क्लिक करा
• त्यानंतर ITR 1 ते ITR 4 यापैकी योग्य तो पर्याय निवडा
• जर तुम्ही पगारी नोकरदार असाल तर ITR 1 हा पर्याय तुमच्यासाठी आहे.
• आयटीआर रिटर्न फॉर्म डाऊनलोड झाल्यावर 139 (1)  ओरिजिनल रिटर्न पर्याय निवडा
• त्यानंतर तुम्ही निवडलेला फॉर्म ओपन होईल. तो नीट भरा
• त्यानंतर ऑनलाईन प्रक्रिया व्हेरिफाय करा आणि रिटर्नची हार्डकॉपी आयकर विभागाला पाठवून द्या.

अधिक वाचा - Asia's Richest Woman : आशियाची नवी सर्वात श्रीमंत महिला...भारताच्या सावित्री जिंदाल, पाहा कशामुळे झाला हा बदल

उशीर केल्यास दंड

शनिवारी रात्री साडेआठ वाजेपर्यंत केवळ 5 कोटीपेक्षा अधिक लोकांनी इन्कम टॅक्स फाईल केला आहे. ही संख्या कमी असून अनेकांनी अजून टॅक्स फाईल केलेला नाही. तुम्हीही त्यापैकीच असाल तर उशीर न करता वेळेत टॅक्स फाईल करा.