भारताची गहू निर्यातीवर बंदी
Govt puts curbs on wheat export, India ban wheat export : भारतातून गहू निर्यात करण्यावर केंद्र सरकारने पुढील आदेशापर्यंत बंदी लागू केली आहे. ही बंदी देशातले गव्हाचे दर नियंत्रणात ठेवण्यासाठी तात्पुरत्या स्वरुपात लागू केली आहे.
भारताची गहू निर्यातीवर बंदी | फोटो सौजन्य: Representative Image
थोडं पण कामाचं
- भारताची गहू निर्यातीवर बंदी
- बंदी देशातले गव्हाचे दर नियंत्रणात ठेवण्यासाठी तात्पुरत्या स्वरुपात लागू
- गव्हाचा देशाला आवश्यक साठा करून झाल्यानंतर गहू निर्यातीसाठी परवानगी दिली जाईल
Govt puts curbs on wheat export, India ban wheat export : नवी दिल्ली : भारतातून गहू निर्यात करण्यावर केंद्र सरकारने पुढील आदेशापर्यंत बंदी लागू केली आहे. ही बंदी देशातले गव्हाचे दर नियंत्रणात ठेवण्यासाठी तात्पुरत्या स्वरुपात लागू केली आहे.
जगाला सर्वाधिक गहू निर्यात करणाऱ्या देशांमध्ये युक्रेन हा देश आघाडीवर आहे. पण रशिया आणि युक्रेन यांच्यात सुरू असलेल्या लढाईमुळे युक्रेनमधून होणाऱ्या गहू निर्यातीवर परिणाम झाला आहे. अशा परिस्थितीत भारतीय गहू निर्यात सुरू केली आणि नंतर देशात गव्हाची मागणी असताना गव्हाची कमतरता भासली तर दर वधारतील. हा धोका टाळण्यासाठी तात्पुरती व्यवस्था म्हणून केंद्र सरकारने गव्हाच्या निर्यातीवर बंदी लागू केली आहे. गव्हाचा देशाला आवश्यक साठा करून झाल्यानंतर गहू निर्यातीसाठी परवानगी दिली जाईल, असे वृत्त आहे.
बातमीची भावकी
- ज्यांना १३ मे २०२२ च्या आधी लेटर ऑफ क्रेडिट दिले आहे त्यांना निर्यातीची परवानगी आहे इतरांना पुढील आदेशापर्यंत निर्यात करता येणार नाही
- भारताने २०२१-२२ मध्ये ७० लाख टन गहू निर्यात करून २.०५ अब्ज यूएस डॉलर एवढे उत्पन्न कमावले
- भारताच्या २०२१-२२च्या गहू निर्यातीपैकी ५० टक्के गहू बांगलादेशला निर्यात करण्यात आला
- भारताने मागच्या वर्षी १ लाख ३० हजार टन आणि या वर्षी आतापर्यंत ९ लाख ६३ हजार टन गहू निर्यात केला आहे
- भारत २०२२-२३ मध्ये एक कोटी टन गहू निर्यात करण्याच्या तयारीत
- भारत सरकारच्या प्रतिनिधींनी अलिकडेच मोरक्को, ट्युनिशिया, इंडोनेशिया, फिलिपिन्स, थायलंड, व्हिएतनाम, तुर्कस्तान, अल्जीरिया, लेबनॉन या देशांचा दौरा करून गहू व्यापारा बाबत चर्चा केली, लवकरच या देशांमध्ये भारतीय गहू निर्यात होण्याची शक्यता
- वर्ष २०२१-२२ मध्ये जुलै पर्यंत भारतात ११.१३ लाख टन गव्हाचे उत्पादन होण्याची शक्यता