HDFC Bank Interest Rates Update | एचडीएफसी बँकेने मुदतठेवींच्या व्याजदरात केली वाढ...पाहा नवे व्याजदर

FD interest rates : भारतातील खाजगी क्षेत्रातील सर्वात मोठी बॅंक असलेल्या एचडीएफसी बँकेच्या (HDFC Bank) ग्राहकांसाठी खूशखबर आहे. कारण बँकेने निवडक मुदतठेवींसाठी (Fixed Deposit) म्हणजे 2 कोटी रुपयांपेक्षा कमी रकमेच्या मुदत ठेवींवरील व्याजदरात वाढ केली आहे. नवीन व्याजदर 6 एप्रिल 2022 पासून लागू झाले आहेत. एचडीएफसी लिमिटेड आणि एचडीएफसी बॅंकेचे विलीनीकरण (HDFC twins merger) झाल्याच्या बातमीनंतर फक्त 2 दिवसांनी व्याजदरात वाढ करण्यात आली आहे.

HDFC Bank hikes FD interest rates
एचडीएफसी बँकेने मुदतठेवींच्या व्याजदरात केली वाढ 
थोडं पण कामाचं
  • एचडीएफसी बँकेच्या (HDFC Bank) ग्राहकांसाठी खूशखबर आहे
  • बॅंकेने निवडक मुदतठेवींसाठी (Fixed Deposit) म्हणजे 2 कोटी रुपयांपेक्षा कमी रकमेच्या मुदत ठेवींवरील व्याजदरात वाढ केली
  • एचडीएफसी ट्विन्सच्या विलीनीकरणानंतर बॅंकेने नवे व्याजदर जाहीर केले आहेत

HDFC Bank hikes FD interest rates : नवी दिल्ली : भारतातील खाजगी क्षेत्रातील सर्वात मोठी बॅंक असलेल्या एचडीएफसी बँकेच्या (HDFC Bank) ग्राहकांसाठी खूशखबर आहे. कारण बँकेने निवडक मुदतठेवींसाठी (Fixed Deposit) म्हणजे 2 कोटी रुपयांपेक्षा कमी रकमेच्या मुदत ठेवींवरील व्याजदरात वाढ केली आहे. नवीन व्याजदर 6 एप्रिल 2022 पासून लागू झाले आहेत. एचडीएफसी लिमिटेड आणि एचडीएफसी बॅंकेचे विलीनीकरण (HDFC twins merger) झाल्याच्या बातमीनंतर फक्त 2 दिवसांनी व्याजदरात वाढ करण्यात आली आहे. (HDFC Bank increases the interest rates on fixed deposit, check the latest rates)

एचडीएफसी बँकेने त्यांच्या 1 वर्षाच्या मुदतठेवीवरील व्याज दर 5 टक्क्यांवरून 10 बेसिस पॉइंटने वाढवत 5.10 टक्क्यांनी वाढवला आहे. तर 1 वर्ष 1 दिवस ते 2 वर्षे एफडीवर व्याजदर 5 टक्क्यांवरून 5.10 टक्के केला आहे. याआधी फेब्रुवारीमध्येही बँकेने 1 वर्षाचा एफडी व्याजदर 10 बेस पॉईंटने 4.9 टक्क्यांवरून 5 टक्के केला होता. तर 3 वर्ष ते 5 वर्षांचा एफडी व्याज दर 5.40 टक्क्यांवरून 5.45 टक्के केला होता. 

एचडीएफसी बँकेचे एफडीसाठीचे नवे व्याजदर पाहा-

  1. 7 - 14 दिवस - 2.50 टक्के
  2. 15 - 29 दिवस - 2.50 टक्के
  3. 30 - 45 दिवस - 3.00 टक्के
  4. 46 - 60 दिवस - 3.00 टक्के
  5. 61 - 90 दिवस - 3.00 टक्के
  6. 91 दिवस - 6 महिने - 3.50 टक्के
  7. 6 महिने 1 दिवस - 9 महिने - 4.40 टक्के
  8. 9 महिने 1 दिवस ते 1 वर्षापेक्षा कमी - 4.40 टक्के
  9. 1 वर्ष - 5.10 टक्के
  10. 1 वर्ष 1 दिवस - 2 वर्षे - 5.10 टक्के
  11. 2 वर्षे 1 दिवस - 3 वर्षे - 5.20 टक्के
  12. 3 वर्षे 1 दिवस- 5 वर्षे - 5.45 टक्के
  13. 5 वर्षे 1 दिवस - 10 वर्षे - 5.60 टक्के

ज्येष्ठ नागरिकांसाठी एचडीएफसी बँकेचे एफडीवरील व्याजदर-

एचडीएफसी बँक ज्येष्ठ नागरिकांना 2 कोटी रुपयांपेक्षा कमी ठेवींवर 0.50 टक्के अतिरिक्त दर देते. शिवाय ज्येष्ठ नागरिक 5 वर्ष एक दिवस ते 10 वर्षे मुदतीच्या ठेवींवर 0.50 टक्‍क्‍यांच्या विद्यमान प्रीमियमच्या 0.25 टक्‍के आणि त्याहून अधिक प्रिमियमसाठी देखील पात्र आहेत.

  1. 7 - 14 दिवस - 3.00 टक्के
  2. 15 - 29 दिवस - 3.00 टक्के
  3. 30 - 45 दिवस - 3.50 टक्के
  4. 46 - 60 दिवस - 3.50 टक्के
  5. 61 - 90 दिवस - 3.50 टक्के
  6. 91 दिवस - 6 महिने - 4.00 टक्के
  7. 6 महिने 1 दिवस - 9 महिने - 4.90 टक्के
  8. 9 महिने 1 दिवस ते 1 वर्षापेक्षा कमी - 4.90 टक्के
  9. 1 वर्ष - 5.60 टक्के
  10. 1 वर्ष 1 दिवस - 2 वर्षे - 5.60 टक्के
  11. 2 वर्षे 1 दिवस - 3 वर्षे - 5.70 टक्के
  12. 3 वर्षे 1 दिवस- 5 वर्षे - 5.95 टक्के
  13. 5 वर्षे 1 दिवस - 10 वर्षे - 6.35 टक्के
 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी