Aadhar Card Update : आधारमध्ये कितीवेळी तुम्ही नाव बदलू शकता? जाणून घ्या नाव, पत्ता आणि जन्मतारीख बदल्याचे नियम, जेंडर अपडेट करण्याचीही आहे मुभा

सध्याच्या घडीला आधार कार्ड हे महत्त्वाचे दस्तऐवज आहे. जर तुमचे आधार नसेल तर अनेक ठिकाणी तुमचे सरकारी दरबारी काम होणार नाही. इतकेच नाही तर आधार आणि इतर कागदपत्रावरील माहितीमध्ये साधर्म्य नसेल तरीही पंचायत होण्याची शक्यता आहे. how many times you can update aadhaar information see UIDAI guidelines

aadhar card
आधार कार्ड 
थोडं पण कामाचं
  • सध्याच्या घडीला आधार कार्ड हे महत्त्वाचे दस्तऐवज आहे.
  • जाणून घेऊया आधारवरील माहिती अपडेट करण्याचे नियम
  • पत्ता आणि जेंडर बदलण्याची मुभा

aadhar card update status check । मुंबई : सध्याच्या घडीला आधार कार्ड हे महत्त्वाचे दस्तऐवज आहे. जर तुमचे आधार नसेल तर अनेक ठिकाणी तुमचे सरकारी दरबारी काम होणार नाही. इतकेच नाही तर आधार आणि इतर कागदपत्रावरील माहितीमध्ये साधर्म्य नसेल तरीही पंचायत होण्याची शक्यता आहे. अशा वेळी आधारमधील माहिती बदलणे किंवा अपडेट करणे गरजेचे असते. आधारमध्ये नाव, पत्ता, जन्मतारीख तसेच आपले जेंडर अपडेट करण्याचीही तरतूद आहे. जाणून घेऊया आधारवरील माहिती अपडेट करण्याचे काय आहेत नियम. (how many times you can update aadhaar information see UIDAI guidelines)

आधारवर किती वेळा नाव बदलू शकता?

UIDAI ने जारी केलेल्या नियमांनुसार आधार युजर आपले नाव फक्त दोनच वेळा बदलू शकतात. UIDAIने यासंबंधी यापूर्वीच एक अधिसूचना जारी केली होती. जर तुम्हाला आपल्या आधारमधील नावात बदल करायचे असतील तर तुम्हाला फक्त दोनदाच बदल करत येतं. त्यानंतर आधारमधील नावात तुम्हाला बदल करता येणार नाही.

आधारवरील जन्मतारीख किती वेळा बदलता येणार

आधारमधील जन्मतारीख तुम्हाल कधीच बदलत येणार नाही. आधार कार्ड धारकाला आपल्या जन्मतारखेत बदल करता येत नाही. फक्त आधार कार्ड बनवताना जन्म तारीख चुकली असेल तर इतर दस्तएवजाचा दाखला देऊन ती चूक दुरुस्त करता येते. अशा प्रकारे तुम्ही आधार कार्डमध्ये आपली जन्मतारीख एकदा दुरुस्त करता येते.

पत्ता आणि जेंडर बदलण्याची मुभा

आधार कार्डधारक आपला पत्ताही अपडेट करता येतो. परंतु आधार कार्डधारकाला एकदाच आपला पत्ता बदलता येतो. तसेच आधार कार्डधारकांना आपले जेंडर अपडेट करण्याचाही पर्याय देतात. परंतु पत्ता, जन्मतारीखप्रमाणे ही माहितीही एकदाच अपडेट करता येते.

आधार कार्ड अपडेट करण्यासाठी महत्त्वाची कागदपत्रे

  • नावात बदलण्यासाठी तुम्हाला ओळखपत्र देणे गरजेचे आहे. त्यात मतदान ओळखपत्र, पासपोर्ट, ड्रायव्हिंग लायसन्स देणे गरजेचे आहे.
  • पत्ता अपडेट करण्यासाठी बँकेचे स्टेटमेंट, पासबूक, रेशन कार्ड, पाण्याचे बिल अशा प्रकारचे कागदपत्र गरजेचे आहे.
  • जन्मतारखेत बदल करण्यासाठी आधारकार्ड धारकांना जन्म दाखला, पासपोर्ट किंवा विद्यापीठाचे गुणपत्र देणे आवश्यक आहे.
  • तर जेंडर अपडेट करण्यासाठी कुठल्याही कागदपत्रांची गरज नाही असे आधारने आपल्या सूचनांमध्ये म्हटले आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी