तुमच्या खिशातील 500 रुपयांची नोट नकली तर नाहीये ना? अशी तपासा नोट खरी की खोटी

प्रातिनिधिक फोटो  |  फोटो सौजन्य: BCCL

How to find out currency notes are real or not: बाजारात बनावट नोटा आढळून येत असल्याचं अनेकदा समोर आलं आहे. इतकेच नाही तर बनावट नोटा वितरीत करणाऱ्या रॅकेटचाही पोलिसांनी आतापर्यंत अनेकदा पर्दाफाश केला आहे. आपल्यापैकी अनेकांना नकली आणि असली नोट यातील अंतर किंवा त्या नोटा कशा ओळखाव्यात याबाबत माहिती नसते. बनावट नोटाही अगदी खऱ्या नोटांप्रमाणेच दिसतात. (how to check 500 rupees not is original or duplicate read step by step process in marathi)

तुम्हालाही खऱ्या नोटा आणि बनावट नोट यामधील अंतर समजून घेण्यात अडचणी येत असतील तर तुम्हाला काळजी करण्याची गरज नाही. कारण, भारतीय रिझर्व्ह बँकेने या संदर्भात एक चेकलिस्ट प्रसिद्ध केली आहे, जी फॉलो केल्यावर तुम्हाला 500 रुपयांची नोट बनावट आहे की खरी आहे हे ओळखू शकाल. आरबीआयने प्रसिद्ध केलेल्या चेकलिस्ट संदर्भात सांगणार आहोत ज्यामुळे तुम्ही 500 रुपयांची नोट खरी आहे की बनावट आहे हे तुम्ही सहज ओळखू शकता.

हे पण वाचा : स्वप्नात स्त्रीचे असे रूप दिसणे म्हणजे नशीब बदलण्याचे आहे लक्षण

अशी ओळखा 500 रुपयांची नोट बनावट की खरी 

1. 500 रुपयांची नोट एखाद्या लाईटसमोर ठेवली तर तुम्हाला काही ठराविक ठिकाणावर 500 असे लिहिलेलं दिसेल.
2. नोट 45 अंशावरुन डोळ्यासमोर ठेवली तर तुम्हाला त्या ठिकाणी सुद्धा 500 लिहिलेलं दिसून येईल.
3. यासोबतच त्या ठिकाणी देवनागरीत 500 लिहिलेलं सुद्धा दिसेल.
4. नोटवर मध्यभागी उजव्या बाजूला महात्मा गांधी यांचा फोटो आहे. 
5. नोटवर भारत लिहिलेले आहे.
6. तुम्ही नोट थोडी फोल्ड केली तर तुम्हाला त्यात सुरक्षा धाग्याचा रंग हिरव्यावरुन इंडिगोमध्ये बदलताना दिसेल.
7. आरबीआयचे गव्हर्नर यांची सही, गॅरंटी क्लॉज, प्रॉमिस क्लॉज आणि आरबीआय लोगो आता उजव्या बाजूला हलवण्यात आला आहे. 
8. महात्मा गांधी यांचा फोटो आणि इलेक्ट्रोटाइप वॉटरमार्क सुद्धा आता दिसत आहे.
9. नोटच्या वरील बाजूला डावीकडे आणि खालच्या बाजूला उजवीकडे संख्या ही डावीकडून उजवीकडे वाढते.
10. नोटवरील 500 या आकड्याचा रंग हिरव्यावरुन निळा होतो. 
11. नोटेच्या उजव्या बाजूला अशोकस्तंभ आहे. 
12. उजव्या बाजूला सर्कल बॉक्समध्ये 500 लिहिले आहे. उजव्या आणि डाव्या बाजूला 5 ब्लीड लाईन्स आहेत. अशोक स्तंभाचं प्रतीक आणि महत्मा गांधी यांचा फोटो रफल प्रिंटमध्ये आहे. 
13. नोटवर छपाई करण्यात आलेलं वर्ष छापण्यात आले आहे. 
14. स्वच्छ भारतचा लोगो आणि घोषणा सुद्धा छापण्यात आली आहे. 
15. भाषा पॅनल मध्यभागी आहे.