ICICI बँकेने कमी केले होम लोनचे व्याज दर , EMI होणार कमी 

ICICI बँकेने कमी केले होम लोनचे व्याज दर , EMI होणार कमी   |  फोटो सौजन्य: Twitter

नवी दिल्ली : खासगी क्षेत्रातील आयसीआयसीआय बँकेने गृह कर्जावरील व्याजदर 6.70 टक्क्यांपर्यंत खाली आणले आहेत. बँकेने म्हटले आहे की नुकत्याच झालेल्या व्याजदरात कपातीनंतर बँकेच्या गृह कर्जाचा व्याज दर गेल्या 10 वर्षातील सर्वात खालच्या पातळीवर आला आहे. शुक्रवारपासून नवीन व्याजदर लागू झाले आहेत. या दराने ग्राहक 75 लाख रुपयांपर्यंत गृह कर्ज घेऊ शकतात असे बँकेने म्हटले आहे. बँकेने प्रसिद्ध केलेल्या निवेदनात म्हटले आहे की 75 लाख रुपयांच्या कर्जावरील व्याज दर 6.75 टक्क्यांपासून सुरू होत आहे. बँकेने असे म्हटले आहे की ग्राहक कमी व्याज दरावर 31 मार्च 2021 पर्यंत गृह कर्ज घेऊ शकतात.

बँकेने प्रसिद्ध केलेल्या निवेदनात म्हटले आहे की,  स्वप्नातील घर विकत घेण्याचा विचार करीत असलेल्या व्यक्ती बँकेच्या वेबसाइटवर किंवा 'आयमोबाईल पे'  ('iMobile Pay')या मोबाइल बँकिंग प्लॅटफॉर्मद्वारे डिजिटल मार्गाने होम कर्जासाठी अर्ज करू शकतात. या प्लॅटफॉर्मद्वारे अन्य बँकांचे ग्राहकदेखील कर्जासाठी अर्ज करु शकतात असे बँकेने म्हटले आहे. याशिवाय तुम्ही जवळच्या आयसीआयसीआय बँक शाखेतून गृह कर्जासाठीही अर्ज करू शकता. याशिवाय त्यांना कर्जाचे डिजिटल सॅंक्शन पत्रही त्वरित मिळू शकेल. 

आयसीआयसीआय बँकेचे प्रमुख (सुरक्षित मालमत्ता) रवि नारायणन म्हणाले, “ज्या ग्राहकांना वापरासाठी घर घ्यायचे आहे त्यांच्याकडून कर्जासाठी गेल्या काही महिन्यांत मागणी वाढत आहे.” आमचा विश्वास आहे की या क्षणी व्याजाचा दर खूपच कमी असल्याने प्रत्येकासाठी त्यांचे स्वप्नवत घर खरेदी करण्याची ही एक योग्य संधी आहे. आमचा विश्वास आहे की आमची पूर्णपणे डिजिटल होम लोन प्रक्रिया कोणालाही सोयीची आहे. ''

यापूर्वी देशातील सर्वात मोठी बँक स्टेट बँक ऑफ इंडियानेही गृह कर्जावरील व्याज दरात कपात करण्याची घोषणा केली. एसबीआय 6.70 टक्के दराने गृह कर्जदेखील देत आहे. या व्यतिरिक्त एचडीएफसीने नुकतीच व्याजदरात कपात करण्याचीही घोषणा केली आहे.