Elon to buy Coca-cola | "इलॉन, कोक विकत घेण्यासाठी तू खूप गरीब आहेस", कोका-कोला खरेदी करण्यावर मस्कच्या ट्विटवर इंटरनेटवर धूम...

Coca Cola & Elon Musk : जगातील सर्वात श्रीमंत व्यक्ती असलेल्या इलॉन मस्कने (Elon Musk) जगाला आणखी एक धक्का दिला आहे. मस्क साहेब आता जगप्रसिद्ध कोल्ड ड्रिंक कंपनी कोका कोला विकत घेण्याच्या (Musk TO buy Coca Cola) तयारीत आहेत. मस्कने ट्विटर विकत घेतल्याच्या धक्क्यातून जग सावरत असतानाच मस्कने आपल्या पुढील प्लॅनची घोषणा करत जगाला आणखी एक धक्का दिला आहे. मस्कने आपण कोका कोला विकत घेणार असल्याचे ट्विट केले आणि सर्वांनाच आश्चर्याचा धक्का बसला आहे.

Elon to buy Cocoa-cola
इलॉन मस्क आता कोका कोला विकत घेणार 
थोडं पण कामाचं
  • इलॉन मस्ककडून कोका कोला विकत घेणार असल्याचे ट्विट
  • मस्कच्या ट्विटवर जगभरातील प्रतिक्रिया
  • कोका कोला विकत घेणे मस्कच्या आवाक्याबाहेरचे असल्याचे जाणकारांचे मत

Elon Musk latest Tweet:न्यूयॉर्क : जगातील सर्वात श्रीमंत व्यक्ती असलेल्या इलॉन मस्कने (Elon Musk) जगाला आणखी एक धक्का दिला आहे. मस्क साहेब आता जगप्रसिद्ध कोल्ड ड्रिंक कंपनी कोका कोला विकत घेण्याच्या (Musk TO buy Coca Cola) तयारीत आहेत. मस्कने ट्विटर विकत घेतल्याच्या धक्क्यातून जग सावरत असतानाच मस्कने आपल्या पुढील प्लॅनची घोषणा करत जगाला आणखी एक धक्का दिला आहे. मस्कने आपण कोका कोला विकत घेणार असल्याचे ट्विट केले आणि सर्वांनाच आश्चर्याचा धक्का बसला आहे. इलॉन मस्कचा नेमका प्लॅन तरी काय आहे? मस्कची महत्त्वाकांक्षा तरी काय आहे? याचीच चर्चा सुरू झाली आहे. टेस्ला प्रमुखांनी ट्विटरचा ताबा घेतल्याच्या एका दिवसानंतर ही घोषणा झाली. जरी कोका-कोलाचे (Coca Cola) विधान विनोदाने केले गेले असले तरी, त्याने लगेचच उद्योग जगताला गोंधळात टाकले. मस्क खरोखरंच कोका कोला विकत घेऊ शकतो याची चाचपणी तज्ज्ञांनी सुरू केली. (Internet  reacts to Elon Musk's tweet to buy Coca Cola)

अधिक वाचा : Gold Price Today | वाट कसली पाहतांय? सोने दोन महिन्यांच्या नीचांकीवर... मजबूत डॉलर, अमेरिकेतील व्याजदर वाढ, यांचा परिणाम, पाहा ताजा भाव

मस्कचे नवे धक्कादायक ट्विट (Elon Musk Tweet)

“मी कोकेन परत वापरण्यासाठी कोका-कोला विकत घेत आहे,” असे ट्विट इलॉन मस्कने गुरुवारी त्याच्या 8.7 कोटींहून अधिक फॉलोअर्ससाठी केले. मस्क ट्विटर कसा बदलेल किंवा तो पुढे काय करेल हे समजून घेण्यासाठी यासारख्या विधानांचा बारकाईने अभ्यास केला जात आहे. मस्कने कोका कोला विकत घेण्याचा आणि कोका कोलामध्ये पुन्हा कोकेनचा वापर सुरू करण्याचा उल्लेख करणारे ट्विट का केले यावर आता मोठी चर्चा सुरू झाली आहे. यामागचा नेमका अर्थ आणि मस्कचा प्लॅन काय आहे हे समजून घेण्याचा प्रयत्न केला जात आहे.

जगातील सर्वात मोठी शीतपेय कंपनी (Coca Cola)

कोका-कोला ही जगातील सर्वात मौल्यवान शीतपेय कंपनी मानली जाते. कोका कोलाच्या शेअर्सची किंमत मस्कने Twitter साठी ऑफर केलेल्या 54.20 डॉलर प्रति शेअरपेक्षा जास्त आहे. गुरुवारी सकाळी कोका कोलाच्या शेअर्सची किंमत 65.56 डॉलर प्रति शेअर इतकी होती. या बलाढ्य शीतपेय कंपनीचे बाजार भांडवल तब्बल 284.20 अब्ज डॉलर इतके आहे.

अधिक वाचा : Edible Oil Update | इंडोनेशियाची पाम तेलाची निर्यात आजपासून बंद, अदानी-बाबा रामदेव यांची दिवाळी...

कोका कोलाचे प्रचंड बाजारमूल्य (Coca Cola Market Cap)

Fintwit या फायनान्शियल अकाउंटद्वारे कोका कोलासंदर्भातील वस्तुस्थिती अधोरेखित केली गेली. या अकाउंटने कोका-कोलाच्या मूल्यांकनाच्या स्क्रीनशॉटसह मस्कच्या घोषणेला उत्तर दिले की “इलॉन, कोका-कोला खरेदी करण्यासाठी तू खूप गरीब आहेस.”

ब्लूमबर्गच्या मते, मिस्टर मस्क हे जगातील सर्वात श्रीमंत व्यक्ती आहेत ज्यांची अंदाजे संपत्ती 289 अब्ज डॉलर आहे. ते जगातील सर्वात मोठ्या इलेक्ट्रिक कार कंपनीचे मालक आणि सीईओदेखील आहेत. यामुळेच मस्कने केलेल्या प्रत्येक घोषणेला आणि ट्विटला प्रचंड महत्त्व दिले जाते. 

अधिक वाचा : Ration Card Update | रेशनकार्ड संदर्भात मोठी बातमी, लवकर करा हे काम, नाहीतर मोठे नुकसान...

कोका कोला आणि कोकेनचा इतिहास (Histroy of Cocaine & Coca Cola)

मस्कचे ट्विट अनुभवी पेय कंपनीच्या कोकेनसह रंगीबेरंगी इतिहासाची आठवण करून देणारे आहे. कोका-कोलाचे समानार्थी ट्रेडमार्क सॉफ्ट ड्रिंक हे त्याच्या दोन प्राथमिक घटकांसाठी नाव देण्यात आले आहे: कोकाची पाने आणि कोला नट्स. कोला नट हे कॅफीनचे स्त्रोत आहेत, तर कोकाची पाने हा बेस आहे ज्यातून सायकोएक्टिव्ह ड्रग कोकेन काढले जाते.

एकोणिसाव्या शतकात जेव्हा हा पदार्थ अजूनही औषधी मानला जात असे, तेव्हा कोकेनने युक्त कोकाची पाने कार्बोनेटेड सॉफ्ट ड्रिंकच्या सूत्रामध्ये एक अविभाज्य घटक असायची. मात्र जसे कोकेचे नाव कलंकित झाले आणि अमेरिकेमध्ये प्रतिबंध लागू झाला तसे कोका-कोलाच्या गुप्त फॉर्म्युल्यामधून कोकेन काढून टाकण्यात आले आणि त्याची जागा डेकोकेनयुक्त कोकाच्या पानांनी घेतली.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी