PPF Investment | हे खास सूत्र अंमलात आणले तर पीपीएफमध्ये दरमहा फक्त १,००० रु. जमा करून मिळतील १२ लाख रुपये

Benefits of PPF : पीपीएफमधील गुंतवणूक (Investment in PPF) हा एक दमदार पर्याय आहे. नवीन वर्षात गुंतवणूक करून आर्थिक नियोजन (Financial Planning) करण्याचा संकल्प अनेकांनी केला असेल. नवीन वर्षात बचत आणि सुरक्षितपणे गुंतवणूक करण्यास सुरुवात करा. आर्थिक अस्थिरतेच्या या युगात, कठीण काळात बचत सर्वात उपयुक्त आहे. उच्च परताव्याचा दावा करणाऱ्या अनेक योजना आहेत परंतु सुरक्षित गुंतवणुकीसाठी सार्वजनिक भविष्य निर्वाह निधी म्हणजे पीपीएफ (PPF) हा एक उत्तम पर्याय ठरू शकतो.

PPF Investment benefits
पीपीएफमधील गुंतवणुकीचे फायदे 
थोडं पण कामाचं
  • पीपीएफमधील गुंतवणुकीचे फायदे
  • पीपीएफवर मिळतोय ७.१ टक्के व्याजदर, गुंतवणुकीची सुरक्षितता आणि दीर्घकालावधीत मोठी रक्कम उभारण्याची क्षमता
  • पीपीएफवर कर्जदेखील घेता येते

PPF Investment: नवी दिल्ली : गुंतवणूक (Investment)करताना सर्वसामान्य माणूस सुरक्षित, चांगला परतावा देणारी आणि कमी रकमेची गुंतवणूक करता येणारी योजना शोधत असतो. काही वेळा प्रचलित योजना किंवा पर्यायांमध्येच काही बदल करून किंवा त्यात काही खास सूत्रे अंमलात आणून तुम्ही छोट्या गुंतवणुकीद्वारे मोठी रक्कम उभारू शकता. पीपीएफमधील गुंतवणूक (Investment in PPF) हा एक दमदार पर्याय आहे. नवीन वर्षात गुंतवणूक करून आर्थिक नियोजन (Financial Planning) करण्याचा संकल्प अनेकांनी केला असेल. नवीन वर्षात बचत आणि सुरक्षितपणे गुंतवणूक करण्यास सुरुवात करा. आर्थिक अस्थिरतेच्या या युगात, कठीण काळात बचत सर्वात उपयुक्त आहे. उच्च परताव्याचा दावा करणाऱ्या अनेक योजना आहेत परंतु सुरक्षित गुंतवणुकीसाठी सार्वजनिक भविष्य निर्वाह निधी म्हणजे पीपीएफ (PPF) हा एक उत्तम पर्याय ठरू शकतो. (Invest only Rs 1,000 in PPF & get Rs 12 lakhs by using this trick) 

सुरक्षित आणि चांगला परतावा

पीपीएफमध्ये गुंतवणुकीची जोखीम खूपच कमी आहे कारण ती सरकारद्वारे पूर्णपणे संरक्षित आहे. यामध्ये गुंतवणूक करून तुम्हाला चांगला नफाही मिळू शकतो. आपण फक्त काळजीपूर्वक गुंतवणूक करणे आवश्यक आहे. दीर्घ कालावधीसाठी गुंतवणूक करून पीपीएफमधून चांगले परतावा मिळू शकतो. दर महिन्याला फक्त १,००० रुपये जमा करून तुम्ही १२ लाख रुपयांहून अधिक मिळवू शकता. राष्ट्रीय बचत संस्थेने १९६८ मध्ये लहान बचत म्हणून याची सुरुवात केली.

पीपीएफमधील व्याज, कालावधी आणि गुंतवणुकीची रक्कम

केंद्र सरकार प्रत्येक तिमाहीत पीपीएफ खात्यावरील व्याजदरात बदल करते. व्याज दर सर्वसाधारणपणे ७ टक्के ते ८ टक्के असतो. धोरणानुसार तो थोडा वाढू किंवा कमी होऊ शकतो. सध्या, व्याज दर ७.१ टक्के आहे, ही वार्षिक चक्रवाढ आहे. ही रक्कम अनेक बँकांच्या मुदत ठेवींपेक्षा जास्त आहे. तुम्ही PPF खात्यात दरवर्षी किमान ५०० रुपये आणि जास्तीत जास्त १.५ लाख रुपये गुंतवू शकता. त्याचा गुंतवणूक कालावधी १५ वर्षे आहे. यानंतर, तुम्ही हे पैसे काढू शकता किंवा तुम्ही दर ५ वर्षांसाठी कॅरी फॉरवर्ड करू शकता.

कसे मिळतील १२ लाख रुपये

जर तुम्ही पीपीएफ खात्यात दर महिन्याला १,००० रुपये जमा केले तर १५ वर्षांत तुमची गुंतवणूक रक्कम १.८० लाख रुपये होईल. यावर १.४५ लाख रुपये व्याज मिळणार आहे. म्हणजेच मॅच्युरिटीनंतर तुम्हाला एकूण ३.२५ लाख रुपये मिळतील. आता तुम्ही PPF खाते आणखी ५ वर्षे वाढवल्यास आणि दरमहा रु १,००० गुंतवत राहिल्यास, तुमची एकूण गुंतवणूक रक्कम रु. २.४० लाख होईल. या रकमेवर २.९२ लाख रुपये व्याज मिळणार आहे. अशा प्रकारे मॅच्युरिटीनंतर तुम्हाला ५.३२ लाख रुपये मिळतील. जर तुम्ही १५ वर्षांच्या (एकूण तीस वर्षे) मॅच्युरिटी कालावधीनंतर ५-५ वर्षांसाठी तीनदा मुदतवाढ दिली आणि दरमहा रु. १,००० ची गुंतवणूक करत राहिल्यास, तुम्ही गुंतवलेली एकूण रक्कम रु. ३.६० लाख जाईल आणि यावर व्याजापोटी ८.७६ लाख मिळतील. अशा प्रकारे एकूण १२.३६ लाख रुपये मॅच्युरिटीवर उपलब्ध होतील.

तुम्ही गरजेनुसार कर्जही घेऊ शकता

तुम्ही पीपीएफमध्ये गुंतवणूक केली असेल, तर या खात्यावर कर्ज घेण्याची सुविधाही उपलब्ध आहे. पण याचा फायदा घेण्यासाठी ते खाते उघडण्याच्या तिसऱ्या किंवा सहाव्या वर्षी उपलब्ध होईल. PPF खात्याची ६ वर्षे पूर्ण झाल्यावर, तुम्ही थोडे पैसेही काढू शकता.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी