Gold rate today: सोने स्वस्त झाले, जाणून घ्या आता एक तोळ्याला किती रुपये लागतात

Gold rate today : आज सोन्याच्या दरात थोडीशी घसरण झाली आहे. MCX वर, डिसेंबरमध्ये डिलिव्हरीसाठी सोन्याची किंमत बुधवारी सुमारे 100 रुपयांनी स्वस्त झाली.

latest rate of gold and silver on 10th november 2021
Gold rate today: सोने स्वस्त झाले, जाणून घ्या किंमत  
थोडं पण कामाचं
  • आज सोन्याच्या दरात थोडीशी घसरण झाली आहे.
  • MCX वर, डिसेंबरमध्ये डिलिव्हरीसाठी सोन्याची किंमत बुधवारी सुमारे 100 रुपयांनी स्वस्त झाली.
  • मागील सत्रात तो ४८,२८७ रुपयांवर बंद झाला होता

Gold rate today । मुंबई : आज सोन्याच्या दरात थोडीशी घसरण झाली आहे. MCX वर, डिसेंबरमध्ये डिलिव्हरीसाठी सोन्याची किंमत बुधवारी सुमारे 100 रुपयांनी स्वस्त झाली. मागील सत्रात तो ४८,२८७ रुपयांवर बंद झाला होता आणि आज ३९ रुपयांनी घसरून ४८,२४८ रुपयांवर उघडला. दुपारी 12.15 वाजता तो 99 रुपयांनी घसरून 48,188 रुपयांवर व्यवहार करत होता. डिसेंबर डिलिव्हरीसाठी चांदीचा भावही 183 रुपयांनी वाढून 64,753 रुपये प्रति किलो झाला. (latest rate of gold and silver on 10th november 2021 )

किंमत का वाढू शकते

येत्या काही दिवसांत सोन्याच्या दरात वाढ होण्याची शक्यता आहे. व्हेंचुरा सिक्युरिटीजचे कमोडिटीजचे प्रमुख एनएस रामास्वामी म्हणतात की महागाईसह अर्थव्यवस्थेशी संबंधित इतर चिंतेमुळे सोन्याच्या किमती वाढू शकतात. असं असलं तरी, प्रत्येक तज्ञ शिफारस करतो की पोर्टफोलिओच्या 10-15% सोन्यात गुंतवावे, जेणेकरून सुरक्षितता टिकून राहील. महागाई आणि इतर आर्थिक समस्यांच्या बाबतीत सोन्याचा वापर हेजिंगसाठी केला पाहिजे.

किती परतावा दिला?

सोन्याबद्दल बोलायचे झाले तर गेल्या वर्षी सोन्याने २८ टक्के परतावा दिला आहे. गेल्या वर्षीही सोन्याचा परतावा जवळपास 25 टक्के होता. तुम्ही दीर्घ मुदतीसाठी गुंतवणूक करत असाल, तर सोने हा अजूनही गुंतवणुकीसाठी अतिशय सुरक्षित आणि चांगला पर्याय आहे, जो उत्तम परतावा देतो. मागील वर्षांतील सोन्याचे उत्पन्न तुमच्यासमोर आहे, जे गुंतवणुकीचे फायदेशीर असल्याचे दर्शविते.

सोने 53 हजार रुपयांपर्यंत जाऊ शकते

मोतीलाल ओसवाल फायनान्शिअल सर्व्हिसेसच्या म्हणण्यानुसार, पुढील 12 महिन्यांत म्हणजेच वर्षभरात सोने 52 हजार ते 53 हजार रुपये प्रति 10 ग्रॅमच्या पातळीवर जाऊ शकते. सध्या सोन्याचा भाव ४८ हजारांच्या आसपास आहे. त्यामुळे तुम्ही दीर्घकाळ सोने खरेदी करण्याचा विचार करत असाल तर तुम्ही सोन्यात गुंतवणूक करू शकता. तथापि, जर तुम्ही काही महिन्यांसाठी गुंतवणूक करण्याचा विचार करत असाल, तर काही काळ थांबणे चांगले. आता दिवाळी-धनत्रयोदशी तोंडावर आली आहे, त्यामुळे येत्या काही दिवसांत सोन्यात पुन्हा काहीशी घसरण होऊ शकते.

सोन्याची आवड

गोल्ड एक्सचेंज ट्रेडेड फंड्स (ETFs) मध्ये सप्टेंबरमध्ये 446 कोटी रुपयांची गुंतवणूक झाली. देशातील सणासुदीचा हंगाम लक्षात घेता मजबूत मागणीमुळे हा गुंतवणुकीचा ओघ कायम राहण्याची अपेक्षा आहे. चालू आर्थिक वर्षाच्या पहिल्या सहामाहीत, एप्रिल-सप्टेंबर, 2021 या कालावधीत देशाची सोन्याची आयात अनेक पटींनी वाढून 24 डॉलर अब्ज झाली आहे. वाणिज्य मंत्रालयाच्या आकडेवारीवरून ही माहिती मिळाली आहे. देशात सोन्याची मागणी वाढल्याने आयात वाढली आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी