Linking PF account with PAN | तुमचे पीएफ खाते पॅनशी लिंक आहे का? नसेल तर लागेल दुप्पट कर...पाहा नवीन नियम आणि लिंक करण्याची पद्धत
EPF account new rule : आता तुमचे पीएफ खातेदेखील पॅन कार्डशी लिंक करणे अत्यंत महत्त्वाचे झाले आहे. कारण याचा संबंध थेट तुमच्या पाप्तिकराशी असणार आहे. ईपीएफओने (EPFO) कर्मचाऱ्यांच्या सेवानिवृत्ती बचतीसाठी म्हणजे पीएफसाठी नवीन कर आकारणी आणि कपात मानके जाहीर केली आहेत. ईपीएफओने पीएफ योगदानासाठी नवीन कर रचना लागू केली आहे.
पीएफ खाते पॅनशी लिंक न केल्यास लागणार जास्त कर
थोडं पण कामाचं
- ईपीएफओने पीएफ योगदानासाठी नवीन कर रचना तयार केली आहे.
- ईपीएफओच्या नियमानुसार टीडीएस 5,000 रुपयांपेक्षा कमी असल्यास, भारतीय नागरिकांसाठी कोणतीही कपात केली जाणार नाही.
- जर तुमचा PAN चालू नसेल किंवा तुमच्या पीएफ खात्याशी लिंक केलेला नसेल, तर तुम्हाला नेहमीच्या 10% पेक्षा दुप्पट TDS भरावा लागेल.
Importance of Linking PF account with PAN : नवी दिल्ली : आता तुमचे पीएफ खातेदेखील पॅन कार्डशी लिंक (Linking PF account with PAN) करणे अत्यंत महत्त्वाचे झाले आहे. कारण याचा संबंध थेट तुमच्या पाप्तिकराशी असणार आहे. ईपीएफओने (EPFO)कर्मचाऱ्यांच्या सेवानिवृत्ती बचतीसाठी म्हणजे पीएफसाठी नवीन कर आकारणी आणि कपात मानके जाहीर केली आहेत. पीएफ खाती अंतिम सेटलमेंट किंवा हस्तांतरणामध्ये नसल्यास, ईपीएफओनुसार स्त्रोतावरील कर वजावट (TDS) त्या खात्यांवर व्याज जमा केल्याच्या तारखेपासून लागू असेल. ईपीएफओचा तुमच्या पीएफ खात्याशी (PF Account)संबंधित नवीन नियम काय आहे, तुम्हाला किती कर भरावा लागेल आणि तुमचे पीएफ खाते पॅन कार्डशी (PAN) लिंक करण्याची सोपी पद्धत काय आहे ते जाणून घेऊया. (Link your PF account with your PAN, otherwise you have to pay higher rate of TDS, how to link PF with PAN, check details)
अधिक वाचा : Gold Price Today | लग्नसराईत मोठी संधी...सोन्याची झळाळी आणि चांदीची चमक घटली...पाहा ताजा भाव
ईपीएफओची नवी कररचना
ईपीएफओने खाजगी क्षेत्रातील कर्मचार्‍यांसाठी 2.5 लाख रुपये आणि सरकारी कर्मचार्‍यांसाठी 5 लाख रुपयांच्या मर्यादेवरील पीएफ योगदानासाठी नवीन कर रचना लागू केली आहे. दरम्यान, टीडीएस हा पीएफच्या अंतिम सेटलमेंट्सवर लागू केला जाईल. सूट दिलेल्या आस्थापनांमधून ईपीएफओकडे हस्तांतरण दाव्यांना आणि त्याउलट, वरील स्तरापर्यंत लागू केले जाईल. कर्मचाऱ्यांना भरावा लागणारा टीडीएसचा दर हा सर्वात महत्त्वाचा मुद्दा आहे. अर्थात कर्मचाऱ्यांना मिळणाऱ्या पीएफ खात्यावरील व्याजांवर, प्रत्येकाला टीडीएस भरावा लागणार नाही.
अधिक वाचा : Relief to Home Buyers | गृहकर्ज होणार स्वस्त... रिझर्व्ह बॅंकेने गृहकर्जाशी निगडीत नियम केले शिथिल
किती कर भरावा लागेल
ईपीएफओच्या नियमांनुसार, टीडीएस 5,000 रुपयांपेक्षा कमी असल्यास, भारतीय रहिवाशांसाठी कोणतीही कपात केली जाणार नाही. तरीही, पीएफ खातेधारकाचे वैयक्तिक कर दायित्व समान राहील. ईपीएफओने हे स्पष्ट केले आहे की जर पीएफ खाते वैध पॅनशी जोडलेले असेल तर टीडीएस दर 10% असेल. मात्र जर पीएफ खाते पॅनशी जोडलेले नसेल तर टीडीएसचा दर दुप्पट करून तो 20% केला जातो. म्हणजेच जर तुमचा PAN चालू नसेल किंवा तुमच्या PF खात्याशी लिंक केलेला नसेल, तर तुम्हाला नेहमीच्या 10% पेक्षा दुप्पट TDS भरावा लागेल.
प्राप्तिकर कायद्याच्या कलम 206AA नुसार करपात्र उत्पन्न प्राप्त करणार्‍या प्रत्येक करदात्याला त्यांचा पॅन (EPFO) प्रदान करणे आवश्यक आहे. प्राप्तिकर कायद्याचा फॉर्म 26 Q आणि 27 Q चा वापर TDS रिटर्नचा दावा करण्यासाठी केला जाऊ शकतो. पहिल्या तिमाहीसाठी (एप्रिल ते जून) टीडीएस रिटर्न भरण्याची अंतिम मुदत आर्थिक वर्षाची 31 जुलै आहे. दुसऱ्या तिमाहीसाठी (जुलै ते सप्टेंबर), अंतिम मुदत 31 ऑक्टोबर आहे. तिसऱ्या तिमाहीसाठी (ऑक्टोबर - डिसेंबर), अंतिम मुदत 31 जानेवारी आहे. lj चौथ्या तिमाहीसाठी (जानेवारी - मार्च) अंतिम मुदत 31 मे ही आहे.
अधिक वाचा : Bank Holidays in April | बँका या आठवड्यात 4 दिवस बंद राहणार, पाहा सुट्ट्यांची यादी
ईपीएफओने म्हटले आहे की, टीडीएस रिटर्न भरले नाही तर प्रत्येक दिवसासाठी 200 रुपये दंड आकारला जातो. तथापि, खर्चाची रक्कम टीडीएसच्या रकमेपेक्षा जास्त असणार नाही. TDS विवरण शुल्क भरण्याची अंतिम मुदत TDS रिटर्न भरण्याच्या अंतिम मुदतीशी एकरूप आहे.
तुमचे पीएफ खाते पॅनशी कसे लिंक करायचे त्याची सोपी पद्धत पाहूया -
स्टेप 1 : सुरुवात करण्यासाठी, तुमच्या EPFO UAN सदस्य ई-सेवा पोर्टलवर जा आणि तुमचा UAN नंबर आणि पासवर्ड वापरून लॉग इन करा. पासवर्डच्या खाली कॅप्चा कोड दिसेल; लॉगिन प्रक्रिया पूर्ण करण्यासाठी तुम्हाला खालील बॉक्समध्ये अचूक अद्वितीय कोड प्रविष्ट करणे आवश्यक आहे.
स्टेप 2: एकदा तुम्ही लॉग इन केल्यानंतर, मुख्य मेनूच्या 'Manage' भागात जा.
स्टेप 3: 'Manage' विभागात KYC वर क्लिक करा. तुम्हाला एका पृष्ठावर नेले जाईल जिथे तुम्ही तुमचे बँक खाते, पॅन, आधार, पासपोर्ट, ड्रायव्हरचा परवाना, निवडणूक कार्ड, रेशन कार्ड आणि राष्ट्रीय लोकसंख्या नोंदणी यासारखी वैयक्तिक माहिती जोडू शकता.
स्टेप 4: पॅन विभाग निवडा आणि तुमचा वैयक्तिक पॅन क्रमांक प्रविष्ट करा. तुमचे नाव तुमच्या पॅन कार्डवर जसे दिसते तसे टाईप करण्याची काळजी घ्या, नंतर सेव्ह करा वर क्लिक करा.
स्टेप 5: तुमचे नाव आणि क्रमांक प्राप्तिकर विभागाच्या माहितीशी जुळल्यास तुमच्या पॅनची आपोआप खातरजमा होईल. एकदा तुमचा पॅन तुमच्या पीएफ खात्याशी योग्यरित्या जोडला गेला की तुमच्या पॅनची माहिती तुमच्या 'Member Profile' टेबलमध्ये दिसेल.