Aadhaar Card Latest Update: आता सहजपणे मोबाइल नंबरद्वारे आधार कार्डवर तुमचे नाव, पत्ता बायोमेट्रिक माहिती करा अपडेट, कसे ते पाहा
Aadhar update : आधार हे आता प्रत्येक भारतीयासाठी महत्त्वाचा दस्तावेज बनले आहे. आधारचा (Aadhar)वापर आता सर्वत्र होतो आहे. त्यामुळे त्यातील माहिती व्यवस्थित असणे किंवा वेळोवेळी ती अपडेट करणे अत्यंत महत्त्वाचे ठरते आहे. आधार हा 12-अंकी विशिष्ट क्रमांक आहे जो यूआयडीएआय (UIDAI) द्वारे भारतीय नागरिकांना प्राधिकरणाकडून पडताळणी प्रक्रियेनंतर दिला जातो. कोणतीही व्यक्ती जी भारतीय नागरिक आहे तिचे वय आणि लिंग विचारात न घेता, हा क्रमांक मिळवण्यासाठी स्वेच्छेने नावनोंदणी करू शकते.
आधार कार्ड अपडेट
थोडं पण कामाचं
- आधारमधील माहिती व्यवस्थित असणे किंवा वेळोवेळी ती अपडेट करणे अत्यंत महत्त्वाचे ठरते आहे.
- कोणतीही व्यक्ती जी भारतीय नागरिक आहे तिचे वय आणि लिंग विचारात न घेता, आधार क्रमांक मिळवण्यासाठी स्वेच्छेने नावनोंदणी करू शकते.
- तुम्ही तुमची आधारवरील माहिती किंवा तपशील ऑनलाइन सहजपणे अपडेट करू शकता.
Aadhaar Card Update : नवी दिल्ली: आधार हे आता प्रत्येक भारतीयासाठी महत्त्वाचा दस्तावेज बनले आहे. आधारचा (Aadhar)वापर आता सर्वत्र होतो आहे. त्यामुळे त्यातील माहिती व्यवस्थित असणे किंवा वेळोवेळी ती अपडेट करणे अत्यंत महत्त्वाचे ठरते आहे. आधार हा 12-अंकी विशिष्ट क्रमांक आहे जो यूआयडीएआय (UIDAI) द्वारे भारतीय नागरिकांना प्राधिकरणाकडून पडताळणी प्रक्रियेनंतर दिला जातो. कोणतीही व्यक्ती जी भारतीय नागरिक आहे तिचे वय आणि लिंग विचारात न घेता, हा क्रमांक मिळवण्यासाठी स्वेच्छेने नावनोंदणी करू शकते. त्याचबरोबर तुमच्या आधारमधील तुमचे नाव, जन्मतारीख, बायोमेट्रिक माहिती यासारख्या गोष्टी तुम्ही आता सहजपणे अपडेट (Aadhar Updation) करू शकता. हे कसे करायचे ते जाणून घ्या. (Now you can easily update your demographic or biometric details by adding mobile number in Aadhar)
अधिक वाचा : नॉर्कोटिक्स टेररिझम मॉड्यूलचा मुख्य ऑपरेटरला एनआयएकडून अटक
आधार कार्ड अपडेट करणे
हा आधार क्रमांक किंवा ओळख क्रमांक मिळवण्यासाठी, लोकांना नावनोंदणी प्रक्रियेदरम्यान किमान लोकसंख्याशास्त्र (नाव, जन्मतारीख, पत्ता इ.) आणि बायोमेट्रिक माहिती (बोटांचे ठसे, बुबुळ स्कॅन) प्रदान करणे आवश्यक आहे. ही प्रक्रिया पूर्णपणे विनामूल्य आहे. आधारसाठी देण्यात आलेली माहिती अचूक आणि अद्ययावत असल्याची खात्री करणे महत्त्वाचे असले तरी, अनेकदा असे घडते की एखाद्या व्यक्तीचा पत्ता बदलला आहे किंवा त्यांच्या नावात बदल झाला आहे.
बातमीची भावकी
अशा परिस्थितीत, त्या व्यक्तीच्या नोंदणीकृत मोबाइल क्रमांकावर प्राप्त झालेला ओटीपी (OTP) वापरून तुम्ही तुमची आधारवरील माहिती किंवा तपशील ऑनलाइन सहजपणे अपडेट करू शकता. “तुम्ही लोकसंख्याशास्त्रीय तपशील ( म्हणजेच नाव, DoB, लिंग, पत्ता) ऑनलाइन सहजपणे अपडेट करू शकता आणि SMS मध्ये प्राप्त झालेल्या OTP द्वारे प्रमाणीकृत करू शकता. इतर डेमोग्राफिक डेटा अपडेटसाठी किंवा मोबाइल अपडेटसाठी तुमच्याकडून 50 रुपयांचे शुल्क आकारले जाईल, ” असे यूआयडीएआयने मंगळवारी एका ट्विटमध्ये म्हटले आहे.
आधार तपशील अपडेट करण्यासाठी आकारले जाणारे शुल्क:
- -बंधनकारक बायोमेट्रिक अपडेट - मोफत
- -डेमोग्राफिक अपडेट (कोणत्याही प्रकारचे) - 50/- रुपये(जीएसटीसह)
- - बायोमेट्रिक अपडेट - 100/- रुपये(जीएसटीसह)
- - डेमोग्राफिक अपडेटसह बायोमेट्रिक 100/- रुपये(करांसह)
- - A4 शीटवर आधार डाउनलोड आणि रंगीत प्रिंट-आउट - 30/- रुपये प्रति आधार (जीएसटीसह).
(स्रोत: UIDAI)
अधिक वाचा : हरितालिकाचे व्रत करताना चुका केल्यास नाही मिळणार फळ
आधारमध्ये मोबाईल नंबर अपडेट कसा कराल
जर तुम्ही आधारमध्ये मोबाईल नंबर जोडला नसेल किंवा अपडेट केला नसेल, तर तुम्ही जवळच्या आधार सेवा केंद्र (ASK) किंवा आधार नोंदणी केंद्राला भेट देऊ शकता. या केंद्राचे लोकेशन तुम्हाला UIDAI च्या अधिकृत वेबसाइट – uidai.gov.in - किंवा mAadhaar अॅपद्वा मिळू शकते. तुम्ही जवळचे आधार केंद्र शोधण्यासाठी 1947 वर कॉल करू शकता. आधारमध्ये मोबाईल नंबर अपडेट करण्यासाठी कोणत्याही कागदपत्रांची आवश्यकता नाही. बायोमेट्रिक प्रमाणीकरणासाठी आधारधारकाने उपस्थित राहणे आवश्यक आहे.