आता YouTube क्रिएटर्स बनतायत आर्थिक कणा; GDPमध्ये दिलं 10,000 कोटीचं योगदान

आता YouTube क्रिएटर्स बनतायत आर्थिक कणा  |  फोटो सौजन्य: Times Now

नवी दिल्ली:   यूट्यूब (YouTube)च्या क्रिएटिव्ह इकोसिस्टमने भारतीय GDP मध्ये 10,000 कोटी रुपयांहून अधिक योगदान दिले आहे. गुगलच्या मालकीच्या कंपनीने सोमवारी ही माहिती दिली. कंपनीने (company) यावेळी घोषणा केली की,  प्रेक्षकांना अभ्यासक्रम शिकताना समृद्ध अनुभव यावा यासाठी एक नवे प्रोडक्ट  बीटा 2023 मध्ये आणले जाईल. यातून क्रिएटर्ससाठी कमाईचा नवा मार्ग निर्माण होईल.  (Now YouTube creators are becoming economic backbone, contributed 10,000 crores to GDP)

अधिक वाचा  :  पुढील वर्षी 2023 मधील लाँग वीकेंडची संपूर्ण यादी

अब्जावधी लोक youtube वापरतात 

YouTubeचे दक्षिणपूर्व आशिया आणि APAC इमर्जिंग मार्केट्सचे संचालक अजय विद्यासागर,म्हणाले, "आम्हाला आनंद होत आहे की YouTubeचे क्रिएटिव्ह इकोसिस्टम भारताच्या निर्मात्यांच्या अर्थव्यवस्थेला सामर्थ्य देत आहे, देशभरात नवीन नोकऱ्या आणि संधींना समर्थन देत आहे. YouTube च्या नवीनतम ऑक्सफर्ड इकॉनॉमिक्स अभ्यासानुसार, आज जगभरातील अब्जावधी लोक भारतासह YouTube क्रिएटर्सने तयार केलेली सामग्री वापरत आहेत.

अधिक वाचा  : Corona is Back :सावधान कोरोना परत येऊ शकतो; सरकार सतर्क

यामुळे निर्मात्यांना कमाईच्या संधी मिळण्यात मदत झाली आहे, ज्यामुळे अनेकांना त्यांची ही आवड कायमस्वरूपी करिअरमध्ये बदलता आली आहे किंवा करता येणार आहे.  " युट्यूबचे भारतातील संचालक इशान जॉन चटर्जी म्हणाले की, आम्ही प्रेक्षकांना मूल्यवान कौशल्य शिकण्यास आणि ज्ञानापर्यंत पोहण्यास सक्षम बनवतो. यामुळे प्रेक्षकांची क्षमता वाढविण्यास आणि त्यंचे स्वप्न पूर्ण करण्यास मदत करत असतो. YouTube ने जाहीर केले आहे की ते हिंदी, मराठी, तमिळ, तेलुगु, कन्नड, गुजराती, बंगाली आणि इंग्रजीमध्ये 100 हून अधिक वैद्यकीय क्षेत्रातील माहिती कव्हर करणारी विश्वसनीय सामग्री तयार करेल आणि ते प्रेक्षकांपर्यंत पोहचवणार आहे. ही माहिती वाढविण्यासाठी आरोग्य सेवा संस्थांसोबत (नारायण, मणिपाल, मेदांता आणि शाल्बीसह) काम करण्यासाठी प्रयत्न करणार आहे.