PNB personal loans : अगदी चटकन आणि सहजरित्या पर्सनल लोन हवे आहे? मग फक्त 4 क्लिकमध्ये मिळणारी पीएनबीची ही सुविधा पाहा...

पीएनबीमधून चटकन मिळवा पर्सनल लोन 

PNB Pre-approved personal loans : नवी दिल्ली : विविध कारणांमुळे आपल्याला कर्ज घ्यावे लागते. त्यातही जर काही कौटुंबिक खर्च किंवा अचानक उद्भवलेल्या खर्चासाठी कर्ज घेण्याची वेळ आली तर पर्सनल लोन (Personal Loan) हा सर्वसाधारणपणे वापरला जाणारा पर्याय आहे. मात्र अनेकवेळा पर्सनल लोन घेण्याची प्रक्रिया सोपी नसते. मात्र आता देशातील आघाडीची सार्वजनिक क्षेत्रातील बॅंक असलेल्या पंजाब नॅशनल बॅंकेने (PNB)ही सुविधा अक्षरश: काही क्लिकवर आणून ठेवली आहे. पंजाब नॅशनल बँकेने त्यांच्या PNB One या मोबाइल बँकिंग अॅप  वर ‘4 क्लिक्स आणि सिंगल OTP मध्ये पूर्व-मंजूर वैयक्तिक कर्जे (Pre-approved personal loans) लाँच केली आहेत. या सुविधेचा शुभारंभ PNB चे MD आणि CEO अतुल कुमार गोयल यांनी बँकेच्या नवी दिल्ली येथील मुख्य कार्यालयात, कार्यकारी संचालक - संजय कुमार, विजय दुबे आणि कल्याण कुमार, CGM, वरिष्ठ अधिकारी आणि इतर बँक कर्मचारी यांच्या उपस्थितीत केला. (PNB to provide pre-approved personal loans in 4 clicks, check the facility)

अधिक वाचा : Bank of Baroda Update : महत्त्वाचे! बँक ऑफ बडोदाच्या ग्राहकांसाठी चेकसाठी लागू झाला नवा नियम...जर 'हे' केले नाही तर चेक अडकणार

4 लाख रुपयांपर्यतचे कर्ज सहज मिळणार

PNB चे MD आणि CEO अतुल कुमार गोयल म्हणाले, “झटपट क्रेडिट उपलब्ध करून देण्याव्यतिरिक्त, 4 लाख रुपयांपर्यंतच्या कर्जासाठी कागदपत्रांची कोणतीही अडचण नाही. पीएनबीला आशा आहे की ही सुविधा बँकिंग उद्योगासाठी जबाबदार डिजिटल कर्जाचे उदाहरण म्हणून काम करेल आणि किरकोळ क्षेत्रातील सर्वोत्तम सुविधांपैकी एक सिद्ध होईल.”

अधिक वाचा : Commodity Prices : फ्रीज, एसी, वॉशिंग मशीनच्या किंमती लवकरच कमी होणार...जागतिक बाजारात वस्तूंच्या किंमती घसरल्याचा परिणाम

ही सुविधा ग्राहकांना कशी मिळेल:

1. खात्यात त्वरित वितरणासह एंड-टू-एंड प्रक्रियेस एका मिनिटापेक्षा कमी वेळ लागतो.
2. कर्ज प्रक्रियेसाठी यापुढे कर्ज घेणाऱ्याला बॅंकेच्या शाखेत जाण्याची गरज भासणार नाही
3. ग्राहक त्यांच्या घरातून किंवा इतर कोठेही ही प्रक्रिया पूर्ण करू शकतात.
4. आत्तापर्यंत, बँक ही सेवा सॅलरी खातेधारकांना आणि पेन्शन खात्यांना देते आहे.
5. पात्र ग्राहक डिजिटल कर्ज देण्याच्या PNB Instaloans या प्लॅटफॉर्मद्वारे सुविधेचा लाभ घेऊ शकतात. ज्यात बँकेच्या वेबसाइट आणि PNB One या मोबाईल बँकिंग अॅपद्वारे प्रवेश केला जाऊ शकतो.
    

अधिक वाचा : SBI : स्टेट बॅंकेच्या ग्राहकांनी लगेच अकाउंट चेक करा, बॅंकेने बंद केली असंख्य खाती, या खात्यातील व्यवहार थांबवले...

पंजाब नॅशनल बँकेचा FD व्याज दर (2 कोटी रुपयांच्या खाली ठेवींवर):

7 दिवस ते 14 दिवस: सामान्य लोकांसाठी - 3.00 टक्के; ज्येष्ठ नागरिकांसाठी - 3.50 टक्के

15 दिवस ते 29 दिवस: सामान्य लोकांसाठी - 3.00 टक्के; ज्येष्ठ नागरिकांसाठी - 3.50 टक्के

30 दिवस ते 45 दिवस: सामान्य लोकांसाठी - 3.00 टक्के; ज्येष्ठ नागरिकांसाठी - 3.50 टक्के

46 दिवस ते 90 दिवस: सामान्य लोकांसाठी - 3.25 टक्के; ज्येष्ठ नागरिकांसाठी - 3.75 टक्के

91 दिवस ते 179 दिवस: सामान्य लोकांसाठी - 4.00 टक्के; ज्येष्ठ नागरिकांसाठी - 4.50 टक्के

180 दिवस ते 270 दिवस: सामान्य लोकांसाठी - 4.50 टक्के; ज्येष्ठ नागरिकांसाठी - 5.00 टक्के

271 दिवस ते 1 वर्षापेक्षा कमी: सामान्य लोकांसाठी - 4.50 टक्के; ज्येष्ठ नागरिकांसाठी - 5.00 टक्के

1 वर्ष: सामान्य लोकांसाठी - 5.30 टक्के; ज्येष्ठ नागरिकांसाठी - 5.80 टक्के

1 वर्ष ते 2 वर्षांवरील: सामान्य लोकांसाठी - 5.30 टक्के; ज्येष्ठ नागरिकांसाठी - 5.80 टक्के

2 वर्षे ते 3 वर्षे वरील: सामान्य लोकांसाठी - 5.50 टक्के; ज्येष्ठ नागरिकांसाठी - 6.00 टक्के

3 वर्षे ते 5 वर्षांपेक्षा जास्त: सामान्य लोकांसाठी - 5.50 टक्के; ज्येष्ठ नागरिकांसाठी - 6.00 टक्के

5 वर्षे ते 10 वर्षांवरील: सामान्य लोकांसाठी - 5.60 टक्के; ज्येष्ठ नागरिकांसाठी - 6.10 टक्के

1111 दिवस: सामान्य लोकांसाठी - 5.50 टक्के; ज्येष्ठ नागरिकांसाठी - 6.00 टक्के.