Reliance Industries : मुकेश अंबानींनी गुपचूप बंद केली ही सर्व्हिस, गाजावाजा करून केली होती सुरू

जिओमार्ट एक्सप्रेस बंद  |  फोटो सौजन्य: Representative Image

Reliance Retail Shuts Down JioMart Express operations : उद्योगपती मुकेश अंबानी यांच्या रिलायन्स समुहाने गुपचूप एक मोठा निर्णय घेतला. रिलायन्स समुहाच्या रिलायन्स रिटेलने जिओमार्टची क्विक कॉमर्स ग्रोसरी डिलीव्हरी सर्व्हिस जिओमार्ट एक्सप्रेस बंद केली. 

जिओमार्ट एक्सप्रेसची वेबसाईट इनअॅक्टिव्ह (Inactive) करण्यात आली आहे आणि नव्याने कोणालाही जिओमार्ट एक्सप्रेसचे अॅप डाऊनलोड करता येत नाही. ज्यांनी आधीच जिओमार्ट एक्सप्रेसद्वारे ऑनलाईन ऑर्डर दिली आहे त्यांना संबंधित वस्तू पुरविण्यात येत आहेत. जे व्हॉट्सअॅपद्वारे जिओमार्ट एक्सप्रेस वापरण्याचा प्रयत्न करत आहेत त्यांना जिओमार्ट वापरण्याचा सल्ला दिला जात आहे. 

रिलायन्सच्या जिओ प्लॅटफॉर्मने व्हॉट्सअॅपची पॅरेंट कंपनी मेटा इंक सोबत पार्टनरशिप करार केला. या करारांतर्गत व्हॉट्सअॅपद्वारे जिओमार्ट वापरण्याचा पर्याय उपलब्ध झाला. नंतर मार्च 2022 मध्ये जिओमार्ट एक्सप्रेस सुरू झाले. देशातील 200 शहरांत जिओमार्ट एक्सप्रेस लाँच करण्यात आले. सुरुवातीला जिओमार्ट एक्सप्रेसची जबरदस्त हवा निर्माण झाली. पण काही महिन्यांतच जिओमार्ट एक्सप्रेस होम डिलीव्हरी सर्व्हिस देणाऱ्या इतर कंपन्यांच्या तुलनेत मागे पडत असल्याचे चित्र निर्माण झाले. यानंतर जिओमार्ट एक्सप्रेस बंद करण्याचा निर्णय घेण्यात आला.

रिलायन्स रिटेलच्या एका अधिकाऱ्याने जिओमार्ट एक्सप्रेस संदर्भातल्या वृत्ताला दुजोरा दिला. जिओमार्ट एक्सप्रेस निवडक युझरना टार्गेट करून सुरू केलेला पायलट प्रोजेक्ट अर्थात प्रायोगिक प्रकल्प होता. ग्रोसरीतला कंपनीचा डिजिटल कॉमर्स बिझनेस वेगळ्या स्वरुपात सुरू आहे. जिओमार्ट आजही देशातील 350 पेक्षा जास्त शहरांमध्ये उपलब्ध आहे. सेवा विस्ताराचे काम सुरू आहे. 

बाजारात क्विक कॉमर्स प्लॅटफॉर्मवर अनेक कंपन्या मोठी गुंतवणूक करत आहेत. स्विगीने इन्स्टामार्ट (Instamart), झोमॅटोने ब्लिंकिट (Blinkit), बिगबास्केटने बीबी नाऊ (BB Now) आणि झेप्टो (Zepto) या क्विक कॉमर्स प्लॅटफॉर्ममध्ये मोठी गुंतवणूक केली. रिलायन्स रिटेलने जिओमार्ट एक्सप्रेस बंद करण्याची प्रक्रिया सुरू केली आहे. पण त्यांची आजही डुंझो (Dunzo) या क्विक कॉमर्स प्लॅटफॉर्मवर मोठी गुंतवणूक केली आहे. जिओमार्ट एक्सप्रेसची यंत्रणा डुंझोसाठीही वापरण्याचे नियोजन होते. पण त्यातून जास्त फायदा झाला नाही. आता तर जिओमार्ट एक्सप्रेस बंद करण्याची प्रक्रिया सुरू आहे. डुंझोने त्यांच्या कर्मचाऱ्यांमध्ये 3 टक्क्यांची कपात केली आहे. 

Bank of Maharashtra Recruitment 2023:  बँकेत नोकरीची सुवर्ण संधी, आजच अर्ज करा, पगार 78,000 रुपये महिना 

Intelligence Bureau Recruitment 2023 : दहावी पास झालेल्यांना इंटेलिजन्स ब्युरोत नोकरीची संधी

क्विक कॉमर्स प्लॅटफॉर्मचा वापर नागरिक मोठ्या संख्येने करतात. पण या प्रकारात मोठी स्पर्धा सुरू आहे आणि प्रत्येक कंपनीला टिकून राहण्यासाठी मोठी गुंतवणूक करावी लागत आहे. या स्पर्धेतून जिओमार्ट एक्सप्रेस बाहेर पडले आहे. इतर प्लॅटफॉर्ममध्ये जोरदार स्पर्धा सुरू आहे. 

बातमीची भावकी

MPSC Recruitment 2023: 8169 पदांच्या मेगाभरती संदर्भात महत्त्वाची अपडेट, MPSC ने घेतला मोठा निर्णय

HPCL Recruitment 2023: HPCL ने नोकरीची संधी, तुम्ही कधी अर्ज करू शकता ते जाणून घ्या

TET Exam 2023: TET परीक्षेच्या नावाखाली अवाच्यासव्वा फी वसूली, उमेदवारांची वाढती डोकेदुखी