गर्मीत दिलासादायक बातमी.. लिंबाचे भाव पडले, मिळतायंत 30 रुपयांत डझन 

Lemon Price : आता तुम्हाला एक डझन लिंबासाठी 120 रुपये मोजावे लागणार नाहीत तर फक्त 30 रुपये मोजावे लागणार आहेत. किरकोळ बाजारात 4 लिंबू 10 रुपयांना विकले जात आहेत. तुम्ही लिंबू 40 ते 50 रुपये ते 80 रुपये किलोपर्यंत खरेदी करू शकता.

Relief news in summer.. The price of lemon has decreased, a dozen is available for 30 rupees
गर्मीत दिलासादायक बातमी.. लिंबाचे भाव पडले, मिळतायंत 30 रुपयांत डझन   |  फोटो सौजन्य: BCCL
थोडं पण कामाचं
  • लिंबाच्या दरात घट झाली आहे.
  • अवकाळी पावसामुळे लिंबाच्या उत्पादनावर परिणाम झाला
  • जास्त उत्पादन आणि मंडईत लिंबांची आवक जास्त झाल्याने भाव खाली

मुंबई : आता लिंबू चोरीला जाणार नाही. होय, लिंबाचा दर खाली आला आहे. शुक्रवारी दिल्ली आझादपूर मंडीत लिंबू ४० ते ५० रुपये किलोने विकले गेले. त्याचबरोबर बिहार, उत्तर प्रदेश, महाराष्ट्रातही लिंबाचा दर खाली आला आहे. मुंबईच्या किरकोळ बाजारात लोकांनी डझनभर लिंबू ३० रुपयांना विकत घेतले. महिनाभरापूर्वी बाजारात ४०० रुपये किलोपर्यंत लिंबू विकले जात होते. महिनाभरात लिंबाचे दर ६० टक्क्यांनी घसरले. जास्त उत्पादन आणि मंडईत लिंबांची आवक जास्त झाल्याने भाव खाली आल्याचे विक्रेत्यांचे म्हणणे आहे. (Relief news in summer.. The price of lemon has decreased, a dozen is available for 30 rupees)

अधिक वाचा : 

Mutual Fund SIP : 'हे' आहेत 'एसआयपी'मधील गुंतवणुकीबद्दलचे 7 सर्वात मोठे गैरसमज! जाणून घ्या...कराल इतरांपेक्षा जास्त कमाई

महाराष्ट्रात कुठे काय आहे दर ते जाणून घ्या

लिंबाचा दर

जळगाव रु. 6500/क्विंटल
अमरावती रु 7400/क्विंटल
नागपूर रु.6500/क्विंटल
मुंबई रु 7500/क्विंटल
पुणे रु.9000/क्विंटल

अधिक वाचा : 

Gold-Silver Rate Today, 14 May 2022: धुमधडाक्यात करा लग्न, सोने झाले स्वस्त...पाहा ताजा भाव

लिंबू चोरीला गेला

महिनाभरापूर्वी लिंबाचा भाव इतका वाढला होता की लोक हातगाडीतून चोरून नेत असत. लिंबू सोन्याच्या भावाने विकले जात असल्याचे लोक म्हणू लागले. तेलंगणातील मंडईतून निघालेल्या कारमधून लिंबांनी भरलेल्या दोन टोपल्या बेपत्ता झाल्या आहेत. त्याचवेळी देशातील अनेक ठिकाणांहून चोरीच्या बातम्या आल्याने लोकांना धक्का बसला होता. मात्र, आता लिंबाच्या दरात घट झाल्याने नागरिकांना दिलासा मिळाला आहे. लोक याला उन्हाळ्यात दिलासा देणारी बातमी म्हणत आहेत. गुजरातमधील वादळ आणि आंध्र प्रदेशात झालेल्या अवकाळी पावसामुळे लिंबाच्या उत्पादनावर परिणाम झाला आहे. त्याचबरोबर डिझेलच्या दरात झालेली वाढ हेही लिंबू महाग होण्याचे कारण ठरले.

अधिक वाचा : 

PM Kisan yojana: मोठी बातमी! पीएम किसान योजनेच्या 11व्या हप्त्याची यादी जाहीर, लगेच तपासा तुमचे नाव...

साडेतीन लाख हेक्टरमध्ये शेती 

तुम्हाला माहिती आहे का की, आपल्या देशात लिंबाचे उत्पादन सुमारे 35 लाख टन आहे. दरवर्षी साडेतीन लाख हेक्टरमध्ये याची लागवड होते. आंध्र प्रदेश, कर्नाटक, महाराष्ट्र, गुजरात, तामिळनाडू यासारख्या ठिकाणी त्याचे उत्पादन खूप जास्त आहे. याला वर्षातून तीनदा फळे येतात. त्यामुळे काही वेळा उत्पादनात घट होते, तर लिंबाचा भाव वाढतो. एकदा उत्पादन सामान्य झाले की किंमत देखील सामान्य होते. तज्ज्ञांच्या मते लिंबू लागवडीसाठी जास्त पाणी लागते. त्यामुळे लिंबाचा रस वाढतो. मात्र अतिवृष्टीमुळे फळेही कुजतात.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी