Soybean rate | सोयाबीन भाव उतरले, शेतकऱ्याला दणका, पाहा काय आहे बाजाराची स्थिती...
Soybean price | सोयाबीनचे उत्पादन घेऊन देखील भाव नसल्याने साठवलेल्या सोयाबीनबाबत शेतकरी त्रस्त आहे. आधीच्याच सोयाबीनला बाजारात भाव नसताना नवा सोयाबीन बाजारात येण्याचीही स्थिती निर्माण झाली आहे. अशावेळी काय करायचे हा शेतकऱ्यासमोरचा प्रश्नच आहे. सध्या सोयाबीनचा भाव (Soybean price) ६,००० रुपयांच्या आसपास किंवा खाली आहे. क्वचितच एखाद दुसऱ्या बाजारसमितीत सोयाबीनला चांगला भाव मिळतो आहे. मेहकर बाजार समितीत ७००० रुपयांचा आणि अकोल्यात ६५०० रुपयांचा भाव मिळाला आहे.
सोयाबीनच्या भावात घसरण
थोडं पण कामाचं
- सोयाबीनच्या भावात मागील काही दिवसांपासून चढउतार
- सोयाबीनच्या भावात घसरण, शेतकरी झाला चिंताग्रस्त
- सोयाबीनचा भाव ६००० रुपयांच्या आसपास किंवा खाली
Soybean rate fall | नवी दिल्ली : खाद्य तेल (Edible oil) आणि तेलबिया यांचे भाव हे नेहमीच चर्चेत असतात आणि ते चिंतेचा विषय देखील असतात. एकीकडे भाव वाढल्यावर ग्राहक त्रस्त असतो, तर दुसरीकडे भाव पडल्यावर शेतकरी हवालदिल होतो. तर काहीवेळा दोघांच्याही तोंडचे पाणी पळालेले असते. मागील काही आठवड्यांपासून काही तेलबिया आणि खाद्यतेल यांच्या भावांमध्ये चढउतार दिसत आहेत. यात सोयाबीन (Soybean)प्रामुख्याने आहे. सोयाबीनला बाजारात मिळणारा भाव (soybean rate) हा सोयाबीन उत्पादक शेतकऱ्याच्या (Farmers) चिंतेचा विषय झाला आहे. सोयाबीनच्या भावात ५०० ते ६०० रुपयांपर्यत घसरण झाली आहे. (Soybean rate fall this week, farmers under pressure, check today price)
शेतकऱ्याची चिंता
सोयाबीनचे उत्पादन घेऊन देखील भाव नसल्याने साठवलेल्या सोयाबीनबाबत शेतकरी त्रस्त आहे. आधीच्याच सोयाबीनला बाजारात भाव नसताना नवा सोयाबीन बाजारात येण्याचीही स्थिती निर्माण झाली आहे. अशावेळी काय करायचे हा शेतकऱ्यासमोरचा प्रश्नच आहे. सध्या सोयाबीनचा भाव (Soybean price) ६,००० रुपयांच्या आसपास किंवा खाली आहे. क्वचितच एखाद दुसऱ्या बाजारसमितीत सोयाबीनला चांगला भाव मिळतो आहे. मेहकर बाजार समितीत ७००० रुपयांचा आणि अकोल्यात ६५०० रुपयांचा भाव मिळाला आहे. आठवडाभरापूर्वी ७००० रुपये असलेला भाव आता आणखी खाली आला आहे. सोयाबीनच्या राज्यातील महत्त्वाच्या बाजारात चांगली आवक झाली आहे.
का उतरले आहेत सोयाबीनचे भाव
- सोयाबीनच्या मागणीत घट झाली आहे
- व्यापारी सोयाबीनच्या खरेदीसाठी अनुत्सुक
- सोयाबीनची मोठी लागवड झाल्याने भविष्यात वाढ होणार नसल्याचा व्यापाऱ्यांचा अंदाज
- एकीकडे आवक वाढली आहे तर दुसरीकडे सोयाबीनचे दर घटले आहेत
बातमीची भावकी
बातमीची भावकी
यामुळे झाली दरात घट
- –गेल्या काही दिवसांपासून सोयाबीनचे दर हे एकतर स्थिर आहेत किंवा त्यामध्ये घट होत आहे.
- — सोयाबीनची मागणी थंडावलेली आहे. शिवाय प्रक्रिया उद्योजक, व्यापारी हे साठाबंदीचा निर्णय मागे घेऊन देखील सोयाबीन खरेदीकडे लक्ष देत नाहीत.
- -यंदा प्रथमच उन्हाळी सोयाबीनची लागवड मोठ्या प्रमाणात झालेली आहे. त्यामुळे भविष्यातही सोयाबीनची टंचाई भासणार नाही ह्याचा विचार बाजारपेठेत होत असल्याने कदाचित दरात वाढ होत नसल्याचा अंदाज व्यापाऱ्यांनी वर्तवलेला आहे.
- — घटते दर आणि वाढती आवक ही शेतकऱ्यांसाठी चिंतेची बाब आहे.
खाद्यतेलाच्या भावात घसरण
वायदा बाजारात तेलाचे भाव खालच्या पातळीवर आहेत. काही काळापूर्वी स्टॉक करण्यावर मर्यादा असल्याने व्यापारी, खाद्य तेलाच्या मिल आणि शेतकरी यांनी मोहरीचा स्टॉक कमी केला होता. यामुळे मोहरीच्या तेलाच्या भावात घसरण झाली आहे. मोहरीची उपलब्धता कमी झाली आहे. मोहरीचे पुढील पीक येण्यास अजून दोन अडीच महिन्यांचा वेळ आहे. शेतकऱ्यांना मोहरीचा चांगला भाव मिळाल्यामुळे यंदाच्या हंगामात मोहरीची लागवड मोठ्या प्रमाणात होण्याची शक्यता आहे. सूत्रांनी दिलेल्या माहितीनुसार सीपीओ आणि पामोलीनच्या आयातदारांना प्रति किलो ३ ते ४ रुपयांचे नुकसान सहन करावे लागते आहे. आंतरराष्ट्रीय बाजारात महाग झाल्यामुळे आणि हिवाळ्यात मागणी घटल्यामुळे सीपीओ आणि पामोलीन तेलाच्या भावात घसरण झाली आहे.