Tomato Price: एका महिन्यात २९ टक्क्यांनी घटले टोमॅटोचे भाव, आता स्वस्त होणार कांदा, सरकारने उचलले हे पाऊल

काम-धंदा

भरत जाधव

Updated Jul 20, 2022 | 15:27 IST

देशात टोमॅटो (tomato ) आणि कांद्याच्या (Onion) किमती (Price) नियंत्रित ठेवण्यासाठी सरकारने (Government) उचललेल्या पावलांचे चांगले परिणाम दिसून येत आहेत. ग्राहक व्यवहार, अन्न आणि सार्वजनिक वितरण मंत्रालयाने (Ministry of Consumer Affairs, Food and Public Distribution) हा दावा केला आहे. गेल्या महिनाभरात टोमॅटोच्या किमती २९ टक्क्यांनी खाली आल्या आहेत.

टोमॉटोनंतर सरकार स्वस्त करणार कांदा, उचलणार 'हे' पाऊल | फोटो सौजन्य: Times Now

थोडं पण कामाचं

कांद्याचा हा बफर स्टॉक ऑगस्ट ते डिसेंबर या काळात बाजारात कांद्याचे भाव स्थिर ठेवण्यासाठी वापरला जाईल.

केंद्र सरकारने चालू वर्षात 2.50 लाख टन कांद्याचा साठा तयार केला आहे.

कांद्याचा बफर स्टॉक देशातील लक्ष्यित बाजारपेठांमध्ये वापरला जाईल जेथे मागील महिन्यात दर वधारले होते.

नवी दिल्ली : कांदा (Onion) आणि टोमॅटो (tomato) या दोन महत्त्वाच्या भाज्या भारतीय स्वयंपाकघरात (kitchen) वापरल्या जातात. या फळ भाज्यांच्या किंमती वाढल्या तर स्वयंपाक घरातील बजेट कोलमडत असतं आणि गृहणी वर्गात नाराजी असते. दरम्यान, टोमॅटोची अखिल भारतीय सरासरी किरकोळ किंमत (All India Average Retail Price) मागील महिन्याच्या तुलनेत 29 टक्क्यांनी कमी झाली आहे.

बातमीची भावकी

बाजारातील आवक सुधारल्याने टोमॅटोच्या सरासरी भावात घट झाल्याचे सरकारचे म्हणणे आहे. ग्राहक व्यवहार, अन्न आणि सार्वजनिक वितरण मंत्रालयाने (Ministry of Public Distribution) मंगळवारी सांगितले की, मान्सूनच्या पावसामुळे मंडयांमध्ये टोमॅटोची आवक वाढली आहे. त्यामुळे दरात दिलासा मिळाला आहे. मंत्रालयाने आपल्या निवेदनात असेही म्हटले आहे की, बाजारातील कांद्याच्या किरकोळ किंमतीही गेल्या वर्षीच्या तुलनेत नऊ टक्क्यांनी कमी झाल्या आहे.

एका महिन्यात टोमॅटोचे दर 52 रुपये किलोवरून 37 रुपये किलोवर

मंत्रालयाने जारी केलेल्या आकडेवारीनुसार, मंगळवारी (19 जुलै) टोमॅटोची अखिल भारतीय सरासरी किरकोळ किंमत प्रति किलो 37.35 रुपये होती. तर महिनाभरापूर्वी ते 52.5 रुपये किलो होती. त्याच वेळी, सरकारी आकडेवारीनुसार, मंगळवारी कांद्याची अखिल भारतीय सरासरी किरकोळ किंमत 25.78 रुपये प्रति किलो होती.

सरकारने कांद्याची साठवणूक केला बफर स्टॉक

केंद्र सरकारने चालू वर्षात 2.50 लाख टन कांद्याचा साठा तयार केला आहे, जो आतापर्यंतचा सर्वाधिक खरेदी केलेला कांद्याचा बफर स्टॉक आहे. या निर्णयामुळे 317.03 लाख टन कांद्याचे विक्रमी उत्पादन झाले असले तरी, यंदा मंडईत भाव कोसळलेले नाहीत, असा सरकारचा विश्वास आहे. मंत्रालयाकडून असेही सांगण्यात आले आहे की यावर्षी कांद्याचा हा बफर स्टॉक ऑगस्ट ते डिसेंबर या काळात बाजारात कांद्याचे भाव स्थिर ठेवण्यासाठी वापरला जाईल. दरवर्षी ऑगस्ट ते डिसेंबर या कालावधीत वेगवेगळ्या कारणांमुळे देशातील मंडईंमध्ये कांद्याच्या किमतीत वाढ होत असल्याचं अनेकवेळा निदर्शनात आले आहे.

देशातील कांद्याचे भाव नियंत्रणात आणण्यासाठी सरकार उचलणार हे पाऊल

ग्राहक व्यवहार, अन्न आणि सार्वजनिक वितरण मंत्रालयाने सांगितले आहे की कांद्याचा बफर स्टॉक खुल्या बाजारात विक्रीद्वारे सोडला जाईल. ते राज्य, केंद्रशासित प्रदेश आणि सरकारी संस्थांना किरकोळ दुकानांमध्ये पुरवठ्यासाठी दिले जाईल. सरकारने म्हटले आहे की कांद्याचा बफर स्टॉक देशातील लक्ष्यित बाजारपेठांमध्ये वापरला जाईल जिथे गेल्या महिन्याच्या तुलनेत भाव वाढत आहेत. त्या भागातील प्रमुख मंडईंमध्ये कांद्याचा बफर स्टॉक वापरून कांद्याची उपलब्धता सुनिश्चित केली जाईल.