Traffic Challan: सावध रहा! या वाहनांना ओव्हरटेक करण्याचा मार्ग न दिल्यास कापले जाणार 10,000 रुपयांचे चलान...
Traffic rule for Emergency vehicles : रस्त्यावरील वाहतूक, रहदारीचे नियम (Traffic Rules) या गोष्टींचे महत्त्व दिवसेंदिवस वाढत चालले आहे. अनेकदा याबद्दल माहिती नसते किंवा जाणीवपूर्वक बेदरकारपणे नियम मोडले देखील जातात. रस्त्यावरून वाहन घेऊन प्रवास करताना वाहतुकीचे नियम पाळले पाहिजेत. वाहतूक नियमांचे पालन न केल्याने तुमचे चलान (Traffic Challan) कापले जाऊ शकते. एवढेच नाही तर वाहतुकीचे नियम मोडणाऱ्याला तुरुंगवासही होऊ शकतो.
आपत्कालीन वाहनांसाठीचे वाहतूक नियम
थोडं पण कामाचं
- रस्त्यावरून वाहन घेऊन प्रवास करताना वाहतुकीचे नियम पाळणे आवश्यक
- अनेक वेळा असे घडते की लोकांना काही नियमांची माहिती नसते आणि ते नकळत वाहतूक नियमांचे उल्लंघन करतात
- वाहतूक नियमांनुसार, कोणत्याही मोटार वाहन चालकाने आपत्कालीन वाहनांना ओव्हरटेक करण्यासाठी रस्ता देणे आवश्यक, नाहीतर 10,000 रुपयांचा दंड
Traffic Rules : नवी दिल्ली : रस्त्यावरील वाहतूक, रहदारीचे नियम (Traffic Rules) या गोष्टींचे महत्त्व दिवसेंदिवस वाढत चालले आहे. अनेकदा याबद्दल माहिती नसते किंवा जाणीवपूर्वक बेदरकारपणे नियम मोडले देखील जातात. रस्त्यावरून वाहन घेऊन प्रवास करताना वाहतुकीचे नियम पाळले पाहिजेत. वाहतूक नियमांचे पालन न केल्याने तुमचे चलान (Traffic Challan) कापले जाऊ शकते. एवढेच नाही तर वाहतुकीचे नियम मोडणाऱ्याला तुरुंगवासही होऊ शकतो. मात्र, अनेक वेळा असे घडते की लोकांना काही नियमांची माहिती नसते आणि ते नकळत वाहतूक नियमांचे उल्लंघन करतात. ही देखील गंभीर बाब आहे. रस्त्यावरून प्रवास करणाऱ्यांना वाहतुकीच्या नियमांची माहिती असायला हवी. अशा परिस्थितीत, आज आम्ही तुमच्यासाठी अशा वाहतूक नियमाची माहिती घेऊन आलो आहोत, ज्याचे उल्लंघन केल्यास तुमचे 10 हजार रुपयांचे चलान कापले जाऊ शकते. (Traffic Alert! If you do not allow these vehilces to overtake, ou will be fined with Rs 10,000, check details)
आपत्कालीन वाहनांना मार्ग द्या
हा नियम आपत्कालीन वाहनांना (Emergency Vehicles Rule)मार्ग देण्याशी संबंधित आहे. सध्याच्या वाहतूक नियमांनुसार, कोणत्याही मोटार वाहन चालकाने आपत्कालीन वाहनांना ओव्हरटेक करण्यासाठी रस्ता देणे आवश्यक आहे. आपत्कालीन वाहनांमध्ये अॅम्बुलन्स, अग्निशमन दलाच्या गाड्या इत्यादींचा समावेश होतो. म्हणजेच, जर तुम्हाला मार्गावर एखादे आपत्कालीन वाहन दिसले आणि हे वाहन तुमच्या वाहनाच्या मागे असेल तर त्या वाहनाला पुढे जाण्यासाठी म्हणजे ताबडतोब ओव्हरटेक करण्यासाठी तुम्ही रस्ता दिला पाहिजे. असे करण्यात अयशस्वी झाल्यास म्हणजे तुम्ही त्या आपत्कालीन वाहनाला पुढे जाऊ न दिल्यास किंवा ओव्हरटेक करण्याची संधी न दिल्यास तुमचे चलान कापले जाऊ शकते. या नियमाचे उल्लंघन करू नका. असे करताना पकडले गेल्यास दंड आकारण्यात येणार आहे.
सुधारित MV कायद्याच्या कलम 194 (E) अंतर्गत चलान कापले जाणार
अग्निशमन दलाची वाहने, रुग्णवाहिका अशा आपत्कालीन वाहनांना मार्ग देणे बंधनकारक आहे. मोटार वाहन (सुधारणा) कायदा, 2019 अंतर्गत, वाहनचालकांना आपत्कालीन वाहनांना रस्ता न दिल्यास 10,000 रुपयांपर्यंत दंड होऊ शकतो. सुधारित MV कायद्याच्या कलम 194 (e) अंतर्गत चलान कापले जाते. या विभागात अग्निशमन दल किंवा रुग्णवाहिका यांसारख्या आपत्कालीन सेवांच्या वाहनांना रस्त्यावर मोफत रस्ता न दिल्याबद्दल दंडाचा उल्लेख आहे.
कारचालकांसाठी एक महत्त्वाची बाब आहे. सरकारने वाहतुकीबाबत नवा नियम (Traffic Rule) लागू केला आहे. आता ट्रॅफिक पोलिस (Traffic Police) विनाकारण थांबून तुम्हाला त्रास देऊ शकणार नाहीत, तसेच तुमचे वाहन विनाकारण तपासू शकणार नाहीत. त्याबाबतचा आदेशही जारी करण्यात आला आहे. त्याचे ताजे अपडेट जाणून घेऊया. पोलिस आयुक्त (CP) हेमंत नागराळे यांनी यापूर्वीच वाहतूक विभागाला याबाबत परिपत्रक जारी केले आहे. या परिपत्रकात म्हटले आहे की, 'वाहतूक पोलिस वाहनांची तपासणी करणार नाहीत, विशेषत: जेथे चेक ब्लॉक आहे, ते फक्त वाहतुकीवर लक्ष ठेवतील आणि वाहतूक सामान्यपणे चालते यावर लक्ष केंद्रित करतील. एखाद्या वाहनाचा वाहतुकीच्या वेगावर परिणाम होत असेल तरच ते थांबवतील.