Employees Provident Fund : नवी दिल्ली : कर्मचारी भविष्य निर्वाह निधी संघटनेच्या म्हणजेच ईपीएफओच्या ( EPFO) 7 कोटी सदस्यांसाठी म्हणजे पीएफ खातेधारकांसाठी महत्त्वाची बातमी आहे. सरकार लवकरच पीएफ खातेधारकांच्या खात्यात (EPF Account)2021-22या आर्थिक वर्षाचे व्याज (PF interest)हस्तांतरित करणार आहे. तुमच्या माहितीसाठी यावेळी 8.1 टक्के दराने पीएफवर व्याज मिळणार आहे. आतापर्यंत मिळालेल्या माहितीनुसार, कर्मचारी भविष्य निर्वाह निधी संघटनेने 2021-22या आर्थिक वर्षामध्ये पीएफ खात्यावर मिळालेल्या व्याजाची गणना केली आहे. लवकरच ते खातेदारांच्या खात्यात हस्तांतरित केले जाईल. यावेळी सरकारच्या खात्यात जमा झालेले एकूण 72,000 कोटी रुपये नोकरदारांच्या खात्यात पाठवले जाणार आहेत. (Very soon EPF account holders to get interest amount on EPF, check EPFO update)
लक्षात घेण्यासारखी बाब म्हणजे गेल्या वर्षी पीएफ खातेधारकांना व्याजासाठी 6 ते 8 महिने वाट पाहावी लागली होती. पण, गेल्या वर्षी कोरोना महामारीमुळे परिस्थितीत वेगळी होती. यंदा सरकार दिरंगाई करणार नाही. प्रसार माध्यमांमधून आलेल्या वृत्तानुसार, 15 जुलैपर्यंत व्याजाचे पैसे खात्यात ट्रान्सफर केले जाऊ शकतात. या वर्षीचा पीएफवरील व्याजदर हा मागील 40 वर्षांतील नीचांकी पातळीवर आहे.
अधिक वाचा : Gold-Silver Rate Today, 05 July 2022: सोन्यातील तेजी कायम, चांदीच्या भावातही चांगली वाढ, लगेच पाहा ताजा भाव
तुमचे पीएफ पैसे तपासण्यासाठी, तुम्हाला तुमच्या नोंदणीकृत मोबाइल नंबरवरून 011-22901406 वर मिस्ड कॉल द्यावा लागेल. यानंतर, तुम्हाला EPFO च्या मेसेजद्वारे पीएफची माहिती मिळेल. येथे तुमचा UAN, PAN आणि आधार लिंक असणे देखील आवश्यक आहे.
जर तुमचा UAN क्रमांक EPFO मध्ये नोंदणीकृत असेल, तर तुम्ही तुमच्या PF शिल्लकची माहिती मेसेजद्वारे मिळवू शकता. यासाठी तुम्हाला EPFOHO ला 7738299899 वर पाठवावे लागेल. यानंतर तुम्हाला मेसेजद्वारे पीएफची माहिती मिळेल. आम्ही तुम्हाला सांगतो की जर तुम्हाला हिंदी भाषेत माहिती हवी असेल तर तुम्हाला ती EPFOHO UAN लिहून पाठवावी लागेल. पीएफ शिल्लक जाणून घेण्याची ही सेवा इंग्रजी, पंजाबी, मराठी, हिंदी, कन्नड, तेलगू, तमिळ, मल्याळम आणि बंगालीमध्ये उपलब्ध आहे. पीएफ बॅलन्ससाठी, तुमचा UAN, बँक खाते, PAN आणि आधार (AADHAR) लिंक असणे आवश्यक आहे.