IRCTC Update : भारत गौरव टुरिस्ट ट्रेन, करा नेपाळपर्यतचा प्रवास, पाहा कशी आहे ही ट्रेन…

Bharat Gaurav Scheme : भारतीय रेल्वे (Indian Railways) आपल्या प्रवाशांसाठी नवनवीन सुविधा आणत असते. आता आयआरसीटीसीने (IRCTC) भारत गौरव योजनेंतर्गत पर्यटक ट्रेनने नवी दिल्लीहून श्री रामायण यात्रा सर्किटवरून प्रवास करू शकणार आहेत. ही ट्रेन, सफदरजंग रेल्वे स्थानकावरून निघेल, श्री रामायण यात्रा सर्किटवर भारत आणि नेपाळमधील अंदाजे 8,000 किलोमीटरचे अंतर कापेल.

IRCTC Bharat Gaurav tourist train
आयआरसीटीसी भारत गौरव टुरिस्ट ट्रेन 
थोडं पण कामाचं
  • आयआरसीटीसीचे नवे जबरदस्त टूर पॅकेज
  • श्री रामायण यात्रा सर्किटवर करा नेपाळपर्यत प्रवास
  • पाहा किती आहे भाडे आणि सुविधा आणि ठिकाणे

Bharat Gaurav tourist train : नवी दिल्ली : भारतीय रेल्वे (Indian Railways) आपल्या प्रवाशांसाठी नवनवीन सुविधा आणत असते. आता आयआरसीटीसीने (IRCTC) भारत गौरव योजनेंतर्गत पर्यटक ट्रेनने नवी दिल्लीहून श्री रामायण यात्रा सर्किटवरून प्रवास करू शकणार आहेत. ही ट्रेन, सफदरजंग रेल्वे स्थानकावरून निघेल, श्री रामायण यात्रा सर्किटवर भारत आणि नेपाळमधील अंदाजे 8,000 किलोमीटरचे अंतर कापेल. पर्यटक ट्रेनद्वारे दोन देशांना जोडणारी आयआरसीटीसी ही भारतातील पहिली यंत्रणा ठरणार आहे. या टूरचा एकूण कालावधी 18 दिवसांचा असणार आहे. (With IRCTC's Bharat Gaurav tourist train you can travel to Nepal)

अधिक वाचा : जुलै महिन्यात येणार गुड न्यूज ! सरकार महागाई भत्ता (DA) 3 नव्हे तर 5 टक्के वाढवणार

किती आहे भाडे

प्रवासासाठी प्रति व्यक्ती सुमारे 65,000 रुपये खर्च येईल. त्यात उत्तर प्रदेश, बिहार, मध्य प्रदेश, महाराष्ट्र, कर्नाटक, तामिळनाडू, आंध्र प्रदेश आणि तेलंगणा या राज्यांचा समावेश असेल. ही ट्रेन "स्वदेश दर्शन" (Swadesh Darshan)योजनेअंतर्गत ओळखल्या जाणाऱ्या रामायण सर्किटवर भगवान श्री रामाच्या जीवनाशी निगडीत प्रमुख ठिकाणे कव्हर करेल. नेपाळमधील जनकपूर येथील राम जानकी मंदिराला ट्रेनने भेट देणे हा या प्रवासाचा एक भाग असेल.

IRCTC नुसार, 600 लोकांची क्षमता असलेली ट्रेन अयोध्या, बक्सर, जनकपूर, सीतामढी, काशी, प्रयागराज, चित्रकूट, नाशिक, हम्पी, रामेश्वरम, कांचीपुरम आणि भद्राचलम या प्रमुख शहरांना कव्हर करेल.

अधिक वाचा : Gold-Silver Rate Today, 23 June 2022: सोने खरेदीची संधी...अमेरिकन फेडरल रिझर्व्हच्या चेअरमनच्या टिप्पणीनंतर सोने घसरले, चांदीदेखील उतरली, पाहा ताजा भाव

देखो अपना देश उपक्रम

भारत गौरव टुरिस्ट ट्रेन हा देशांतर्गत पर्यटनाला चालना देण्यासाठी केंद्र सरकारचा "देखो अपना देश" हा उपक्रम आहे. प्रस्तावित भारत गौरव पर्यटक ट्रेनचा पहिला थांबा अयोध्या येथे आहे. याशिवाय, आयआरसीटीसी सर्व पर्यटकांना फेस मास्क, हातमोजे आणि हँड सॅनिटायझर असलेले सेफ्टी किट देखील देईल.

IRCTC ने एका निवेदनात म्हटले आहे की, कोविड-19 पूर्णपणे लसीकरण प्रमाणपत्र मंदिर दर्शन आणि स्मारकांच्या दर्शनासाठी अनिवार्य आहे. "सर्व प्रवाशांनी दौऱ्याच्या कालावधीत हार्ड कॉपी किंवा फोनवर लसीकरण प्रमाणपत्र सोबत ठेवावे," असे त्यात म्हटले आहे.

अधिक वाचा : Free Ration Update: केंद्राचा मोठा धक्का! रेशनकार्ड लाभार्थ्यांना मिळणार नाही मोफत गहू

वर्ग (आराम)

एकल वहिवाट - रु.71820/-

दुहेरी वहिवाट - रु. 62,370/-

तिहेरी वहिवाट - रु. 62370/-

बेडची सुविधा घेतलेले मूल असल्यास - रु.56700/-

(५-११ वर्षे)

कव्हर केलेली ठिकाणे -

अयोध्या: रामजन्मभूमी मंदिर, हनुमान गढी, सरयूघाट.

नंदीग्राम: भारत-हनुमान मंदिर आणि भारत कुंड

जनकपूर : राम-जानकी मंदिर.

सीतामढी: सीतामढी आणि पुनौरा धाम येथील जानकी मंदिर.

बक्सर : रामरेखा घाट, रामेश्वर नाथ मंदिर.

वाराणसी: तुलसी मानस मंदिर, संकट मोचन मंदिर, विश्वनाथ मंदिर आणि गंगा आरती.

सीता समहित स्थळ, सीतामढ़ी: सीता माता मंदिर.

प्रयागराज: भारद्वाज आश्रम, गंगा-यमुना संगम, हनुमान मंदिर.

शृंगावेरपूर: शृंगे ऋषी समाधी आणि शांता देवी मंदिर, राम चौरा.

चित्रकूट: गुप्त गोदावरी, रामघाट, सती अनुसुईया मंदिर.

नाशिक: त्र्यंबकेश्वर मंदिर, पंचवटी, सीतागुफा, काळाराम मंदिर.

हम्पी: अंजनाद्री टेकडी, विरुपाक्ष मंदिर आणि विठ्ठल मंदिर.

रामेश्वरम: रामनाथस्वामी मंदिर आणि धनुषकोडी.

कांचीपुरम: विष्णू कांची, शिव कांची आणि कामाक्षी अम्मान मंदिर

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी