IAF Agniveer Job 2022: अग्निवीरांच्या भरतीसाठी अर्ज प्रक्रिया सुरू; जाणून घ्या कधीपर्यंत आणि कसा करायचा अर्ज 

जॉब पाहिजे
Updated Jun 24, 2022 | 13:17 IST | टाइम्स नाऊ मराठी

Agniveer Recruitment 2022 । केंद्र सरकार कडून वायुसेनेतील अग्निवीरांच्या भरतीसाठी आजपासून अर्ज प्रक्रिया सुरू करण्यात आली आहे. या योजनेला अग्विवीर वायु असे नाव देण्यात आले आहे.

 Application process for recruitment of firefighters begins, know here apply process and details
अग्निवीरांच्या भरतीसाठी अर्ज प्रक्रिया सुरू, असा करा अर्ज   |  फोटो सौजन्य: BCCL
थोडं पण कामाचं
  • अग्निवीरांच्या भरतीसाठी अर्ज प्रक्रियेला आजपासून सुरूवात.
  • ऑनलाइन अर्ज करण्याची शेवटची तारीख - ५ जुलै २०२२.
  • भरतीसाठी अर्ज शुल्क २५० रूपये निश्चित करण्यात आले आहे. 

Agniveer Recruitment 2022 । मुंबई : केंद्र सरकार कडून वायुसेनेतील अग्निवीरांच्या भरतीसाठी आजपासून अर्ज प्रक्रिया सुरू करण्यात आली आहे. या योजनेला अग्विवीर वायु असे नाव देण्यात आले आहे. अग्निवीर वायु पदासाठी नोंदणी प्रक्रिया २४ जूनपासून सुरू होत आहे, ज्यामध्ये पात्र असलेले उमेदवार ५ जुलै २०२२ पर्यंत अधिकृत वेबसाइट agnipathvayu.cdac.in वर अर्ज करू शकतात. तसेच हवाई दल अग्निवीरवायू नोंदणी २०२२ साठी उमेदवार वेबसाइट nairforce.cdac.in इथे देखील भेट देऊ शकतात. (Application process for recruitment of firefighters begins, know here apply process and details). 

अधिक वाचा : देशात ४ महिन्यानंतर कोरोनाचे प्रथमच सापडले एवढे रूग्ण

वयमर्यादा

या भरतीसाठी इच्छुक असलेल्या उमेदवाराचे वय २३ वर्ष असणे गरजेचे आहे. म्हणजेच २९ डिसेंबर १९९९ आणि २९ जून २००५ दरम्यान जन्मलेले उमेदवार (दोन्ही दिवसांसह) अर्ज करण्यास पात्र आहेत.

महत्वाच्या तारखा

  • ऑनलाइन अर्ज करण्याची सुरुवातीची तारीख - २४ जून २०२२
  • ऑनलाइन अर्ज करण्याची शेवटची तारीख - ५ जुलै २०२२

अर्ज शुल्क 

भरतीसाठी अर्ज शुल्क २५० रूपये निश्चित करण्यात आले आहे. 

शैक्षणिक पात्रता

विज्ञान शाखेच्या उमेदवारांना गणित आणि इंग्रजी हे विषय घेऊन उत्तीर्ण होणे बंधनकारक आहे. लक्षणीय बाब म्हणजे उमेदवाराने गणित आणि इंग्रजी विषयात किमान ५०% गुण मिळवलेले असावेत. 

विज्ञान व्यतिरिक्त विषय 

उमेदवार कोणत्याही शाखेतून किमान ५०% गुणांसह १२वी उत्तीर्ण असावा.

शारिरीक मापदंड 

  • कमीतकमी उंची - १५२ सेमी.
  • छाती - कमीत कमी ५ सेमी फुगली पाहिजे.
  • वजन - उंचीनुसार

या टप्प्यात निवड केली जाईल

  1. ऑनलाइन टेस्ट
  2. शारीरिक तंदुरूस्ती चाचणी (PFT) 
  3. वैद्यकीय चाचणी 
  4. तात्पुरती निवड यादी - १ डिसेंबर २०२२
  5. नावनोंदणी - ११ डिसेंबर २०२२

 अग्निवीर वायु उमेदवारांसाठी आवश्यक कागदपत्रे 

  1. दहावी उत्तीर्ण प्रमाणपत्र
  2. बारावी उत्तीर्ण प्रमाणपत्र/३ वर्षांचा इंजिनीअरिंग डिप्लोमा गुणपत्रिका/दोन वर्षांच्या व्यावसायिक अभ्यासक्रमाची गुणपत्रिका
  3. फ्रेश पासपोर्ट आकाराचा फोटो
  4.  स्कॅन केलेला डाव्या हाताच्या अंगठ्याचा ठसा
  5. सहीचा स्कॅन केलेला फोटो
  6. पालकांच्या सहीचा स्कॅन केलेला फोटो
  7. आधार कार्ड
  8. जम्मू-काश्मीर, आसाम आणि मेघालयमधील उमेदवारांना आधार क्रमांक भरण्यापासून सवलत देण्यात आली आहे.
  9. वैध आयडी आणि मोबाईल क्रमांक


 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी