ऐकलं का ! JEE Mains च्या मार्कांवर इंडियन आर्मी करणार भरती; 'या' तारखेपर्यंत लगेच करा अप्लाय

JEE Mains च्या मार्कांवर इंडियन आर्मी करणार भरती  |  फोटो सौजन्य: Times Now

मुंबई : भारतीय लष्करात (Indian Army) नोकरी (job) करण्याचं स्वप्न अनेकांचं असतं. देशसेवा करण्यासाठी तरुण आर्मीमध्ये सामील होत असतात. अशाच उमेदवारांसाठी इंडियन आर्मीने बारावीची परीक्षा दिलेल्या उमेदवारांसाठी मोठी खूशखबर दिली आहे. भारतीय सैन्याच्या 10+2 Technical Entry Scheme (TES) - 48 अंतर्गत लवकरच नव्वद पदांसाठी भरती होणार आहे. विशेष म्हणजे ही पदभरती ही JEE Mains च्या मार्कांच्या आधारावर होणार आहे. त्यामुळे JEE Mains मध्ये चांगले मार्क्स आहेत त्यांना इंडियन आर्मीत नोकरीचा गोल्डन चान्स मिळणार आहे.

बातमीची भावकी

Salary Hike in 2023: खासगी नोकरी करणाऱ्यांसाठी सर्वात मोठी बातमी, पुढील वर्षी पगारात होणार इतकी मोठी वाढ

government jobs : सरकारी नोकरीची सुवर्णसंधी, थेट मुलाखतीद्वारे होणार निवड

Sarkari Naukri 2022: ITBP Job: फक्त 100 रुपयांचे शुल्क भरुन 10 वी उत्तीर्ण गडी कमावणार महिना 60 हजाराचा पगार

ज्या उमेदवारांना ही नोकरी मिळवायची आहे असे उमेदवार joinindianarmy.nic.in या लष्कराच्या अधिकृत साइटद्वारे अर्ज करू शकतात. 22 ऑगस्टपासून नोंदणी प्रक्रिया सुरू झाली आहे उमेदवारांना 21 सप्टेंबरपर्यंत अर्ज सादर करण्याची संधी असणार आहे. इंडियन आर्मीच्या अधिकृत अधिसूचनेनुसार, एकूण 90 रिक्त पदं भरण्यासाठी भरती घेण्यात येत आहे, ही भरती तात्पुरती असणार आहे. तसंच या अभ्यासक्रमासाठी प्रशिक्षण अकादमीमधील प्रशिक्षण क्षमतेनुसार बदलल्या जाऊ शकतात. एकदा, चार वर्षांचा हा अभ्यासक्रम यशस्वीरीत्या पूर्ण झाल्यानंतर, कॅडेट्सना लष्करात लेफ्टनंट पदासाठी कायमस्वरूपी कमिशन दिलं जाणार आहे.

शैक्षणिक पात्रता आवश्यक

• उमेदवारांनी मान्यताप्राप्त शिक्षण मंडळांकडून PCM (भौतिकशास्त्र, रसायनशास्त्र आणि गणित) मध्ये 10+2 परीक्षा किंवा त्याच्या समकक्ष किमान एकूण 60 टक्के गुणांसह उत्तीर्ण केलं असणं आवश्यक आहे.
• विविध राज्य/केंद्रीय बोर्डांच्या पीसीएम टक्केवारीची गणना करण्यासाठी पात्रता अट केवळ बारावीच्या वर्गात मिळालेल्या गुणांवर आधारित असेल असं सैन्यानं सांगितलं आहे.
• उमेदवार JEE Mains परीक्षा दिली असणं आवश्यक आहे.

Read Also : Monsoon Assembly Session : आज अधिवेशनाचा पाचवा दिवस

वयोमर्यादा

• या पदभरतीसाठी उमेदवाराचं वय हे 16 वर्षांपेक्षा कमी नसावं आणि 19 वर्षांपेक्षा जास्त नसावं.

अशी असेल निवड प्रक्रिया

अर्जदारांची निवड त्यांच्या कामगिरीच्या आधारे दोन टप्प्यात केली जाईल. निवडलेल्या व्यक्तींना मुलाखतीसाठी बोलावले जाईल आणि त्यानंतर मेडिकल टेस्ट केली जाईल. “अंतिम गुणवत्ता यादी प्री-कमिशनिंग ट्रेनिंगसाठी इंडक्शन करण्यापूर्वी डायरेक्टरेट जनरल ऑफ रिक्रूटिंग वेबसाइट www.joinindianarmy.nic.in वर पब्लिश केली जाणार आहे.

Read Also : हरतालिका तीजला होतोय हा दुर्मिळ योग

अर्ज करण्यासाठी स्टेप बाय स्टेप प्रोसेस

• सुरुवातीला joinindianarmy.gov.in या अधिकृत साइटवर जा
• होमपेजवर उपलब्ध असलेल्या 'Apply Online ' लिंकवर क्लिक करा.
• TES-48 प्रवेश योजनेसाठी नोंदणी करा.
• आता अर्जात विचारलेले तपशील द्या.
• अर्ज फी भरा आणि फॉर्म सबमिट करा.
• फॉर्म डाउनलोड करा आणि भविष्यातील संदर्भासाठी त्याची हार्ड कॉपी तयार करा.