BMC Recruitment 2023: मुंबई मनपासोबत काम करण्याची सुवर्णसंधी, 'या' पदांसाठी निघाली भरती

Educational Qualification for the post

या भरतीसाठी इच्छुक आणि पात्र उमेदवार हा मान्यताप्राप्त विद्यापीठाची विज्ञान शाखेतील (Degree in B. Sc.) पदवी धारण करणारा असावा आणि मान्यताप्राप्त विद्यापीठाची (MSBT) डी. एम. एल. टी. (D. M. L. T.) पदविका उत्तीर्ण असावा. B.Sc. + D.M.L.T.)

कंत्राटी पद्धतीवरील नियुक्तीसाठी अटी आणि शर्ती

1. कंत्राटी तत्त्वावर निव्वळ तात्पुरत्या स्वरुपात नियुक्त होणारे प्रयोगशाळा तंत्रज्ञ हे तत्सम पदाकरिता विहित केलेल्या अर्हता धारण करणारे असावेत.
2. कंत्राटी तत्वावर निव्वळ तात्पुरत्या स्वरुपात नियुक्त होणाऱ्या प्रयोगशाळा तंत्रज्ञ यांना महानगरपालिकेच्या नियमित सेवेसाठी हक्क सांगता येणार नाही.
3. कराराच्या कालावधीत कंत्राटी तत्वावरील प्रयोगशाळा तंत्रज्ञ यांना हमीपत्र सादर करावे लागेल.
4. कंत्राटी तत्वावरील प्रयोगशाळा तंत्रज्ञ यांना दरमहा 18,000 रुपये इतके मानधन देण्यात येईल. त्यांना कोणत्याही प्रकारचे भत्ते दिले जाणार नाहीत.
5. कंत्राटी प्रयोगशाळा तंत्रज्ञ यांची एकावेळी 6 महिन्याच्या कालावधीकरीता (दर 45 दिवसांनी 1 दिवसाचा खंड देण्यात येईल) नेमणूक करण्यात येईल.
6. महानगरपालिका प्रशासन एक महिन्याच्या पूर्वसूचना देऊन त्यांची सेवा संपुष्टात आणेल.
7. नेमणूकीच्या विहित कालावधीत विवक्षित काम पूर्ण करण्याची जबाबदारी नियुक्त केलेल्या कंत्राटी प्रयोगशाळा तंत्रज्ञ यांची राहील. व तसे हमीपत्र त्यांचेकडून घेण्यात येईल.
8. कराराच्या कालावधीत संबंधित कंत्राटी प्रयोगशाळा तंत्रज्ञ यांना कोणतेही प्रशासकीय अथवा आर्थिक संबंधात अधिकार प्रदान करण्यात येणार नाहीत.
9. कराराच्या कालावधीत सदर प्रयोगशाळा तंत्रज्ञ यांना मुंबई महानगरपालिका सेवा नियमावलीतील नियम लागू राहणार नाहीत. ही नेमणूक केवळ कंत्राटी पद्धतीवर राहील.
10. कंत्राटी पद्धतीने काम करणाऱ्या प्रयोगशाळा तंत्रज्ञ यांचे काम काराराच्या कालावधीत असमाधानकारक असेल तर अशा प्रयोगशाळा तंत्रज्ञाची कंत्राट पद्धतीवरील नियुक्ती कोणतीही पूर्वसूचना न देता संपुष्टात आणण्यात येईल.