Aashram 3 Trailer: आश्रम 3 चा ट्रेलर रिलीज, 3 जूनला वेबसीरिजचा तिसरा सीझन येणार भेटीला

बी टाऊन
Updated May 13, 2022 | 15:38 IST | टाइम्स नाऊ मराठी

Aashram 3 Trailer: बॉबी देओलची वेब सीरिज आश्रम 3 चा ट्रेलर रिलीज झाला आहे. या वेबसीरिजने बॉबी देओलच्या बुडत्या करिअरला नवी उड्डाणे दिली आहेत. आश्रमाचे सर्व सीझन प्रसिद्ध दिग्दर्शक प्रकाश झा यांनी दिग्दर्शित केले आहेत. ही वेबसीरिज अंधश्रद्धा, राजकारण, बलात्कार आणि ड्रग्ज याभोवती फिरते.

Ashram 3 trailer release, the web series coming on June 3
आश्रमच्या तिसऱ्या सीझनचा ट्रेलर रिलीज  |  फोटो सौजन्य: BCCL
थोडं पण कामाचं
  • बॉबी देओल आश्रम 3 मध्ये पुन्हा धमाल करणार आहे
  • प्रकाश झा यांनीच तिसऱ्या सीझनचे दिग्दर्शन केले आहे
  • बॉबी देओल बाबा निरालाच्या भूमिकेत आहे

Aashram 3 Trailer Release: सज्ज व्हा... पुन्हा एकदा आश्रमाचे दरवाजे उघडणार आहेत. काशीपूरचे बाबा पुन्हा एकदा आपल्या शैलीने चाहत्यांना आश्चर्याचा धक्का देणार आहेत. बॉबी देओलची मोस्ट अवेटेड वेबसीरिज आश्रम 3 चा ट्रेलर रिलीज झाला आहे. ट्रेलर पाहून हा सिझनही इतर दोन सीरिजप्रमाणेच रसिकांच्या पसंतीस उतरणार असल्याचे दिसते. 3 जूनला आश्रमचा तिसरा सीझन रिलीज होणार आहे. 


आश्रम मालिकेत बॉबी देओलचा बोलबाला


सीझन 3 मध्ये, बाबा निराला यांच्या नवीन कृत्यांचे सत्य समोर येईल. अनेक मनोरंजक ट्विस्ट असलेली ही वेबसीरिज चाहत्यांना पुन्हा आश्चर्यचकित करेल. यावेळी बॉबी देओलच्या या वेबसीरिजमध्ये ग्लॅमरस अभिनेत्री ईशा गुप्ताही दिसणार आहे. ही वेबसीरिज अंधश्रद्धा, राजकारण, बलात्कार आणि ड्रग्ज याभोवती फिरते. त्याचा पहिला सीझन 2020 मध्ये आला होता.


या वेबसीरिजने बॉबी देओलच्या कारकिर्दीला नवी दिशा दिली होती. दोन्ही सीझनला प्रेक्षकांनी भरभरून प्रेम दिले आहे. आश्रमाचे सर्व सीझन प्रसिद्ध दिग्दर्शक प्रकाश झा यांनी दिग्दर्शित केले आहेत. बॉबी देओलशिवाय या सीझनमध्ये त्रिधा चौधरी, चंदन रॉय, दर्शन कुमार यांसारखे स्टार्स आहेत.

 
 
 
 
 
 
 
 
 
 
 
 
 
 
 

A post shared by Bobby Deol (@iambobbydeol)


कसा आहे ट्रेलर? 

आश्रम 3 मध्ये सूडाची कहाणी, बाबा निराळे यांचा देव बनण्याचा प्रवास दाखवण्यात येणार आहे. बाबा निराला आता नवीन जग निर्माण करणार आहेत. ते भगवान निराला होण्याचे स्वप्न पाहत आहेत. बाबांकडून देव होण्याच्या मार्गात अनेक अडथळे येणार आहेत, हे वेबसीरिज रिलीज झाल्यानंतर कळेल. सूडाच्या आगीत जळत असलेला परमिंदर यावेळी त्याचा बदला घेऊ शकेल का? बाबांचे रहस्य जगासमोर उलगडणार का? असे अनेक प्रश्न या वेबसीरिजमध्ये पाहायला मिळणार आहेत.


'आश्रम' या वेबसीरिजवर गोंधळ


बॉबी देओलला बाबा निरालाच्या भूमिकेत पाहायला मिळणे ही चाहत्यांसाठी मोठी भेट आहे. आश्रमच्या तिसऱ्या सीझनसाठी चाहते खूप उत्सुक आहेत. ही वेबसीरिज OTT प्लॅटफॉर्म MX Player वर रिलीज होईल. प्रकाश झा यांची ही वेब सिरीजही वादात सापडली आहे. ऑक्टोबर 2021 मध्ये, बजरंग दलाच्या कार्यकर्त्यांनी या वेबसीरिजला लक्ष्य करत सेटची तोडफोड केली. प्रकाश झा यांच्यावर हिंदू आणि आश्रम व्यवस्थेला बदनाम केल्याचा आरोप होता.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी