Bollywood Celebs Who Served In Indian Army: हे बॉलिवूड सेलिब्रिटी अभिनेता होण्याआधी सैन्यात होते मेजर आणि कर्नल, जाणून घ्या कोण आहेत ते अभिनेता
Bollywood Celebs Who Served In Indian Army: बॉलिवूडच्या या सेलिब्रिटींनी सिनेसृष्टीत आपलं वर्चस्व निर्माण करण्याआधी ते भारतीय सैन्यात वेगवेगळ्या पदांवर कार्यरत होते. इंडस्ट्रीत येण्यापूर्वी त्यांनी देशसेवेला प्राधान्य दिले होते.
- रुद्राशीष मजुमदार सैन्यात मेजर म्हणून कार्यरत
- गुफी पेंटल अर्थातच शकुनी मामा सैन्यात कॅप्टन म्हणून होते कार्यरत
- गीतकार आनंद बक्षी यांनी भारतीय सैन्यात नॉन-कमिशन्ड अधिकारी म्हणून काम केलं होतं.
Bollywood Celebs Who Served In Indian Army: बॉलीवूडमध्ये (Bollywood) असे अनेक स्टार्स आहेत, जे आज इंडस्ट्रीत टॉपला आहेत. अमिताभ बच्चन (Amitabh Bachchan), अक्षय कुमार (Akshay Kumar), नवाजुद्दीन सिद्दीकी, पंकज त्रिपाठीपासून ते अर्शद वारसीपर्यंत हे सर्व बॉलिवूड सेलिब्रिटी फिल्मी दुनियेत पाऊल ठेवण्यापूर्वी वेगवेगळ्या क्षेत्रात काम करायचे. मात्र, आज आम्ही तुम्हाला अशा बॉलिवूड स्टार्सबद्दल सांगणार आहोत ज्यांनी इंडस्ट्रीत येण्यापूर्वी सैन्यात सेवा केली आहे. इतकेच नाही तर हे बॉलिवूड स्टार्स भारतीय सैन्यात कर्नल आणि मेजर पदावरही राहिले आहेत.
मेजर रुद्राशीष मजुमदार (Major Rudrashish Majumdar) यांना अभिनेता म्हणून फार कमी लोक ओळखतील. मात्र, 7 वर्षे देशाची सेवा करणारे मेजर रुद्राशीष आता बॉलिवूडमध्येही धमाका करणार आहेत. ते लवकरच शाहिद कपूरसोबत 'जर्सी' या चित्रपटात दिसणार आहेत. याआधी त्यांनी सुशांत सिंग राजपूतच्या 'छिछोरे' आणि 'मिसेस अंडरकव्हर' या चित्रपटातही काम केले आहे. याशिवाय त्यांनी अनेक टीव्ही जाहिराती आणि म्युझिक व्हिडिओ देखील केले आहेत.
या यादीत साऊथ सुपरस्टार मोहनलाल (Mohanlal) यांचेही नाव आहे. फार कमी लोकांना माहित असेल की सुपरस्टार मोहनलाल हे भारतीय 'प्रादेशिक सैन्यात' लेफ्टनंट कर्नलची मानद रँक मिळवणारे पहिले आणि एकमेव भारतीय अभिनेता आहेत. मोहनलाल यांनी 2009 मध्ये अभिनेता झाल्यानंतर ही रँक गाठली.
'महाभारत' मालिकेतील 'सकुनी मामा'ला कोण विसरेल. महाभारतात शकुनीची भूमिका साकारणारा गुफी पेंटल अनेक चित्रपटांमध्येही दिसला आहे. पण तुम्हाला माहित आहे का की गुफी पेंटल यांनी भारतीय सैन्यात कॅप्टन म्हणून काम केले आहे.
दिवंगत गीतकार आनंद बक्षी (Anand Bakshi) यांची गाणी आजही लोकांच्या मनात जिवंत आहेत. आनंद बक्षी हे त्यांच्या सुंदर गाण्यांसाठी ओळखले जातात. गीतकार आनंद बक्षी यांनी भारतीय सैन्यात नॉन-कमिशन्ड अधिकारी म्हणून काम केले आहे.
पेज 3', 'डॉन', 'कॉर्पोरेट', 'रॉकेट सिंग', 'मर्डर 2', 'जब तक है जान' यांसारख्या अनेक चित्रपटांमध्ये दिवंगत बॉलिवूड अभिनेता बिक्रमजीत कंवरपाल (Bikramjeet Kanwarpal) यांना तुम्ही चमकदार कामगिरी करताना पाहिले आहे. अभिनेता बिक्रमजीत कंवरपाल हे भारतीय लष्कराचे निवृत्त मेजर आहेत. 2002 मध्ये निवृत्ती घेतल्यानंतर त्यांनी बॉलिवूडमध्ये प्रवेश केला.
बॉलीवूडमधील 40 ते 60 च्या दशकातील प्रसिद्ध अभिनेते रहमान (Rehman) यांना कधीही विसरता येणार नाही. रहमानने चौदवी का चांद (1960), साहिब बीबी और गुलाम (1962), दिल ने फिर याद किया (1966) आणि वक्त वक्त (1965) यांसारख्या अनेक चित्रपटांमध्ये काम केले आहे. रहमान पायलट यांनी 'रॉयल इंडियन एअर फोर्स'मध्ये काम केले आहे. हे फार कमी लोकांना माहिती असेल.
