South Cinema VS Bollywood: बॉलिवूडवाल्यांना मी परवडणार नाही, साऊथचा सुपरस्टार महेश बाबुचे विधान

महेश बाबु  |  फोटो सौजन्य: BCCL

Mahesh babu : मुंबई : बॉलिवूडवाल्यांना मी परवडणार नाही असे विधान साऊथचा सुपरस्टार महेश बाबूने केले आहे. तसेच मला अखिल भारतीय स्टार होण्यात काही रस नाही असेही महेश बाबु म्हणाला आहे. शहीद मेजर संदीप उन्नीकृष्णन यांच्या आयुष्यावर आधारित मेजर या सिनेमाची निर्मिती महेश बाबू यांनी केली आहे. या चित्रपटाच्या ट्रेलर लॉन्चवेळी ते बोलत होते. 

महेश बाबू म्हणाला की मला संपूर्ण भारताचा स्टार होण्यात कुठलाही रस नाही. उलट दक्षिण भारातातील अनेक सिनेमे संपूर्ण देशात हिट झाले आहेत. मला सुरूवातीपासून तेलुगू सिनेमे करायचे होते. मी केलेले चित्रपट सर्व भारतीयांनी पहावे अशी आपली इच्छा होती असेही महेश बाबु म्हणाला. गेल्या काही वर्षांत तेलुगु सिनेमांनी उत्तम कामगिरी केली आहे, त्यामुळे भारतीय सिनेमाची व्याख्या बदलल्याचेही महेश बाबूने सांगितले. 

बॉलिवूडमध्ये कधी काम करणार या प्रश्नावर महेश बाबू म्हणाला की, बॉलिवूडवाल्यांना मी परवडणार नाही. त्यासाठी मी उगाच वेळ वाया घालवणार नाही. तेलुगु सिनेमा ही माझी ताकद आहे आणि तेलुगु सिनेमांनी बॉलिवूड आणि टॉलिवूडच्या सीमा तोडल्या आहेत. तेलुगु सिनेमाने जे मला स्टारडम दिले आहे याचा मी कधी विचारही केला नव्हता. मी एखादा सिनेमा बनवेन आणि लोकांना खूप आवडेल असे माझे स्वप्न होते, हे स्वप्न आज साकार झाले आहे असेही महेश बाबू म्हणाला. 

बातमीची भावकी

ओये सौरभ पाजी... स्वप्निल जोशीचा वेगळा लूक 

Avatar : The Way of Water : अखेर तब्बल १३ वर्षानंतर प्रतीक्षा संपली, Avatar 2 चा ट्रेलर युट्युबर प्रदर्शित

Pandit Shivkumar Sharma Passed Away : प्रख्यात संतूरवादक पंडित शिवकुमार शर्मा यांचं हृदयविकाराच्या झटक्यानं निधन