Controversial Statement on RSS: बॉलिवूडचे ज्येष्ठ गीतकार जावेद अख्तर यांना कोर्टाचं समन्स, कोर्टापुढे हजर राहण्याचे आदेश
ज्येष्ठ गीतकार जावेद अख्तर यांच्याविरोधात मुलुंड दंडाधिकारी (Mulund Magistrate) न्यायालयाने (Mulund Court) समन्स जारी करत त्यांना पुढील सुनावणीला न्यायालयात हजर राहण्याचे आदेश दिलेत. 2021 च्या ऑगस्ट महिन्यात जावेद अख्तर यांनी एका मुलाखतीदरम्यान तालिबान आणि संघाची कथित तुलना केली होती.
बॉलिवूडचे ज्येष्ठ गीतकार जावेद अख्तर यांना कोर्टाचं समन्स | फोटो सौजन्य: Times Now
थोडं पण कामाचं
- जावेद अख्तर यांनी एका वृत्तवाहिनीवर केली होती तुलना
- संघ समर्थक वकील संतोष दुबे यांनी न्यायालयात तक्रार दाखल केली आहे.
- 6 जानेवारी रोजी मुलुंड न्यायालयात होणाऱ्या पुढील सुनावणीला उपस्थित राहण्याचे आदेश
Javed Akhtar : तालिबान (Taliban) आणि राष्ट्रीय स्वयंसेवक संघाशी (Rashtriya Swayamsevak Sangh) संबंधित वादग्रस्त विधानं करणं बॉलिवूडचे (Bollywood) ज्येष्ठ गीतकार जावेद अख्तर (Javed Akhtar)यांना महागात पडत आहे. ज्येष्ठ गीतकार जावेद अख्तर यांच्याविरोधात मुलुंड दंडाधिकारी (Mulund Magistrate) न्यायालयाने (Mulund Court) समन्स जारी करत त्यांना पुढील सुनावणीला न्यायालयात हजर राहण्याचे आदेश दिलेत. 2021 च्या ऑगस्ट महिन्यात जावेद अख्तर यांनी एका मुलाखतीदरम्यान तालिबान आणि संघाची कथित तुलना केली होती. दरम्यान संघ समर्थक वकील संतोष दुबे म्हणाले की, अख्तर यांनी केवळ राजकीय फायद्यासाठी संघाचे नाव विनाकारण ओढले होते. (Bollywood's lyricist Javed Akhtar has been summoned by the court, ordered to appear before the court)
RSS ची थेट तालिबानशी तुलना
ऑगस्ट 2021 मध्ये तालिबानमधील सत्तांतरानंतर जगभरात त्याच्या प्रतिक्रिया उमटल्या होत्या. त्यातच जावेद अख्तर यांनी एका वृत्तवाहिनीवर यासंदर्भात मत व्यक्त करताना राष्ट्रीय स्वयंसेवक संघाची थेट तालिबानशी तुलना केली होती. संघाची विचारसरणी ही तालिबानींसारखी आहे, आरएसएस लोकांची दिशाभूल करते, त्यांचे मानसिक खच्चीकरण असल्याचे मत अख्तर यांनी व्यक्त केलं होतं. यामुळे संघाची प्रतिमा जनमानसात मलिन झाल्याचा आरोप करत वकील संतोष दुबे यांनी मुलुंड दंडाधिकारी न्यायालयात जावेद अख्तर यांच्याविरोधात आयपीसी कलम 499(मानहानी), 500(बदनामी) अंतर्गत फौजदारी तक्रार दाखल केली आहे.
मुलुंड न्यायालयाचे आदेश
जावेद अख्तर यांनी राजकीय हेतूनं आरएसएसच्या नावाचा अनावश्यकपणे वापर केल्याचंही दुबे यांनी म्हटलेलं आहे. त्याची दखल घेऊन न्यायालयाने जावेद अख्तर यांना मंगळवारी समन्स बजावत 6 जानेवारी रोजी मुलुंड न्यायालयात होणाऱ्या पुढील सुनावणीला उपस्थित राहण्याचे आदेश दिले आहेत.