Alia Bhatt On SS Rajamouli: आलिया भट्ट-एसएस राजामौली यांच्यात मतभेद? अभिनेत्रीने सांगितले काय आहे वास्तव
Alia Bhatt On SS Rajamouli: गेल्या काही दिवसांपासून आलिया भट्ट RRR चित्रपटाचे दिग्दर्शक एसएस राजामौली यांच्यावर नाराज असल्याच्या अफवा पसरत होत्या. या अफवांमध्ये किती तथ्य दडले आहे, याचा खुलासा अभिनेत्रीने नुकताच केला आहे.
- एसएस राजामौली यांच्या आरआरआर या चित्रपटात आलिया भट्टने महत्त्वाची भूमिका साकारली आहे.
- आलिया भट्ट आणि एसएस राजामौली यांच्यात मतभेद असल्याच्या अफवा गेल्या काही दिवसांपासून उडत होत्या.
- या सर्व अफवांच्या दरम्यान आलिया भट्टने आता या अफवांचे सत्य काय आहे हे सांगितले आहे.
Alia Bhatt On Rumours Having A Tiff With SS Rajamouli: आलिया भट्ट अलीकडेच एसएस राजामौली यांच्या RRR या मॅग्नम ओपस चित्रपटात दिसली होती. या चित्रपटातील आलिया भट्टच्या अभिनयाचे लोकांनी खूप कौतुक केले. मात्र गेल्या काही दिवसांपासून आलिया भट्ट या चित्रपटाच्या दिग्दर्शकावर म्हणजेच एसएस राजामौलीवर नाराज असल्याच्या बातम्या येत होत्या. या चित्रपटात आलिया भट्टच्या स्टारडमनुसार तिला स्थान देण्यात आले नसल्याचे बोलले जात होते.यामुळे आलिया भट्ट एसएस राजामौली आणि बाकीच्या चित्रपट निर्मात्यांवर नाराज होती. जेव्हा आलिया भट्टने तिच्या इंस्टाग्राम हँडलवरून आरआरआरच्या सर्व पोस्ट हटवल्या, तेव्हा या अफवा सर्वत्र आगीसारख्या पसरल्या होत्या. पण अलीकडेच आलिया भट्टने तिच्या इंस्टाग्राम हँडलवर इन्स्टा स्टोरीद्वारे या अफवांमध्ये तथ्य नसल्याचे सांगितले.
अधिक वाचा : गुगल मॅप्सवर दिसला विशालकाय सापाचा सांगाडा, पाहा व्हिडिओ
RRR अभिनेत्री आलिया भट्टने तिच्या इन्स्टा स्टोरीवर एक लांबलचक नोट लिहिली आहे. ही नोट लिहिताना, अभिनेत्रीने शेअर केले की, गेल्या काही दिवसांपासून तिला अफवा ऐकू येत आहेत की ती RRR च्या टीमवर नाराज आहे आणि म्हणूनच तिने चित्रपटावर आधारित सर्व पोस्ट हटवल्या आहेत. या सर्व अफवांवर विश्वास ठेवू नये, असे आवाहन तिने केले आहे. यासोबतच, अभिनेत्रीने असेही सांगितले की ती तिच्या इंस्टाग्रामवरील सर्व जुने व्हिडिओ आणि फोटो पुन्हा व्यवस्थित करत असते जेणेकरून तिचे प्रोफाइल गोंधळलेले दिसू नये. या चित्रपटाचा भाग बनून तिला खूप आनंद होत असल्याचेही अभिनेत्रीने शेअर केले. राजामौली यांच्या दिग्दर्शनाखाली काम करताना आणि सीतेची भूमिका साकारताना तिला मजा येत आहे. ज्युनियर एनटीआर आणि रामचरण यांच्यासोबत काम करताना मला मजा आल्याचेही तिने सांगितले.
अभिनेत्रीने ही पोस्ट लिहिण्यामागचे कारणही सांगितले आहे. राजामौली आणि संपूर्ण टीमने या चित्रपटासाठी अथक परिश्रम घेतल्यामुळे ही पोस्ट लिहित असल्याचे तिने सांगितले आणि या चित्रपटाच्या आणि तिच्या अनुभवाच्या आधारे कोणत्याही खोट्या अफवा पसरवल्या जाऊ नयेत अशी तिची इच्छा आहे.
