Sunny Leone Song: सनी लिओनीच्या 'मधुबन' गाण्यावरून धुमाकूळ, भावना दुखावल्याचा युजर्सचा आरोप

बी टाऊन
Updated Dec 23, 2021 | 15:18 IST | टाइम्स नाऊ मराठी

Sunny Leone Madhuban Song: बॉलिवूड अभिनेत्री सनी लिओनीच्या 'मधुबन' या गाण्याने सोशल मीडियावर खळबळ उडवून दिली आहे, आता या गाण्यावर बंदी घालण्याची मागणी केली जात आहे.

Sunny Leone get troll because of  'Madhuban' song
सनी लिओनीचं नवीन गाणं आणि वाद  |  फोटो सौजन्य: BCCL
थोडं पण कामाचं
  • सनी लिओनीच्या नवीन 'मधुबन' गाण्याने सोशल मीडियावर खळबळ उडवून दिली आहे.
  • सनी लिओनी, मधुबन गाणं आणि वादविवाद
  • गाण्यावर बंदी घालण्याची युजर्सची मागणी

Sunny Leone Madhuban Song: बॉलिवूड अभिनेत्री सनी लिओनीच्या 'मधुबन' या गाण्याने सोशल मीडियावर खळबळ उडवून दिली आहे, आता या गाण्यावर बंदी घालण्याची मागणी केली जात आहे. 


बॉलिवूड अभिनेत्री सनी लिओनी (Sunny Leone)चे 'मधुबन' (Madhuban Song) हे गाणे रिलीज झाले आहे. या गाण्यात पुन्हा एकदा सनी आणि कनिका कपूरच्या जोडीने थिरकण्याचा प्रयत्न केला आहे. मात्र आता या गाण्यावरून गदारोळ सुरू झाला आहे. 22 डिसेंबरला रिलीज झालेल्या या गाण्यावर लोकांनी प्रश्न उपस्थित केले आहेत. या गाण्यावर हिंदूंच्या भावना दुखावल्याचा आरोप होत आहे. मधुबन गाण्यामुळे (Sunny Leone Madhuban Song) सनी लिओनीला सोशल मीडियावर ट्रोल केले जात आहे.

सनी लिओनी (Sunny Leone New Song)चे नवीन गाणे हे गाणे तिच्या ट्विटर हँडलवर शेअर केले आहे. हे गाणे शेअर करताना तिने चाहत्यांना विचारले की, तुम्ही हे गाणे अजून ऐकले आहे का? मात्र यानंतर सनी लिओनीला ट्रोल करण्यात आले. युजर्सने तिला टार्गेट करायला सुरुवात केली. या गाण्यावर बहिष्कार टाकण्याचा आवाज सोशल मीडियावर उठू लागला आहे. एका यूजरने लिहिले की, 'तुम्ही लोकांनी हिंदू धर्माची खिल्ली उडवली आहे.


आणखी एका यूजरने लिहिले की, 'राधा ही डान्सर नव्हती, ती एक भक्त होती आणि मधुबन ही एक उत्तम जागा होती, जिथे राधाने असा डान्स केला नाही. गाण्याचे बोल लाजवणारे आहेत. राहुल कश्यप नावाच्या युजरने लिहिले की, 'निंदा आहे, अपवित्रही आहे, फक्त हिंदूंची चेष्टा केली जाते.' दुसर्‍या युजरने कमेंट केली की, "हे सर्व विकण्यापेक्षा भगवान कृष्ण आणि राधाची पूजा करायला शिकणे चांगले आहे."


मधुबन गाणे कनिका कपूरने गायले आहे आणि गणेश आचार्य यांनी कोरिओग्राफ केले आहे. या गाण्याच्या प्रमोशनसाठी अलीकडेच सनी आणि कनिका दोघीही बिग बॉस 15 च्या सेटवर पोहोचले होते. मात्र आता या गाण्यावर बंदी घालण्याची मागणी होत आहे.


 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी