The Tatas: सिल्व्हर स्क्रीनवर येणार टाटा कुटुंबाची कहाणी, ज्येष्ठ पत्रकार-लेखक गिरीश कुबेरांच्या पुस्तकावर आधारित सिनेमाची कथा

बी टाऊन
Updated May 24, 2022 | 18:29 IST | टाइम्स नाऊ मराठी

The Tatas: T-Series (भूषण कुमार) आणि Almighty Motion Pictures द्वारे संयुक्तपणे निर्मित, देशातील प्रतिष्ठित कुटुंबांपैकी एक असलेल्या टाटा कुटुंबाची कथा, सिल्व्हर स्क्रीनवर येणार आहे. त्याच्याशी संबंधित माहिती जाणून घ्या.

The story of the Tata family, the story of a movie based on a book by veteran journalist-writer Girish Kuber
टाटा कुटुंबाचा 200 वर्षांचा इतिहास सिल्व्हर स्क्रीनवर  |  फोटो सौजन्य: BCCL
थोडं पण कामाचं
  • आता टाटा कुटुंबाची कथा सिल्व्हर स्क्रीनवर दाखवली जाणार आहे.
  • कथेत 200 वर्षांचा इतिहास पाहायला मिळणार आहे.
  • हा सिनेमा ज्येष्ठ पत्रकार आणि लेखक गिरीश कुबेर यांच्या पुस्तकावर आधारित असणार आहे.

Movie on Tata Family: देशातील सर्वात प्रसिद्ध आणि श्रीमंत घराण्यांपैकी एक असलेल्या टाटा कुटुंबावर सिनेमा बनणार आहे. या चित्रपटाची अधिकृत घोषणा करण्यात आली आहे. या प्रतिष्ठित कुटुंबाची कथा प्रेक्षकांसमोर आणण्यासाठी टी-सीरीज (भूषण कुमार) आणि ऑलमाईटी मोशन पिक्चर्स एकत्र आले आहेत.


चित्रपटात 200 वर्षांचा इतिहास पाहायला मिळणार आहे

टाटा कुटुंबावर बनवल्या जाणाऱ्या या चित्रपटात कुटुंबाच्या 200 वर्षांच्या इतिहासाची माहिती दिली जाणार आहे. या चित्रपटाची घोषणा करताना माहिती देण्यात आली की, 'तीन पिढ्यांपासून राष्ट्र उभारणीत सहभागी झालेल्या दिग्गज उद्योगपती टाटा कुटुंबाच्या कथेचे एव्ही हक्क मिळविल्याचा आम्हाला अभिमान आहे.'

अधिक वाचा : प्रसिद्ध किर्तनकार इंदोरीकर महाराजांची प्रकृती बिघडली


या पुस्तकावर आधारित असेल सिनेमाची कथा


चित्रपटाची कथा ज्येष्ठ पत्रकार आणि लेखक गिरीश कुबेर यांच्या 'द टाटास: हाऊ अ फॅमिली बिल्ट अ बिझनेस अँड अ नेशन' या पुस्तकावर आधारित असेल. कंपनीने काही काळापूर्वी या पुस्तकाचे हक्क विकत घेतले होते. मात्र, या चित्रपटाचं शूटिंग कधी आणि कुठे सुरू होणार, याबाबत अद्याप कोणतीही माहिती समोर आलेली नाही. तसेच या चित्रपटाच्या रिलीजची तारीख आणि स्टारकास्ट याबाबत अद्याप कोणतीही माहिती समोर आलेली नाही.

अधिक वाचा : राज्यसभेसाठी शिवसेनेकडून उमेदवार जाहीर


संपूर्ण कुटुंबावर लक्ष केंद्रित केले जाईल

चित्रपटाची कथा गिरीश कुबेर यांच्या पुस्तकातून घेतली जाणार असून केवळ रतन टाटा यांच्याच नव्हे तर त्यांच्या कुटुंबातील इतर सदस्यांनाही या चित्रपटात दाखवण्यात येणार आहे. टाटा कुटुंबाने केवळ व्यवसायच उभारला नाही तर राष्ट्रनिर्मितीतही योगदान दिले आहे, अशी माहिती आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी