ट्रेंडिंग:

Jawan BO Collection Day 3: 'जवान'ची तिसऱ्या दिवशी 200 कोटीच्या क्लबमध्ये झेप, 'पठाण'चा मोडला विक्रम

Jawan Box Office Collection Day 3: 7 सप्टेंबर रोजी प्रदर्शित झालेल्या 'जवान' ने बॉक्स ऑफिसवर पहिल्याच दिवसांपासून अफलातून कामगिरी करायला सुरुवात केली आहे. मनोरंजनाचा बंपर पॅकेट असलेल्या या चित्रपटाने सिनेव्यवसायाला मालमाल केले आहे. देशातच नव्हे तर जगभरात याने पहिल्याच दिवशी कमाईचा विक्रम केला होता. या सिनेमाची तिसऱ्या दिवसाची कमाई जाणून घेऊयात.

Updated Sep 10, 2023 | 03:39 PM IST

जवान ने तीन दिवसात गाठला 200 कोटी क्लबचा पल्ला

Jawan BO Collection Day 3: शाहरुख खान स्टारर बहुप्रतिष्ठित चित्रपट 'जवान' 7 सप्टेंबरला देशभरातील सर्व सिनेमागृहात प्रदर्शित झाला, या चित्रपटाने केवळदेशातच नव्हे तर जगभरात पहिल्याच दिवशी रग्गड कमाई केली आहे. मात्र, दुसऱ्या दिवशी चित्रपटाच्या कमाईत 29.09% ची घसरण झाली आहे. पण तिसर्‍या दिवशी म्हणजे शनिवार, ९ सप्टेंबरला 'जवान'ने अशी झेप घेतली की, व्यापारी तज्ज्ञही पाहतच राहिले. या चित्रपटाने अवघ्या तीन दिवसांत देशभरात 200 कोटींचा टप्पा पार केला आहे. शाहरुखने 'जवान'च्या माध्यमातून त्याच्या मागील 'पठाण' चित्रपटाचा विक्रम मोडला आहे.

शनिवार-रविवारी जवानांच्या कमाईत मोठी झेप पाहायला मिळते आहे. हा चित्रपट पुन्हा एक नवा रेकॉर्ड बनवणार असल्याचा अंदाज आहे. दुसऱ्या दिवसाच्या तुलनेत 'जवान'ने तिसऱ्या दिवशी म्हणजे शनिवारी, 9 सप्टेंबरला मोठी झेप घेतली. शनिवारी चित्रपटाच्या कमाईत 39.96% वाढ झाली.

जवान ची प्रादेशिक भाषिक कमाई

बॉक्स ऑफिसचे आकडे देणारी साइट सॅकनिल्कच्या मते, एटलीच्या 'जवान'ने तिसऱ्या दिवशी सर्व भाषांमधून 74.50 कोटी रुपये कमवले. यामध्ये हिंदी भाषेतून 66 कोटी रुपये, तामिळ भाषेतून 5 कोटी रुपये आणि तेलगू भाषेतून 3.5 कोटी रुपये जमा झाले आहेत. त्यानुसार 'जवान'ने अवघ्या तीन दिवसांत 202.73 कोटींचा व्यवसाय केला आहे.

'जवान'ने मोडला 'पठाण'चा रेकॉर्ड

शाहरुख खानचा मागील सुपरहिट चित्रपट 'पठाण' ने रिलीजच्या तीन दिवसांत 160 कोटींची कमाई केली होती, मात्र 'जवान'ने तो रेकॉर्ड देखील मोडला आहे. कारण जवान ने तिसऱ्या दिवशी 200 कोटींचा टप्पा पार केला आहे. त्यामुळे जवान आणखीन बरेच रेकॉर्ड तोडण्याच्या मार्गावर जात असल्याचे दिसून येत आहे. 'पठाण'चे देशभरातून कलेक्शन (50 दिवस) 540.51 कोटी रुपये होते आणि जगभरात 1047 कोटी रुपये कमावले होते.

'जवान'मध्ये दमदार कलाकारांचा ताफा

'जवान'चे दिग्दर्शन दाक्षिणात्य सुप्रसिद्ध दिग्दर्शक एटली यांनी केले आहे. शाहरुख खान बरोबरच या चित्रपटात नयनतारा, सुनील ग्रोव्हर, सान्या मल्होत्रा, विजय सेतुपती, संजय दत्त आणि दीपिका पदुकोण यांच्या भूमिका आहेत. त्याच्याशिवाय या चित्रपटात इतर अनेक कलाकार आहेत, ज्यांच्या कामाचे खूप कौतुक होत आहे. 'जवान'मधील 'जिंदा बंदा' या गाण्यात दिग्दर्शक ऍटली यांचीही खास भूमिका आहे.

ताज्या बातम्या

Vivo Price Drop: महिन्याभरात दुसऱ्यांदा स्वस्त झाले Vivo चे हे 2 स्मार्टफोन, जाणून घ्या नवीन किंमत

Rahu Ketu Gochar 2023: दिवाळीपूर्वी राहू-केतूचे मोठे संक्रमण, या 5 राशी होणार मालमाल

IIT Bombay: मुंबई IIT मध्ये शाकाहार-मांसाहारावरून पुन्हा वाद! मांसाहार करणाऱ्या विद्यार्थ्याला 10 हजारांचा दंड

Nanded Government Hospital Deaths: नांदेडमध्ये मृत्यूचं थैमान! आणखी 7 जणांचा मृत्यू, 4 बालकांचा समावेश; अशोक चव्हाण यांचं ट्वीट

Asian Games 2023: यशस्वी जैस्वालने इतिहास रचला! आशियाई क्रीडा स्पर्धेत शतक झळकावणारा पहिला भारतीय

इक्सिगोची 'इक्सिगो अशुअर्ड' सेवा, निवडक आंतरराष्‍ट्रीय फ्लाइट बुकिंग्‍जवर मिळणार Complete Refund Facility

Lok Sabha Election 2024: काँग्रेस नेत्या प्रियंका गांधी महाराष्ट्रातून लोकसभा निवडणूक लढवणार?

Nanded News: नांदेडच्या शासकीय रुग्णालयात नेमकं काय घडलं? रुग्णालय प्रशासनानं सांगितलं कारण

बातमी समाप्त

व्हिडिओ