KBC 14 : मेगास्टार अमिताभ बच्चन लवकरच 'कौन बनेगा करोडपती 14' घेऊन प्रेक्षकांसाठी परतत आहेत. निर्मात्यांनी टीव्हीच्या हिट गेम शोचा प्रोमो रिलीज केला आहे, ज्यामध्ये अमिताभ बच्चन हे सांगताना दिसत आहेत की ते त्यांची स्वप्ने पूर्ण करण्यासाठी नोंदणी कधी सुरू करू शकतात. 'KBC 14' चा हा प्रोमो सोशल मीडियावर मोठ्या प्रमाणात व्हायरल होत आहे. प्रेक्षकांनी पुन्हा एकदा या गेम शोची तयारी सुरू केली आहे. सर्वांनीच कंबर कसली आहे. नोंदणीच्या तारखांची घोषणा ऐकून सगळेच उत्साही झाले आहेत.
प्रोमोची सुरुवात एक तरुण जोडपं टेरेसवर पडून चंद्राकडे पाहत आहे. नवरा बायकोला वचन देतो की तो त्यांना स्वित्झर्लंडला घेऊन जाईल, मोठे घर घेईल, मुलांना उत्तम शिक्षण देईल. पतीच्या या सर्व गोष्टी ऐकून पत्नी आनंदी होते आणि स्वप्न पाहू लागते. काही वर्षांनी हे जोडपे म्हातारे झालेलं दाखवले आहे. नवरा पुन्हा बायकोला तेच वचन देताना दिसतो, पण यावेळी बायको खूश नाही तर रागावली आहे. यामध्ये अमिताभ बच्चन यांचा आवाज येतो.
अधिक वाचा : ऐन उन्हाळ्यात वीजबिलात होणार घट, वाचा सविस्तर
अमिताभ बच्चन म्हणतात, स्वप्ने पाहून आनंदी होऊ नका, ती पूर्ण करण्यासाठी फोन उचला. माझे प्रश्न आणि तुमची केबीसीसाठी नोंदणी, ९ एप्रिल, रात्री ९ वाजल्यापासून सुरू होत आहे. या प्रोमोमध्ये अमिताभ बच्चन निळ्या रंगाचा सूट घालून खुर्चीवर बसलेले दिसत आहेत. हा प्रोमो पाहून चाहते खूप खूश झाले आहेत आणि 9 एप्रिलची वाट पाहत आहेत.
अधिक वाचा : एप्रिल २०२२ मधील लग्न आणि इतर शुभ कार्यांचे मुहूर्त
'कौन बनेगा करोडपती' 2000 सालापासून टीव्हीवर येत आहे. दरवर्षी हा शो नवीन सीझन घेऊन येत आहे. अमिताभ बच्चन यांनी शोचा प्रत्येक सीझन होस्ट केला आहे, फक्त तिसरा सीझन शाहरुख खानने होस्ट केला होता, मात्र प्रेक्षकांमध्ये आपले स्थान निर्माण करण्यात तो सपशेल अपयशी ठरला. गेल्या वर्षी या शोने त्याचे एक हजार भाग साजरे केले. यावेळी अमिताभ बच्चन यांची मुलगी श्वेता बच्चन आणि नात नव्या नवेली नंदा या विशेष पाहुण्या म्हणून आल्या होत्या.