Swami Samartha Prakat Din Special : स्वामी समर्थ मालिकेत स्वामी साकारणाऱ्या अक्षय मुडावदकर यांच्याबद्दल काही खास गोष्टी 

स्वामी साकारणाऱ्या अक्षय यांच्याबद्दल काही खास गोष्टी  |  फोटो सौजन्य: Times Now

Akshay Mud awadkar : मराठी सिनेमांप्रमाणेच आता टेलिव्हिजन क्षेत्रामध्येही चरित्रकथांना मोठी लोकप्रियता मिळत असल्याचं पहायला मिळत आहे. यामध्ये सध्या स्वामी समर्थांच्या जीवनावर आधारित मालिका जय जय स्वामी समर्थ मालिका खूप लोकप्रिय झाली आहे.  या मालिकेमध्ये स्वामींची मूळ भूमिका साकारणार्‍या कलाकाराबाबत अनेकांच्या मनात उत्सुकता आहे. त्यांनी साकारलेली स्वामींची भूमिका अनेकांचे लक्ष वेधून घेत असल्याने हे कलाकार कोण हा प्रश्न तुमच्यादेखील मनात असेल तर जाणून घ्या ही भूमिका साकारणार्‍या अक्षय मुडावदकर (Akshay Mudawadkar) यांच्याबद्दल काही खास गोष्टी ज्या तुम्हांला माहिती नाही आहे. 

1. अक्षय मुडावदकर मूळचे नाशिकचे आहेत. 
2. त्यांनी जय जय स्वामी समर्थ मालिका करण्यापूर्वी नाटक, मालिकांमध्येही काम केले आहे. 
3. मॉडेल म्हणून ते कलाक्षेत्रामध्ये आलेत. 
4. 2019 साली त्यांनी शॉर्ट फिल्म 'अ पिस ऑफ पेपर' मध्ये काम केले आहे. 
5. त्यानंतर स्वराज्य जननी जीजामाता या मालिकेचा देखील भाग होते. 
6. मराठी रंगभूमीवर अक्षय ' गांधी हत्या आणि मी' मध्ये देखील काम करतात. 
7. पण सध्या अक्षय हे  'जय जय स्वामी समर्थ' मालिकेमधून आबालवृद्धांमध्ये लोकप्रिय झाले आहेत.  
8. या मालिकेतील भूमिकेसाठी विशेष मेहनत घेत असल्याचे त्यांनी म्हटलं होतं. 
9. या भूमिकेच्या बारकाव्यांसाठी त्यांनी खास अ‍ॅक्टिंग वर्कशॉप्स केले आहेत.

स्वामी समर्थ हे महाराष्ट्रातील संत परंपरेतील एक होते. सोलापूर जवळील अक्कलकोट हे त्यांचे मूळ क्षेत्र आहे.  अक्षय हे सध्या घराघरामध्ये त्यांची भूमिका साकारत भाविकांच्या भेटीला टेलिव्हिजनच्या माध्यमातून येत आहे. 'भिऊ नकोस मी तुझ्या पाठीशी आहे.' असा मंत्र देणार्‍या स्वामी समर्थांचे तारकमंत्र, आरती, जपमंत्र हे त्यांच्या भाविकांमध्ये विशेष प्रसिद्ध आहेत.