Akshay Kumar ला शिवाजी महाराजांच्या लूकमध्ये पाहून लोक संतापले

मुंबई : अक्षय कुमारने मंगळवारी मुंबईत 'वेदात मराठे वीर दौडे सात' या पहिल्या मराठी चित्रपटाच्या शूटिंगला सुरुवात केली. महेश मांजरेकर दिग्दर्शित पिरियड चित्रपटात हा अभिनेता छत्रपती शिवाजी महाराजांची भूमिका साकारणार आहे. मुंबईत चित्रपटाचे पहिले शेड्यूल सुरू होत असताना त्याने एक नवीन व्हिडिओ शेअर केला आहे. अक्षय कुमारचा हा अवतार पाहून त्याचे चाहते त्याचे कौतुक करत आहेतच पण ट्रोलर्सनीही त्याच्यावर निशाणा साधला आहे. त्याचा लूक समोर येताच ट्रोलिंगलाही सुरुवात झाली आहे. (Akshay Kumar is playing the role of Shivaji Maharaj)

अधिक वाचा : 'हर हर महादेव' सिनेमावरुन संभाजीराजेंचा संताप, "हा सिनेमा टीव्हीवर प्रदर्शित केल्यास...."

अक्षयने एक पोस्ट देखील शेअर केली ज्यामध्ये तो सेटवर छत्रपती शिवाजी महाराज म्हणून पूर्ण गेट-अपमध्ये दिसत आहे. इंस्टाग्राम रील्सवर पोस्ट केलेल्या क्लिपमध्ये, अक्षय कॅमेर्‍याकडे चालताना दिसत आहे. त्यांने त्यांच्या पोस्टला 'जय भवानी, जय शिवाजी' असे कॅप्शनही दिले आहे. 

अधिक वाचा : ​Shreyas Talpade : 'पुष्पा'ला आवाज दिल्यापासून श्रेयस तळपदे फायद्यात, डबिंगच्या मिळू लागल्या मोठ्या ऑफर

अक्षयच्या लूकवरून त्याला ट्रोल केले जात आहे. एका सोशल मीडिया यूजरने टीझरमधील एक मोठी चूक लक्षात आणून दिली आहे. अक्षयच्या मागे झुंबरात बल्ब आहेत. त्या काळात बल्ब नव्हते. त्यामुळे घरे आणि वाड्यांमध्ये मेणबत्त्या आणि दिवे वापरले जात होते. ही चूक निदर्शनास आणणाऱ्या युजरने लिहिले आहे की, झुंबरात बल्ब कुठून आले. टीझरमध्ये, झूंबरमध्ये बल्ब होल्डर्समध्ये स्पष्टपणे दिसत आहेत.

'वेदात मराठे वीर रावडे सात' मधील कलाकार

या मराठी चित्रपटात जय दुधने, उत्कर्ष शिंदे, विशाल निकम, विराट मडके, हार्दिक जोशी, सत्या, अक्षय, नवाब खान आणि प्रवीण तरडे यांनी काम केले आहे. वसीम कुरेशी निर्मित, वेदात मराठे वीर दौडे सात मराठी, हिंदी, तमिळ आणि तेलगूमध्ये दिवाळी 2023 ला थिएटरमध्ये दाखल होईल.