Chanakya Niti: तीन अशा गोष्टी ज्यांची पुरुषांपेक्षा महिलांना असते जास्त गरज

chanakya niti, women are more intelligent brave hungry than men : चाणक्य नितीमध्ये आचार्य चाणक्य यांनी एका श्लोकात पुरुषांपेक्षा कोणत्या तीन बाबतीत महिला पुढे असतात हे सांगितले आहे. 

chanakya niti, women are more intelligent brave hungry than men
Chanakya Niti: तीन अशा गोष्टी ज्यांची पुरुषांपेक्षा महिलांना असते जास्त गरज  |  फोटो सौजन्य: Representative Image
थोडं पण कामाचं
  • Chanakya Niti: तीन अशा गोष्टी ज्यांची पुरुषांपेक्षा महिलांना असते जास्त गरज
  • तीन बाबतीत पुरुषांपेक्षा महिला पुढे असतात
  • आचार्य चाणक्य यांची चाणक्य निती

chanakya niti, women are more intelligent brave hungry than men : चाणक्य निती सत्याची जाणीव करून देते. वास्तवाचे भान आणून देते. विचार आणि कृती करण्यासाठी दिशादर्शन करते. नितीनियम सांगते, देशहित कशात आहे आणि सज्जन व्यक्तीने कसे वागावे याचे मार्गदर्शन करते. मानवी जीवनाच्या प्रत्येक पैलूशी चाणक्य नितीचा संबंध दिसून येतो. या नितीशास्त्रात सदैव सावध राहण्यासाठी, चतुराईने वर्तन करण्यासाठी मार्गदर्शन केले आहे. 

चाणक्य निती महिला आणि पुरुष यांचे गुण आणि दोष सांगते. चाणक्य नितीमध्ये आचार्य चाणक्य यांनी एका श्लोकात पुरुषांपेक्षा कोणत्या तीन बाबतीत महिला पुढे असतात हे सांगितले आहे. 

स्त्रीणां दि्वगुण आहारो बुदि्धस्तासां चतुर्गुणा।

साहसं षड्गुणं चैव कामोष्टगुण उच्यते।।

चाणक्य निती मधील हा श्लोक आहे. या श्लोकाच्या माध्यमातून आचार्य चाणक्या यांनी पुरुषांपेक्षा महिलांना कोणत्या तीन गोष्टींची जास्त गरज आहे हे समजावून सांगितले आहे. 

  1. भूक : श्लोकात नमूद आहे त्यानुसार महिलांना पुरुषांपेक्षा जास्त भूक लागते. कारण त्यांना जास्त ऊर्जा आवश्यक असते. आरोग्याच्या दृष्टीने बघितले तरी हे योग्य आहे कारण महिलांना जास्त कॅलरीजची गरज असते.
  2. बुद्धि : श्लोकात नमूद आहे त्यानुसार बुद्धिच्या बाबतीत महिला पुरुषांपेक्षा श्रेष्ठ आहेत. महिलांमध्ये एकाचवेळी अनेक कामं स्वीकारून ती वेगाने पूर्ण करण्याची क्षमता असते. पुरुषांच्या तुलनेत महिलांना एकाग्रतेने काम करणे जास्त चांगल्या प्रकारे जमते. याच कारणामुळे आव्हानात्मक प्रसंगी अनेकदा पुरुषांपेक्षा प्रभावीरित्या महिला प्रश्न हाताळू शकतात.
  3. धाडस किंवा साहस : श्लोकात नमूद आहे त्यानुसार पुरुषांपेक्षा महिला जास्त धाडसी किंवा साहसी आहेत. महिलांची तणाव सहन करण्याची क्षमता पुरुषांच्या तुलनेत जास्त आहे. बिकट परिस्थितीत टिकाव धरून राहण्याचे सामर्थ्य पुरुषांच्या तुलनेत महिलांमध्ये जास्त आहे.

डिस्क्लेमर / Disclaimer : मजकूर संकलित माहितीच्याआधारे तयार केला आहे. टाइम्स नाउ मराठी या माहितीची जबाबदारी घेत नाही. अधिक माहितीसाठी संबंधित क्षेत्रातील तज्ज्ञांचे मार्गदर्शन घ्यावे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी