स्वप्नात बघितलेल्या घटनेचे काय असतात अर्थ जाणून घेण्यासाठी क्लिक करा
Click to know the meaning of what happened in the dream : ज्योतिषशास्त्रात स्वप्नशास्त्र नावाची एक शाखा आहे. स्वप्नशास्त्र या शाखेच्या अभ्यासकांच्या मते स्वप्नांमध्ये मोठा अर्थ दडला असतो. लक्षात राहिलेल्या स्वप्नात काय बघितले हे महत्त्वाचे आहे
स्वप्नात बघितलेल्या घटनेचे काय असतात अर्थ | फोटो सौजन्य: Representative Image
थोडं पण कामाचं
- स्वप्नात बघितलेल्या घटनेचे काय असतात अर्थ
- ज्योतिषशास्त्रात स्वप्नशास्त्र नावाची एक शाखा
- स्वप्नशास्त्र या शाखेच्या अभ्यासकांच्या मते स्वप्नांमध्ये मोठा अर्थ दडला असतो
Click to know the meaning of what happened in the dream : निद्रावस्थेत अनुभवास येणाऱ्या प्रतिमा, वस्तू , व्यक्ती, घटना, भावना म्हणजे स्वप्न. स्वप्न अनुभवताना त्यात जे घडते, ते स्वप्नदर्शकाला, म्हणजे स्वप्न पाहणाऱ्याला खरे वाटते पण ते खरे नसते, हे निद्रावस्था संपल्यानंतर लक्षात येते. तर मानशास्त्रज्ञांच्या मते स्वप्न म्हणजे माणसाचे असे विचार जे अद्याप अपूर्ण आहेत किंवा असे विचार जे त्याच्या मनात भीती निर्माण करतात तेच प्रतिमा, वस्तू , व्यक्ती, घटना, भावना यांच्या रुपाने निद्रावस्थेत त्याच्या समोर येतात. पण ज्योतिषशास्त्रात स्वप्नशास्त्र नावाची एक शाखा आहे. स्वप्नशास्त्र या शाखेच्या अभ्यासकांच्या मते स्वप्नांमध्ये मोठा अर्थ दडला असतो. लक्षात राहिलेल्या स्वप्नात काय बघितले हे महत्त्वाचे आहे आणि काही वेळा ही स्वप्न महत्त्वाच्या घटनेची सूचना देऊ शकतात असे स्वप्नशास्त्राचे अभ्यासक सांगतात. थोडक्यात सांगायचे तर, स्वप्नांविषयी वेगवेगळ्या तज्ज्ञांची वेगवेगळी मते आहेत. आपला कोणावर विश्वास आहे हे महत्त्वाचे आहे.
बातमीची भावकी
- स्वप्नशास्त्रानुसार एखाद्या व्यक्तीने स्वप्नात मृत व्यक्ती बघितली तर संबंधित व्यक्तीच्या आयुष्यात लवकरच एखादी वाईट किंवा भयंकर घटना घडण्याची शक्यता आहे.
- स्वप्नशास्त्रानुसार एखाद्या व्यक्तीने स्वप्नात हिरवीगार झाडे किंवा एखाद्या झाडावरून फळे वा फुले तोडणारी व्यक्ती अथवा स्वतःलाच झाडावरून फळे वा फुले तोडताना बघितले तर ते शुभ स्वप्न आहे असे समजावे. हे स्वप्न बघणाऱ्याच्या आयुष्यात लवकरच एखादी शुभ घटना घडण्याची शक्यता आहे असे समजावे. स्वप्नात झाडावरून फळे वा फुले तोडताना बघितले तर संबंधित व्यक्तीला वारसा हक्काने लाभ होणार आहे असे समजावे.
- स्वप्नशास्त्रानुसार स्वप्नात एखाद्या व्यक्तीला पाण्यात पडताना बघणे अथवा स्वतःच पाण्यात पडणे हे पण शुभ आहे. याचा अर्थ मोठा आर्थिक लाभ होणार आहे असे समजावे.
- स्वप्नशास्त्रानुसार स्वप्नात एखाद्या व्यक्तीला विहिरीतून पाणी काढताना बघितले अथवा स्वतःलाच विहिरीतून पाणी काढताना बघितले तर ते शुभ आहे. याचा अर्थ प्रामाणिकपणे केलेल्या कष्टांमुळे आपल्याला मोठा आर्थिक लाभ होणार आहे असे समजावे.
- स्वप्नशास्त्रानुसार एखाद्या व्यक्तीला किंवा स्वतःला स्वप्नात नव्या कपड्यात बघणे हे शुभ आहे, प्रगतीचे लक्षण आहे. जर स्वप्नात एखाद्या व्यक्तीला किंवा स्वतःला कपडे सुकवताना बघितले तर हे व्यक्ती परिवर्तनाचे लक्षण आहे.