Facial At Home: सणासुदीत घरच्या घरी करा केळ्याचं फेशियल, चेहऱ्यावर येईल जबरदस्त Glow

पार्लरचे पैसे वाचावा, दिवाळीला घरच्या घरी करा केळ्याचं फेशियल 

मुंबई:  Homemade Banana Facial:  प्रत्येक ऋतूमध्ये सहज उपलब्ध होणाऱ्या केळीमध्ये (Banana) पोटॅशियम आणि फायबर (fiber) भरपूर प्रमाणात असते. खाण्यासोबतच केस आणि त्वचेच्या काळजीसाठीही ते फायदेशीर आहे. केळ्याचा पॅक त्वचेशी संबंधित अनेक समस्यांवर रामबाण उपाय आहे. जर तुम्ही सणाच्या तयारीत बिझी असाल आणि त्यात पार्लरला जाणे टाळायचं असेल तर तुम्ही घरच्या घरीच केळीचे फेशियल करू शकता. केळ्याच्या फेशियलने चेहऱ्यावर सहज चमक येते. तुमचा चेहरा सहज ग्लो करायला सुरूवात करेल. फेशियल किंवा मसाज (Facial or massage)  केल्याने चेहऱ्याचे  ब्लड सर्कुलेशन वाढते. ज्यामुळे चेहऱ्याच्या त्वचेवर (skin) ग्लो येतो. केळीमध्ये सिलिका आढळते, जे त्वचेला हायड्रेट ठेवण्यास मदत करते. चला तर मग जाणून घेऊया त्याचे फायदे आणि पेस्ट बनवण्याची पद्धत.

केळ्याचे फेशियल तयार करण्यासाठी लागणारं साहित्य  (Banana facial ingredients for soft and glowing skin):

• 1 ताजे पिकलेलं केळं
• 1 टीस्पून एलोवेरा जेल
• 1 टीस्पून नारळ तेल
• 2 चमचे मध

अधिक वाचा-  आजपासूनच बंद करा जंक फूड खाणं, नाहीतर होऊ शकतात हे गंभीर आजार

केळीचे फेशियल कसे तयार करावे? (How To Make Banana Facial):

1. सर्व प्रथम, एक ताजे केळ घ्या आणि ते मॅश करा.
2. त्यात 1 टीस्पून एलोवेरा जेल, 1 टीस्पून खोबरेल तेल आणि 2 टीस्पून मध घाला.
3. ब्लेंडरच्या मदतीने या सर्व गोष्टी चांगल्या प्रकारे मिसळा.
4. यानंतर ही स्मूद पेस्ट एका भांड्यात काढून चेहऱ्यावर मसाज करा.
5. आता केळीची पेस्ट चेहऱ्यावर लावा. हलक्या हातांनी मसाज करा.
6. लक्षात ठेवा की तुम्हाला फक्त सर्कुलर मोशन चेहऱ्याचा मसाज करावा लागेल.
7. सुमारे 10 ते 15 मिनिटे चेहऱ्याला पूर्णपणे मसाज करा.
8. फेशियल करताना चेहरा पॉईंन्टनुसार प्रेस करा. यामुळे चेहऱ्यावर छान ग्लो येतो.
9. मसाज केल्यानंतर आता ही पेस्ट फेसपॅक म्हणून वापरा आणि 10 मिनिटे चेहऱ्यावर ठेवा.
10. ते सुकल्यावर स्वच्छ पाण्याने धुवावे.
11. त्यानंतर तुम्ही मॉइश्चरायझर क्रीम लावू शकता. काही काळानंतर तुम्हाला त्याचा परिणाम स्पष्ट दिसेल.

बातमीची भावकी

Skin Care Tips: मधाची जादू..! चेहऱ्यांवरील डागांपासून व्हा मुक्त आणि मिळवा ग्लोईंग स्किन; असा करा वापर

Skin Care Tips: ग्लोइंग स्किनसाठी लावा लिंबू- मेथीचा Face Pack, चमकेल तुमचा चेहरा

Skin Care Tips:चेहऱ्याला नैसर्गिक चमक देण्यासाठी नक्की ट्राय करा बीटचा ‘हा’ फेसपॅक, चेहऱ्यावर दिसेल एक अद्भुत चमक

केळं फेशियलचे फायदे (Banana Facial Benefits):

केळीमध्ये अँटिऑक्सिडंट्स आणि फायटोन्यूट्रिएंट्स भरपूर प्रमाणात असतात. हे सुपरफूड तुमची त्वचा निरोगी, लवचिक आणि चमकदार ठेवण्यास मदत करते. तसेच सुरकुत्यापासून ही बचाव करते. एवढंच नाही तर मुरुमांना कारणीभूत असलेल्या बॅक्टेरियाचा नाश करून त्वचेवर चमक आणते. केळं वापरून तुम्ही खर्च, वेळ आणि केमिकलयुक्त फेशियल देखील टाळू शकता. घरगुती फेशियल तुमच्या त्वचेला नैसर्गिक चमक देतात.