Chanakya Niti: इतरांसमोर चुकूनही करू नका या ४ गोष्टींची चर्चा; होऊ शकते मोठे नुकसान
लाइफफंडा
Updated Jun 06, 2022 | 10:37 IST
| टाइम्स नाऊ मराठी
Chanakya Niti In Marathi | आचार्य चाणक्य यांना एक कुशल अर्थशास्त्रज्ञ, एक महान राजकारणी आणि मुत्सद्दी मानले जाते. त्यांनी जीवनात यशस्वी होण्यासाठी अनेक प्रकारची धोरणे सांगितली आहेत.
इतरांसमोर चुकूनही करू नका या ४ गोष्टींची चर्चा | फोटो सौजन्य: BCCL
थोडं पण कामाचं
- आचार्य चाणक्य यांना एक कुशल अर्थशास्त्रज्ञ, एक महान राजकारणी आणि मुत्सद्दी मानले जाते.
- आचार्य चाणक्य यांनी जीवनात यशस्वी होण्यासाठी काही धोरणांचा अवलंब करण्याच सल्ला दिला आहे.
- चाणक्य नीतीनुसार, आपले दु:ख आणि अपमान चुकूनही कोणाशीही शेअर करू नका.
Chanakya Niti In Marathi | मुंबई : आचार्य चाणक्य यांना एक कुशल अर्थशास्त्रज्ञ, एक महान राजकारणी आणि मुत्सद्दी मानले जाते. त्यांनी जीवनात यशस्वी होण्यासाठी अनेक प्रकारची धोरणे सांगितली आहेत. आचार्य चाणक्य यांनी जीवनात यशस्वी होण्यासाठी काही धोरणांचा अवलंब करण्याच सल्ला दिला आहे. त्यांच्या चाणक्य नीतीमध्ये त्यांनी चार गोष्टींचा उल्लेख केला आहे, त्या गोष्टी इतरांपासून लपवून अथवा गुपित ठेवल्याने जीवनातील मोठे नुकसान टाळता येते. आचार्य चाणक्य यांनी त्यांच्या अनुभवांच्या आधारे मूल्यमापन करताना पैसा, आरोग्य, व्यवसाय, वैवाहिक जीवन आणि समाजाशी संबंधित अनेक मुद्द्यांवर आपले मत मांडले आहे. (do not Discuss these 4 things in front of others by mistake, Can cause great damage).
अधिक वाचा : ...तर मी मुख्यमंत्री होऊ शकतो- मंत्री गुलाबराव पाटील
- कुटुंबातील वाद - चाणक्य नीतीनुसार, जर तुमच्या कुटुंबात किंवा नातेवाईकांमध्ये मतभेदाचे वातावरण अथवा कोणते वाद असतील तर बाहेरच्या व्यक्तीसमोर कधीही त्याचा उल्लेख करू नका. असे केल्याने तुम्हाला अपमानाला सामोरे जावे लागू शकते. तसेच प्रत्येकाच्या घरात औषध नसले तरी मीठ जरूर असते याचा विचार करणे गरजेचे आहे.
- वैवाहिक जीवनातील वैयक्तिक बाबी - आचार्य चाणक्य यांच्या मते, एखाद्या व्यक्तीने आपल्या वैवाहिक जीवनातील वैयक्तिक गोष्टी कधीही इतरांसोबत शेअर करू नयेत. पती-पत्नीमध्ये घडलेल्या गोष्टी नेहमी गोपनीय ठेवल्या पाहिजेत. तसेच जेव्हा तुमच्या दोघांमध्ये थोडासा वाद होतो अशा गोष्टी नेहमी गुपित ठेवाव्या. असे केले नाही तर दोघांची प्रतिष्ठा धुळीस मिळेल आणि लोक याची खिल्ली उडवतील. त्यामुळे नात्यात अधिक दुरावा निर्माण होईल.
- आपले दु:ख आणि अपमान कोणाला सांगू नये - चाणक्य नीतीनुसार, आपले दु:ख आणि अपमान चुकूनही कोणाशीही शेअर करू नका. असे केल्याने लोक तुम्हाला कमजोर समजतात आणि तुमची चेष्टा करतात. असे केल्याने भविष्यात तुमच्यासाठी अनेक प्रकारच्या अडचणी निर्माण होऊ शकतात.
- पत्नीचे गैरवर्तन अथवा वाईट गोष्टी शेअर करू नका - जर एखाद्याच्या पत्नीमध्ये काही चांगले किंवा वाईट गुण असतील, ती तुमच्याशी भांडते किंवा तुमचा अपमान करते तरीदेखील या वैयक्ति गोष्टी घराबाहेरील कोणत्याच सदस्याच्या कानावर घालू नका. असे करणाऱ्या व्यक्तीची समाजातील प्रतिमा खराब होण्याचा धोका असतो आणि वैवाहिक जीवन हा इतरांसाठी चेष्टेचा विषय बनतो. तसेच बाहेरील मंडळी यामुळे तुमची खिल्ली उडवते.
बातमीची भावकी
