Khoya Kulfi : ईद निमित्त तयार करा चविष्ट खोया कुल्फी
eid special khoya kulfi recipe, easy and tasty kulfi recipe for summer : रमजान हा पवित्र महिना सुरू आहे. या महिन्याचा समारोप शनिवार 22 एप्रिल 2023 रोजी होईल. या दिवशी रमजान ईद साजरी केली जाईल. चविष्ट खोया कुल्फी खात आपण रमजान ईद साजरी करू शकता.
ईद निमित्त तयार करा चविष्ट खोया कुल्फी | फोटो सौजन्य: Representative Image
थोडं पण कामाचं
- Khoya Kulfi : ईद निमित्त तयार करा चविष्ट खोया कुल्फी
- खोया कुल्फी तयार करण्यासाठी लागणारे साहित्य
- खोया कुल्फी तयार करण्याची कृती
eid special khoya kulfi recipe, easy and tasty kulfi recipe for summer : रमजान हा पवित्र महिना सुरू आहे. या महिन्याचा समारोप शनिवार 22 एप्रिल 2023 रोजी होईल. या दिवशी रमजान ईद साजरी केली जाईल. चविष्ट खोया कुल्फी खात आपण रमजान ईद साजरी करू शकता. सध्या उन्हाळ्याचे दिवस सुरू आहेत. या दिवसांमध्ये कुल्फी खाऊन आपण उन्हाळा एन्जॉय करू शकता. चला तर मग जाणून घेऊ खोया कुल्फीची रेसिपी...
खोया कुल्फी तयार करण्यासाठी लागणारे साहित्य : 1 लिटर दूध, 1 कप खोया, अर्धा कप साखर, 1 चमचा वेलची पूड, प्रत्येकी 2 चमचे बदाम आणि पिस्ता यांचे छोटे तुकडे
खोया कुल्फी तयार करण्याची कृती
- एका पॅनमध्ये 1 दूध घ्या आणि व्यवस्थित उकळवा. दुधाला एक उकळी आल्यावर गॅस मंद आचेवर ठेवा. आता पॅनमधले दूध मंद आचेवर शिजवत ठेवा.
- उकळत असलेले दूध उकळून अर्धा लिटर होईपर्यंत गॅस सुरू ठेवा. दूध साधारण निम्मे झाले की त्यात खोया, बदाम आणि पिस्ता यांचे छोटे तुकडे आणि वेलची पूड टाकून व्यवस्थित ढवळून घ्या. दूध आणखी 5 ते 10 मिनिटे उकळवा नंतर गॅस बंद करा. दूध थंड होऊ द्या.
- थंड झाल्यानंतर हे दूध कुल्फीच्या साच्यांमध्ये भरून घ्या आणि कुल्फीचे साचे फ्रीजरमध्ये सेट होण्यासाठी ठेवा.
- फ्रीजरमध्ये ठेवलेले साचे 8 तास किंवा त्यापेक्षा जास्त वेळानंतर बाहेर काढा. साच्यात कुल्फी तयार झाली असेल.
- कुल्फी खाण्याच्या काही मिनिटे आधी फ्रीजमधून साचे बाहेर काढा आणि साध्या पाण्याने भरलेल्या भांड्यात 5 ते 10 मिनिटे ठेवा. नंतर प्रत्येक साच्यातून आरामात कुल्फी बाहेर काढता येईल.
- खोया कुल्फी तयार आहे. ही कुल्फी आपण लंच किंवा डिनर नंतर आरामात खात डेझर्ट म्हणून एन्जॉय करू शकता.
