Easy Cancer Prevention Tips in Marathi: कॅन्सरपासून बचाव करायचा असेल, तर करु नका 'ही' चूक

World Cancer Day 2023: कॅन्सरपासून बचाव करायचा असेल, तर करु नका 'ही' चूक  |  फोटो सौजन्य: BCCL

Easy Cancer Prevention Tips in Marathi: : दरवर्षी ४ फेब्रुवारीला ‘वर्ल्ड कॅन्सर डे’ जगभरात साजरा केला जातो. हा दिवस साजरा करण्याचा हेतू लोकांना कॅन्सर या आजाराबाबत जागरूक करणं हा असतो. जेणेकरून कॅन्सरच्या मृतांचा आकडा कमी करता येईल. खरंतर दरवर्षी कॅन्सरचं संकट जगभरात वाढत जात आहे. चार प्रकारच्या कॅन्सरला सर्वात धोकादायक म्हटलं गेलं आहे. यात ब्रेस्ट कॅन्सर, तोंडाचा कॅन्सर, सर्वाइकल कॅन्सर आणि आतड्यांच्या कॅन्सरचा समावेश आहे.
कॅन्सर म्हणजे नेमकं काय?

अधिक वाचा : World Cancer Day 2023 Quotes: जागतिक कॅन्सर दिवसच्या निमित्ताने या आजाराशी लढणार्‍यांना सकारात्मकता देण्यासाठी HD Images

शरीरातील कुठल्याही भागातील पेशी म्हणजेच सेल्स अनियंत्रित पद्धतीनं वाढल्या तर त्याला कॅन्सर म्हटलं जातं. अशात या पेशी हेल्दी सेल्सला खावून टाकतात.

कॅन्सरची लक्षणं कोणती

शरीरात कोणती गाठ असल्याचं जाणवत असेल तर त्याकडे दुर्लक्ष करू नका. शरीरातील कुठल्याही भागातून रक्तस्राव किंवा द्रव पदार्थ निघत असेल तर ते गंभीर पणे घ्या. हे कॅन्सरचं लक्षण असू शकतं. विनाकारण होणारी डोकेदुखी, वजन कमी होणं ही लक्षण दिसत असल्यासही कॅन्सरची तपासणी लगेच करावी.

कॅन्सरपासून असा करावा बचाव

रिसर्चनुसार कॅन्सरचा आजार मुख्यत्वे आपल्या चुकीच्या लाईफस्टाईलमुळे होतो. जर आपण आपल्या सवयी चांगल्या ठेवल्या तर कॅन्सरपासून आपण बचाव करू शकतो. अशातच या बाबतीत स्वत:ची काळजी घ्यावी.

अधिक वाचा : Grandparents day in Maharashtra Schools: राज्यातील शाळांमध्ये 'आजी-आजोबा दिवस' साजरा होणार, जाणून घ्या कोणते उपक्रम राबवले जाणार

 चला जाणून घ्या कोणत्या आहेत या सवयी...

• स्मोकिंगपासून वाचावं. यामुळे कॅन्सरचा धोका अनेक पटींनी वाढतो.
• गरजेपेक्षा जास्त साखर असलेल्या गोड पदार्थांचं सेवन करू नये. तसंच खूप जास्त मीठ खाणंही टाळावं.
• प्रोसेस्ड मीट आणि रेड मीट जास्त खावू नये.
• अल्कोहलचं सेवन दिवसातून दोन ड्रिंकच्या वर करू नये.
• कॅन्सरपासून बचाव करण्यासाठी सप्लिमेंट्सच्या मागे धावू नये.
• अॅक्टिव्ह राहा. दिवसातून कमीत कमी ३० मिनीटं व्यायाम किंवा वॉक करावा.
• जर आपल्या फॅमिली हिस्ट्रीमध्ये कुणाला कॅन्सर असेल तर वेळोवेळी आपली मेडिकल तपासणी करत राहावी.