पन्ना को बताना हर हिरा खरा नही होता! ग्राहकांनो पावतीवर डोळे झाकून विश्वास ठेवू नका, अशी करा अस्सल हिऱ्याची पारख
Diamond GEm Testing Fraud: डायमंड खरेदी करताना त्याचा एक रिपोर्ट आपल्याला मिळतो. मात्र हा रिपोर्ट कितीपत खरा आहे, हे अनेकदा कळत देखील नाही! बाजारात असे अनेक लोक आहेत जी खोट्या दगडाला खरा हीरा सांगून ग्राहकांची फसवणूक करत आहेत. आज आम्ही तुम्हाला या बद्दल सतर्क करणार आहोत. फसवणुकीच्या जाळ्यात कसे ही लोकं ग्राहकांना अडकवतात याबद्दल आज आम्ही इथे माहिती देणार आहोत.
- डायमंड बाजारात वेगवेगळ्या किमतीमध्ये मिळतात. पण हे डायमंड असली आहे की नकली हे अनेकदा कळून येत नाही.
- डायमंड फसवणुकीचे तीन प्रकार आहेत
- जाणून घेऊयात याबद्दल
Diamond fake or original : जगभरात ग्राहकांची विविध स्तरावर वेगवेगळ्याप्रमाणे फसवणूक सुरू आहे. अगदी आपण कल्पना करू शकणार नाही, अशा छोट्या मोठ्या गोष्टींतही फसवणूक केली जाते. आपली फसवणूक झाली आहे हे अनेकदा लोकांना कळत देखील नाही. आपण इथे डायमंडच्या फसवणुकीबद्दल बोलणार आहोत. डायमंड बाजारात वेगवेगळ्या किमतीमध्ये मिळतात. पण हे डायमंड असली आहे की नकली हे अनेकदा कळून येत नाही.
अधिक वाचा : Pune:डॉ. बाबासाहेब आंबेडकर जयंतीनिमित्त वाहतूक व्यवस्थेत बदल
बनावट रिपोर्टचा धंदा तीन प्रकारे सुरू आहे
- बनावट रिपोर्टचा व्यवसाय प्रामुख्याने तीन प्रकारे सुरू आहे. ज्यात पहिला प्रकार म्हणजे जर यामध्ये कोणत्याही लॅबची माहिती, फोन नंबर किंवा URL ची माहिती तसेच पत्ता नमूद केलेला नसेल तर तो पूर्णपणे खोटा रिपोर्ट असतो.
- दुसऱ्या प्रकारामध्ये रिपोर्ट जरी खरे असले तरी खड्यात फेरबदल केलेला असू शकतो. तुम्ही त्या रिपोर्टवर असलेल्या फोन नंबर आणि पत्त्याची पडताळणी केल्‍यानंतर त्या लॅबमध्येही जाऊ शकता, परंतु तेथील सप्लायर्सनेच जर मूळ डायमंड बदलला असेल तर तुम्ही काय करणार ?
- कधीकधी GIA क्रमांकाबरोबर सिंथेकेट नंबरची सुद्धा अदलाबदल केली जाते. तिसऱ्या प्रकारामध्ये रिपोर्ट आणि डायमंड दोन्ही ही खरे असतात मात्र त्या रिपोर्टमध्ये फेरबदल केलेला असतो, बहुतांश वेळा हा फेरबदल GEm रिपोर्ट मध्ये झालेला असतो.
अधिक वाचा : केडीच्या सेटवर संजय दत्त जखमी
डायमंड खरा आहे की खोटा हे कसे ओळखावे?
ग्राहकाने त्याच्या समाधानासाठी रिपोर्टची पडताळणी करायला पाहिजे. रिपोर्ट ओरिजिनल आहे की नाही हे समजण्यासाठी, डायमंड ज्या लॅबमध्ये प्रमाणित करण्यात आला आहे तिथे जाऊन स्वत: तो पुनःप्रमाणित करून घ्या. आजकाल रिपोर्टमध्ये डायमंडच्या ट्रीटमेंटची कोणतीही माहिती देण्यात येत नाही.
काचेची कोटींग असलेल्या रुबी खड्याची बाजारात किंमत खूप स्वस्त आहे, मात्र त्याच्या पावतीवर ही रुबी ची ट्रीटमेंट लिहिलेली दिसत नाही. हा खडा अनट्रीटेड आहे की नाही हे रिपोर्टद्वारे समजून येत नाही. त्यामुळे ग्राहकाने स्वतः रिपोर्ट पुनः प्रमाणित करायला हवा. .