Chanakya Niti: जीवनात या गोष्टींची कधीच लाज बाळगू नका, नाहीतर आयुष्यभर होईल पश्चात्ताप

लाइफफंडा
Updated Jun 06, 2022 | 16:00 IST | टाइम्स नाऊ मराठी

Chanakya Niti in Marathi | आचार्य चाणक्य हे समाजशास्त्र, राज्यशास्त्र, अर्थशास्त्र आणि नीतिशास्त्र या विषयांत खूप ज्ञानी होते. चाणक्यांची चाणक्य नीती जगभर प्रसिद्ध आहे. आचार्य चंद्रगुप्त मौर्य सरचिटणीस असतानाही ते साधे जीवन जगत असत.

If you are ashamed of these things in life, you will regret
जीवनात या गोष्टींची लाज बाळगली तर आयुष्यभर होईल पश्चात्ताप   |  फोटो सौजन्य: BCCL
थोडं पण कामाचं
  • आचार्य चाणक्य यांनी आपल्या नीतीशास्त्रामध्ये मानवाच्या जीवनाशी संबंधित माहिती दिली आहे.
  • चाणक्य नीतीच्या साहाय्याने माणून प्रगतीकडे वाटचाल करू शकतो.
  • समोरची व्यक्ती काय म्हणेल हे पाहून बहुतेक लोकांना साधे कपडे घालण्याची लाज वाटते - चाणक्य.

Chanakya Niti in Marathi | मुंबई : आचार्य चाणक्य हे समाजशास्त्र, राज्यशास्त्र, अर्थशास्त्र आणि नीतिशास्त्र या विषयांत खूप ज्ञानी होते. चाणक्यांची चाणक्य नीती जगभर प्रसिद्ध आहे. आचार्य चंद्रगुप्त मौर्य सरचिटणीस असतानाही ते साधे जीवन जगत असत. चाणक्य नीतीमध्ये अनेक कठीण तत्त्वे सोप्या भाषेत सांगितली आहेत. या धोरणांचा अवलंब करून आजही भरकटलेली माणसे योग्य मार्गावर येऊन आपले जीवन सुधारत आहेत. चाणक्य नीतीमध्ये सर्वकाही जीवनात काय करावे आणि काय करू नये याबद्दल सांगितले आहे. आचार्य चाणक्य यांनी त्यांच्या चाणक्य नीतीमध्ये अशा काही गोष्टी सांगितल्या आहेत त्या गोष्टी करताना कधीच लाजू नये. (Never be ashamed of these things in life, otherwise there will be lifelong remorse). 

अधिक वाचा : जवान विपुल इंगवले यांना अखेरचा निरोप देण्यासाठी उसळला जनसागर

गुरू ज्ञान देत असतील तेव्हा मागे राहू नका

आचार्य चाणक्य म्हणतात की जो मनुष्य आपल्या गुरूंनी सांगितलेले ज्ञान कोणतीही भीती किंवा लाज न बाळगता स्वीकारतो तो आयुष्यात मोठा ज्ञानी होतो. याउलट जो भीती आणि लाजेमुळे आपल्या गुरूंना प्रश्न विचारत नाही, अथवा त्यांच्या बोलण्याकडे दुर्लक्ष करतो त्याचे ज्ञान अपूर्ण राहते आणि त्याला भविष्यात संकटांना सामोरे जावे लागते.

आपले पैसे मागताना लाजू नका

आचार्य चाणक्य यांच्यानुसार, व्यक्तीने पैशाशी संबंधित बाबींमध्ये कधीही संकोच करू नये, जो कोणी पैशाच्या बाबतीत संकोच करतो त्याला धनहानी सहन करावी लागू शकते. एखाद्याला दिलेले आपले पैसे परत मागायला कधीही संकोच करू नये. तसेच जर तुम्ही एखाद्यासोबत व्यवसाय करत असाल तर त्याच्या सोबत देखील स्पष्ट व्यवहार करा. असे न केल्यास तुम्ही तुमचे पैसे गमावू शकता. 

जुनी आणि साधी कपडे घालायला लाजू नये

आचार्य चाणक्य म्हणतात की, समोरची व्यक्ती काय म्हणेल हे पाहून बहुतेक लोकांना साधे कपडे घालण्याची लाज वाटते, परंतु जुने किंवा साधे कपडे घालण्यास कधीही लाज वाटू नये. आचार्य सांगतात की, तुम्ही जुने कपडे परिधान करत आहात की महागडे याने काहीही फरक पडत नाही पण तुम्ही कपडे कसे घालता याची विशेष काळजी घेणे आवश्यक आहे. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी