लठ्ठपणा नवरा-बायकोमध्ये आणतोय दुरावा; लैंगिक रस कमी होण्यासही ठरतोय कारण, वेळीस करा उपाय

लाइफफंडा
भरत जाधव
Updated Sep 26, 2021 | 14:43 IST

तुमचे तुमच्या पार्टनरशी संबंध कसे यावर वैवाहिक जीवनातील आनंद अवलंबून असतो. बरेच लोक आपल्या शरीराबाबत कॉन्फिडेंट नसतात.

Obesity brings distance between husband and wife
लठ्ठपणा नवरा-बायकोमध्ये आणतोय दुरावा  |  फोटो सौजन्य: BCCL
थोडं पण कामाचं
  • जास्त लठ्ठपणा पुरुष, स्त्रिया दोघांच्या लैंगिक संबंधात व्यत्यय आणू शकतो.
  • जेव्हा एखाद्या व्यक्तीचे वजन जास्त असते, तेव्हा त्याच्या शरीरात ग्लोब्युलिन हार्मोनची पातळी वाढते.
  • पुरुषांप्रमाणेच स्त्रियांमध्येही कोलेस्टेरॉल आणि इन्सुलिनची बिघडलेली पातळी रक्तवाहिन्यांमध्ये अडथळे निर्माण करते.

मुंबई : तुमचे तुमच्या पार्टनरशी संबंध कसे यावर वैवाहिक जीवनातील आनंद अवलंबून असतो. बरेच लोक आपल्या शरीराबाबत कॉन्फिडेंट नसतात. याचा परिणाम लैगिंक जीवनावरही होत असतो. सध्याच्या जीवनशैलीत वजन वाढणे आणि मांड्या, पोट, छातीचा आकार बेढब होणे या समस्या अनेकांमध्ये दिसून येतात. यामुळे व्यक्ती आकर्षक दिसत नसल्यामुळे शरीरसंबंध ठेवण्यास आपल्या साथीदाराला रस वाटत नाही. अशा तक्रारी अनेक जोडपे करत असतात. तुमचा विश्वास बसणार नाही पण लठ्ठपणामुळे लैंगिक जीवनावरही प्रतिकुल परिणाम दिसून येतो. 

जास्त लठ्ठपणा पुरुष, स्त्रिया दोघांच्या लैंगिक संबंधात व्यत्यय आणू शकतो. अलीकडे, यावर बरेच संशोधन देखील केले गेले आहेत जे लठ्ठपणा एखाद्या व्यक्तीच्या लैंगिक जीवनावर कसा परिणाम करू शकतो, यावर प्रकाश टाकते. काही लोकांच्या जीवनात लठ्ठपणामुळे लैंगिक जीवनावर परिणाम होत नाही. पण जर परिणाम झाला तर तुम्ही डॉक्टरांशीही संपर्क साधावा. 

अभ्यासातून असे दिसून येते की जे पुरुष किंवा ज्या स्त्रिया अधिक लठ्ठ असतात. त्याच्यात लैंगिक इच्छा कमी होत जाते. हे टेस्टोस्टेरॉनच्या कमी पातळीमुळे आहे, जे लैंगिक कार्यावर परिणाम करते. जेव्हा एखाद्या व्यक्तीचे वजन जास्त असते, तेव्हा त्याच्या शरीरात ग्लोब्युलिन हार्मोनची पातळी वाढते. या संप्रेरकाचा सेक्स हार्मोन्सवर वाईट परिणाम होतो. यामुळे, टेस्टोस्टेरॉनची पातळी कमी होते आणि पुरुष आणि स्त्रियांमध्ये कामेच्छा कमी होऊ लागते.

लैंगिक जीवनाचा आनंद का घेता येत नाही?

पुरुषांप्रमाणेच स्त्रियांमध्येही कोलेस्टेरॉल आणि इन्सुलिनची बिघडलेली पातळी रक्तवाहिन्यांमध्ये अडथळे निर्माण करते. यामुळे योनीमध्ये रक्त प्रवाह कमी होतो. यामुळे, सेक्स ड्राइव्ह दरम्यान आनंद कमी जाणवू लागतो आणि जोडीदाराशी संबंध ठेवणे कठीण होतं.  सेक्स ड्राइव्ह दरम्यान लोक सहसा वेगवेगळ्या पोझिशन्स वापरतात. जेणेकरून आनंद अनुभवता येईल. परंतु जेव्हा एखाद्या व्यक्तीचे वजन जास्त असते, तेव्हा असे करता येत नाही आणि दुखापतीचा धोका देखील वाढतो. आपल्या जोडीदाराशी जवळीक वाढवण्यासाठी आणि त्यांच्याशी चांगले नातेसंबंध प्रस्थापित करण्यासाठी, योग्य लैंगिक जीवन असणे खूप महत्वाचे असते. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी